乂 °مجرد اسطورة ° على كرسي الاعتراف [الأرشيف] - ..||.. منتديات الفياحين الرسمية ..||..

مشاهدة النسخة كاملة : 乂 °مجرد اسطورة ° على كرسي الاعتراف

هاجس الفيحاني

02-03-2008, 09:28 PM

http://www.m5zn.com/uploads/c2b1f03693.jpg

مساء النرجس و الورود العاطر... مساء قطرات الندى التي تتلاعب على اوراق الزهور لتعطي

للطبيعة جمالا و رونقا خاصا ... مساءكم عاطر باأجود انوع العود و البخور ...

اخواني الاعزاء ... اخواتي العزيزات

أهلا ومرحبا بكم احبتي ...... وهانحن من جديد على بساط من الاخوه الصادقة نلتقي ...... لنجدد

عهود الوفاء لمن هم أوفياء لهذا الصرح الشامخ00

نعود ونحن نحمل معنا أزاهير روض لم تزل .... تنشر العبير الفواح و تنور لنا كل زاوية من

زوايا منتدى الفياحين.....

نعود ويملأنا الامل أن تكون عودتنا مميزة بتميز مع ضيفتنا لهذا الاسبوع ( مجرد ) عضوه

استطاعت بمتابعتها و حرصها الدائم في التواجد ان تثبت للجميع انها مثاليه في جميع ردودها

ومواضيعها ولقد اسعدنا كثيرا فنشاطها واضح في الطرح و الرد ...

فأهلا وسهلا بهاذه الضيفه المميزه 00مجرد اسطوره اسم له ووقعه في القلب 0

http://www.7be.com/vb/images/smilies/1c1c.net-a-3e07528776a.gif

مشاكس الفيحاني

02-03-2008, 10:17 PM

السلام عليكم

سلام باللي بالوفا دوم مبداك
و الارض فايح مسكها من مواطيك

حياك مجرد اسطووره معانا على كرسي الاعتراف

1- منو دلك على منتديات الفياحين الرسمية؟
2- شنو نوع العطر اللي تستعملينه؟؟
3- أعضاء تعرفينهم من قبل المنتدى؟؟
4- منو الشخص اللي تلجئين له اذا تضايقتي؟؟
5- شنو شعورك و انتي على كرسي الاعتراف؟؟
6- شنو ترتيبك بين اخوانك و خواتك؟؟
7- بيت شعر يمر دئما علي بالك ؟.؟.؟؟
8- موقف محرج مستحيل تنسيه؟؟
9- وش احلى خبر سمعتي فيه بحيااتك ؟
10- ليش اخترتي نك مجرد اسطوره؟؟

لا تفرحين لي رجعه هع هع

هذي بس مقدمه للأسأله

هههههههههههاااي

هاجس الفيحاني

02-03-2008, 11:11 PM

س/بطاقتك الشخصية لنتعرف عليكي عن قـرب..؟؟!! :m_gamzah:

س/مستواك التعليمي وهواياتك..؟:h_lala:

س/شخص لاترفظين لهُ طلباً ..؟؟ :h_eheehe:

س/ماهي التجربه التي تتمنين تكرارها ...؟؟ :h_kashkhah:

س/من هو توأم روحك ...؟؟ :h_kekh:

س/مالذي يُشعرُك بأكثر قدر من الحرج...؟؟:m_9afgah:

س/اسوأ خبر سمعتيه...؟؟ :h_dam3ah:

س/اخر كتاب قرأتيه؟؟:h_6abakhah:

س/ثلاث اهداف تود ين تحقيقها ... ؟؟:m_hmm:

س/كيف توصلتِي إلى منتدى الفياحين؟ :m_haha:

س/ماذا قدم لكي منتدى الفياحين.؟:g_ouf:

س/ ماهي اجمل لحظات حياتك؟:m_razfah:

س/ من من الناس يحتل المساحه الاكبر من قلبك:m_love: ؟

س/ اذا قال لك احدهم احبك فما هو شعورك وبماذا تردين عليه؟:m_thumb:

س/ كم لكي وانتي تستخدمين الانترنت ؟ :h_yalahwy:

س/ هل قد شعرتي بفرحه والسعاده تملاء قلبك في لحظه ماكان السبب؟:h_kaak:

س/ مااحب الاسماء لقلبك؟:D

س/ اكرهك هل سبق وقلتيها لاحد وانتي مؤمنه بكامل معناها؟:eek:

س/ ماهو اجمل مكان زرتيه واجمل بلد زرتيها؟:m_thumb:

س/ اذا طلب منكي تغير اسمك من مجرد اسطوره فماذا تختارين؟:g_haa:

س/ تخيلي العالم يصغي إليكـ بهذة اللحظة , ماذا ستقولين ؟؟:h_lotya:

س/ما هي المعايير التي تبنين عليها علاقاتك بالآخرين ؟:g_ouf:

س/ من هو الشخص الذي تشعرين من خلال قرأتك لمواضيعه بأنه يشبهك ؟؟:n_kashe5:

س/ (مجرد اسطوره) هل هي راضيه عن حياتها الحالية...وهل تشعر بأنها قدّمت شيئا في حياتها سيُذكر يوما ما..؟:h_7azenah:

س/ ما الشي اللي لو صار بتكونين اسعد انسانه بالدنيا ؟؟:h_daleel:

س/ هل مرت بك لحظة تمنيتي العالم يقف فيها ؟؟ وتمر بسلام ؟؟:h_9admah:

س/ في وسط فوضى الحياة ما الذي يرسم لكِي "بسمة"؟:n_kashe5:

س/من الاعضاء الاقرب لكـي , ومن هو العضو الذي تفتقدينه دوما ؟:m_m7tar:

س/ كيف ستتعاملين مع من خذل إحساسكـ ؟:h_dam3ah:

س/ متى قلتي اخ منك يادنيا !! ما ترحمين !! ؟؟:g_chub:

س/ كلمة إعجاب وتقدير لمن تقوليهاا ؟;)

س/ سؤال تودين طرحه على أحد الأعضاء ولكن هناك ما يمنعك؟؟:p

س/ هل جربتي الفشل ...وهل استطعتي تجاوزه ؟:g_chub:

س/ما الحلم الذى تتمنينه وانتي على يقين انه لن يتحقق ؟:cool:

س/ما رأيــكي فـيني بـدون مـجـامـله ..؟؟ :m_daleel:

س/ماذا تعني لكي هذه الكلمات ...

س/الحب...الغيره...حب التملك ...الغدر...الخيانه ...الصديق ...الحبيب ...دمعة طفل..دمعة رجل..دمعة المرأه..

س/ما الذي ينقصك بكل صراحة ؟:n_bo7yat:

س/اين تكمن قوتك ...واين يكمن ضعفك ..؟:h_9admah:

س/ممكن تقولين لنا موقف محرج مريتي فيه؟؟:g_ouf:

س/هل حصل ان اتخذتي قرار وندمتي عليه؟:h_yalahwy:

س/- همسة عتاب لمن توجهيها ولماذا؟:m_em:

س/-ما رأيكي في الوحدة وهل تعتقدين أن الأنسان الوحيد سعيد؟؟؟ :m_shoo:

س/لكل انسان مبداء بالحياة ؟ فهل لنا أن نعرف مبدئك ؟؟ :m_thumb:

س/ماهي نقطة ضعفك ؟؟:eek:

س/مين هو الشخص اللي بتهربين من الدنيا لعنده ..؟:h_love:

س/من هو اول حب في حياتك ..وكم كان عمرك..؟والان هل قلبك خالي من الحب ..؟::eek:n_bo7yat:

س/ اكتبي بيت شعر ..ولمين بتهديه ..؟:h_hadeyah:

س/ تكلم عن ثلاث اعضاء من المنتدى ..وثلاث عضوات ...؟:m_m7tar:

س/كلمه تعبرين فيها عن رأيك في اي عضو تختارين ؟؟؟؟؟؟؟؟؟
سؤال اخـير ..مـاسبب عدم توواجدك الدائم.؟؟؟:n_bo7yat:

يارب الاسئله خفيفه ع قلبك ..وبوعدك لي عوده ..
ونشالله ماثقلة عليك
:n_bo7yat::n_bo7yat::n_bo7yat:

:n_bye::n_bye::n_bye:

بنت الاصايل

02-04-2008, 12:14 AM

بسم الله الرحمن الرحيم

حيا الله مجرد أسطوره ..

شخباارج ؟؟!!عسااج بخير!!

شنو شعورج وانتي ع الكرسي ؟؟

أبــي أعرف ليــش ليــن أدخــل المنتدى مالقــااج؟؟!

متى تغضبين ؟؟

متى تحزنين؟؟

ومتى ترضيين ؟

ومتى تفرحين ؟

احلى موقف مر عليج؟؟

ما هي نظرتج للحياة .. واقع ولا خيال .. تفاؤل ولا تشاؤم .. ؟؟

متى تشعرين بالوحدة ؟؟

اذا اعطيتج هذه الأشياء لمن ستهديها ( من اعضاء المنتدى )

- سيارة موديل 2006

- باقة ورد جوري لونه احمر

- دعوة للعشاء لعضوين

- لقب الصديق

- عطر

- ساعة

- بلايستيشن

- كف ((صطار))

تلعبين بلاستيشن ؟

احلى لعبة بليستيشن؟

اخر خبر سمعتيه؟؟

شنو الشي اللي ندمتي عليه ؟

شنو اللحظه اللي ما تبيين اتعشيها مره ثانيه ؟

اطالعين مباريات ؟

اتحيين منو؟؟

تقرين جرايد ؟

جم اخوو عندج؟؟

جم اخت عندج..؟

أخوانــج مــن أمــج و أبــوج؟!!

احلى لون عندج ؟

احلى رقم عندج؟؟

شرايج بالمنتدى ؟

أذكر نصيحه تقدمها لأعضاء المنتدى..؟

مين الأعضاء اللي ترتااااحين لهم؟؟

من اقرب شخص لج بحياتج اليوميه ؟

أسرارج !! لمين تفشيها ؟؟

لو يقولولج تمنى امنية و100% بتتحق وش راح تتمنين ؟؟

ترتيبج بين اخوانج ؟

تحب تلبس سبورت والثوب العربي ؟
قصـــدي تلبسين عباايــه ولــه بدلاات؟؟!

فيه اعضاء حاقده عليهم او ماخذه موقف منهم؟؟منهم الاعضاء؟؟وليش؟؟

اذا سافرتي بعيد مين اكثر شخص بتفقدينه بعد اهلك طبعا؟؟؟

مين الشخص اللي ماتملين منه ابد؟؟

أي صــف أنتــي؟!!؟

كــم عمرج؟؟!؟

أنتــي فيحانيــه؟؟!

من وين أنتي؟؟

تلبسين نظارة ؟ (( طبية ))

طحتي جداام الناس..؟

احسن قسم بالمنتدى بالنسبة لج ..؟

انسب هلصفات الى الاعضاء :
خجول ..
حنون ..
متكبر ..
ودج اطقينه ..
عضو متميز ..
عضو مثقف ..
عضو مؤدب ..
عضو كريم ..
عضو رومنسي ..
عضو مكار...
عضو عنييد..
عضو من تحت لي تحت...
عضو مينون...

صفة تناسبني؟

انتي من الاشخاص اللي تشوفين سلبيات اي شخص تغليه؟؟

وشو الشي اللي سويتيه تبي ربي يسامحج عليه؟؟؟

فيه اعضاء تحسي انهم ماخذين بخاطرهم عليج؟؟ومنهم؟ومن ايش حكمت؟؟

كلمة تكرهين تسمعها من غيرك؟

كلمه تتمنين تسمعها من غيرك ؟

اغنية تحبين تسمعينها ؟

شوو احلى كلمه انقاالت لج ..؟؟

شوو الكلمــة ألي كلــه ترددينهــاا؟؟

كلمه سمعتيهاا ودوم ع باالج مب قاادره تنسيهاا ..؟؟

تحبيييييين؟

إذا أيه شسمــه ؟؟ و كــم عمره ؟؟ ^^بتخطبــه^^

جم منتدى مسجله ؟

في ناس يقربون لج من برع ؟ اذا في من وين ؟

وش تعنيلج هذه الكلمات:

- الغرور:
- البهجه:
- الانتماء:
- الصدق:
- الكبرياء:
-الحب:
-الولاء:

والحين ااااااخر شي ..!!

شرايج فيني كشخصيه ..؟؟!!

وش ينرفزج مني بكل اماااانه ..!!

وش اللي يعجبج فيني ..؟؟

نصيحه تنصحيني فيها ..؟!!!

وبس..!!..

اتمنى اني ماثقلت عليك بالاسئله ..!!

يمكـــن لـــي رجعـــه يمــكن لتخافـــين

:m_razfah: :m_razfah: :m_razfah: :m_razfah: :m_razfah: :m_razfah: :m_razfah: :m_razfah: :m_razfah: :m_razfah: :m_razfah:

غاوي الفيحاني

02-04-2008, 11:35 AM

حراام عليكم عذبتو البنت

مايسوى عليهااا حطيتوها على الكرسي .. وغصب بعد

شوي شوي عليهاا .. كل هذي أسأله

وربي انكم نذاااله

انا هونت ماني بسااائل << عصب :D

مجرد اسطورهـ .. لاتجاوبين عليها كلها شوفي الي يعجبك وجاوبي .. خليهم يولوون لووول

هاجس الفيحاني

02-04-2008, 11:42 AM

:n_crazyp::n_crazyp: هااذي لك ياالي فووقي

هناا عندنا حرية رأي ترا ااقدر اشوووت رررررردك

بس من مبدأ الحريه بخليه يشفوونه مومثل عندكم هناااك

بعدين مجرد عضووه شااطره مايهما كثرة الاسئله:h_em::h_em:

غاوي الفيحاني

02-04-2008, 11:50 AM

ههههههههههههههههه هلوهـ عندنا هناكـ

وفي فرق بين شاطرهـ وبين تعب

ولاتسولف بالموضوع ترى ممنوع :m_kekh:

al'3ala

02-04-2008, 12:30 PM

السلام عليكم

مبرووك على الكرسي

بدوون مقدمااات ...

كيف تشوفين المنتدى ؟؟ بكل صراحه وبدون مجاملات يعني ابغى عيوووب؟

عمل ندمتي إنك سويتيه؟؟

ما هو مبدأك في الحياة؟؟

الى اي مدى انتي طموحه؟؟

ماذا تعني لكي الاسره والاولاد؟؟

اي منتدى ترتااح كثير لما تدخله؟؟ >> مو أقسام أقصد منتديات مثل (منتديات الفياحين الرسمية ... الخ)

كم وزنك؟

من هو قدوتك في الحياة ؟

ما هو المكان الذي تترد إليه دائماً..؟!

ما هو حلم طفولتك..؟!

ما هو بيت الشعر الذي تردده معظم الأوقات..؟!

ما هي الصفات التي تكرهها في نفسك ؟!

شو موقفك من الحب ؟؟ وهل جربته ؟؟ هل تأمن بوجوده ؟؟

بس ...
ولكي مني جزيل الشكر

乂 °مجرد اسطورة ° 乂

02-04-2008, 01:16 PM

Finally

مجرد اسطوره عالكرسي

انا عالكرسي ^^

Im happy

يلا عاشو هلا هلا

......here we go

乂 °مجرد اسطورة ° 乂

02-04-2008, 01:27 PM

1- منو دلك على منتديات الفياحين الرسمية؟

ضي الفياحين

2- شنو نوع العطر اللي تستعملينه؟؟

Pritney spears

3- أعضاء تعرفينهم من قبل المنتدى؟؟

ضي الفياحين ... و الباقي سر ما بخبرك ^^

4- منو الشخص اللي تلجئين له اذا تضايقتي؟؟

My Friend

5- شنو شعورك و انتي على كرسي الاعتراف؟؟

Im happy

6- شنو ترتيبك بين اخوانك و خواتك؟؟

قبلي بنتين و عقبي ولدين ^^ يعني في النص

7- بيت شعر يمر دئما علي بالك ؟.؟.؟؟

" يالينتي انسان من ساير الناس .. لاني تعبت اعيش دور البطوله" <--- سعد علوش

8- موقف محرج مستحيل تنسيه؟؟

هههه وااايد بس الي اذكره مره طحت في المطار جدام الناس " احراج" لووووول

9- وش احلى خبر سمعتي فيه بحيااتك ؟

اممم وااايد بس واايد فرحت يوم اختي ربت واستويت خاله

10- ليش اخترتي نك مجرد اسطوره؟؟

لغايه في نفسي ^^

乂 °مجرد اسطورة ° 乂

02-04-2008, 01:51 PM

س/بطاقتك الشخصية لنتعرف عليكي عن قـرب..؟؟!!
اسمي : مجرد اسطوره
عمري: 17 سنه
جنسيتي: اماراتيه

س/مستواك التعليمي وهواياتك..؟
الحين ثنويه عامه " اخر سنه"
هواياتي : التصوير, الكروشيه , النت , والاكل خخخ^^ و ما اذكر شو بعد ههههـ

س/شخص لاترفظين لهُ طلباً ..؟؟
محد ^^ بس اكثر شي امي

س/من هو توأم روحك ...؟؟
سحليه My Friend

س/اسوأ خبر سمعتيه...؟؟
وفاة يدي و يدتي

س/اخر كتاب قرأتيه؟؟
كيف تفكر؟ <---- قريته عشان بحث علم النفس ولا انا ما احب اقرا هالخرابيط

س/ثلاث اهداف تود ين تحقيقها ... ؟؟
اخلص دراستي
ادش تقنية الشارجه
اتخصص في مجال البايت

س/كيف توصلتِي إلى منتدى الفياحين؟
من ضي الفياحين يوم يت بيتنا

س/ماذا قدم لكي منتدى الفياحين.؟
ربع حلوين شراتكم

س/ ماهي اجمل لحظات حياتك؟
لحظة النجاح, ويوم شفت بنت اختي اول مره

س/ من من الناس يحتل المساحه الاكبر من قلبك ؟
امي وابوي و اخوي وخواتي و عقب اخوي الثاني و ربيعاتي و بنات صفي <--- بهذا الترتيب

س/ اذا قال لك احدهم احبك فما هو شعورك وبماذا تردين عليه؟
انا بعد احبه في الله و اقوله احبك الله الذي احببتني فيه

س/ كم لكي وانتي تستخدمين الانترنت ؟
4Years

س/ هل قد شعرتي بفرحه والسعاده تملاء قلبك في لحظه ماكان السبب؟
اكيد ... في اسباب واايد

س/ مااحب الاسماء لقلبك؟
بنات : ميره ,اليازيه , نوره , مريم ,
اولاد: مهير , بطي ,مايد , سلطان, حمدان ,عبيد, منصور

س/ اكرهك هل سبق وقلتيها لاحد وانتي مؤمنه بكامل معناها؟
yes

س/ ماهو اجمل مكان زرتيه واجمل بلد زرتيها؟
السعوديه ^^

س/ اذا طلب منكي تغير اسمك من مجرد اسطوره فماذا تختارين؟
اتم بدون نك ولا اغير نكي

س/ تخيلي العالم يصغي إليكـ بهذة اللحظة , ماذا ستقولين ؟؟
احبكم ^^

س/ما هي المعايير التي تبنين عليها علاقاتك بالآخرين ؟
بجاوب حسب ما فهمت " الدين الاخلاق النظافه و الابتسامه"

((( تعبـــــــــــــــــــــــــــــــــــــــــــــــ ـت)))

س/ من هو الشخص الذي تشعرين من خلال قرأتك لمواضيعه بأنه يشبهك ؟؟
محد

س/ (مجرد اسطوره) هل هي راضيه عن حياتها الحالية...وهل تشعر بأنها قدّمت شيئا في حياتها سيُذكر يوما ما..؟
يسس

س/ ما الشي اللي لو صار بتكونين اسعد انسانه بالدنيا ؟؟
ترجع اختي مثلما كانت ><

س/ هل مرت بك لحظة تمنيتي العالم يقف فيها ؟؟ وتمر بسلام ؟؟
وااااااااااااااااااااااااااااااايد

بكمل عقب "بسير اذاكر عندي امتحان اقتصاد "

تعبتني
حسيبك الله

بنت سبيع

02-04-2008, 03:25 PM

حياج مجرد اسطورة

ان شاء الله مرتاحه عل الكرسي
مراحب . .

1- منــو الشخص اللي تقول لي له اللي بقلبج؟؟
2- شنــو آخر كتاب قرأتيه؟؟
3- منــو العضو اللي يلفت انتباهج في المنتدى؟؟
4- بيت شعر ترددينه دائما؟؟
5- كم عدد الرسائل الخاصة في صندوقج الوارد؟؟
6- عضو يعجبك اسلوبه في النقاش؟؟
7- أشيــاء تتمنين رؤيتها في منتديات الفياحين الرسمي؟
8- من هي الشخصية التي تمنيتي ان تقابليها سواء من المجال العلمي او الديني او السياسي او الفني؟؟
9- شخص دخل حيــاتك و غيــرها، ما هو هذا التغيــير؟؟
10- ما هي أقرب سورة أو آية قرآنية لكِ "دائماً تقراينها"؟

في النهايه لك الحريه االمطلقه في الجواب
الله يعطيك العافيه
بارك الله فيك اختي
دمتي بود
بنت سبيع

乂 °مجرد اسطورة ° 乂

02-05-2008, 03:29 AM

بــــــــــــــــــ^_________^ـــــــــــــــاك
س/ في وسط فوضى الحياة ما الذي يرسم لكِي "بسمة"؟
رضى امي

س/من الاعضاء الاقرب لكـي , ومن هو العضو الذي تفتقدينه دوما ؟
كلهم سيمسيم

س/ كيف ستتعاملين مع من خذل إحساسكـ ؟
" بودره" بخذل احساسه خخخــ وحده بوحده

س/ متى قلتي اخ منك يادنيا !! ما ترحمين !! ؟؟
يوم الدنيا فرقت بينا و بين اختنا " من الابو" اكبر مني بسنه كانت عايشه ويانا في البيت وهي اقرب انسانه لي في الوجود و الحين من سنه ماشفتها ولا كلمتها ><

س/ كلمة إعجاب وتقدير لمن تقوليهاا ؟
اختي العوده

س/ سؤال تودين طرحه على أحد الأعضاء ولكن هناك ما يمنعك؟؟
اسالك انته " عادي اضربك ؟؟"

س/ هل جربتي الفشل ...وهل استطعتي تجاوزه ؟
نعم جربته,, الفشل معلم كبير مب عيب ان نفشل.. العيب ما نتعلم من هالفشل

س/ما الحلم الذى تتمنينه وانتي على يقين انه لن يتحقق ؟
رجعت اختي

س/ما رأيــكي فـيني بـدون مـجـامـله ..؟؟
يبالك ضرب
لالالا صدق ماشالله عليك فنان و نشيط و مميز
وفوق ها كله خفيف دم ومنسم خخخــ

س/ماذا تعني لكي هذه الكلمات ...

الحب... ملح الحياه
الغيره... مب حلوه
حب التملك ...انانيه
الغدر... صعب
الخيانه ...موجوده
الصديق ... شخص تستمتع بوجوده
الحبيب ... الزوج
دمعة طفل..برائه
دمعة رجل..قوه
دمعة المرأه..ظلم

س/ما الذي ينقصك بكل صراحة ؟
الصبر
ينقصني 7كيلو خخخــ " ابا امتن شوي"

س/اين تكمن قوتك ...واين يكمن ضعفك ..؟
قوتي : في لساني ..... يلعلع
ضعفي: دمعتي......ما اخلي حد يشوف دمعتي مووووووول

س/ممكن تقولين لنا موقف محرج مريتي فيه؟؟
اتذكر مره في المدرسه ربيعتي دزتني جان اطيح و تنخش ايدي في الزباله جدام الكل خخخخخخخخخخـــ

س/هل حصل ان اتخذتي قرار وندمتي عليه؟
اممم اكيد فيه بس ما اذكر

س/- همسة عتاب لمن توجهيها ولماذا؟
اختي من ابوي " كنتي تقدرين بس ما كنتي تبين"

س/-ما رأيكي في الوحدة وهل تعتقدين أن الأنسان الوحيد سعيد؟؟؟
مب حلوه ,, اصلا مافيه حد وحيد
يمكن اليتامى بس بعد في ناس حولهم

س/لكل انسان مبداء بالحياة ؟ فهل لنا أن نعرف مبدئك ؟؟
التميز و ان اكون في المقدمه ... " ان لم تكن في الطليعه فانت في الخلف , وان لو تكن في المقدمه فانت تتنازل عن مكانك الطبيعي لصالح منافس اخر .. ربما كان اقل منك قدره و استعدادا و ابداعا"

س/ماهي نقطة ضعفك ؟؟
دمعتي " ما تهون علي

س/مين هو الشخص اللي بتهربين من الدنيا لعنده ..؟
محد
" يمكن الشيخ محمد بن راشد" خخخ

س/ اكتبي بيت شعر ..ولمين بتهديه ..؟
ظروف الوقت لو جارت وخلتنا نعيش بعاد ... اكيد الوقت به ثغره تجدد للقا ميعاد

س/ تكلم عن ثلاث اعضاء من المنتدى ..وثلاث عضوات ...؟
ناصر خفيف دم و نشيط
مشاكس مميز و خدووم
فيحاني غير طيوووب و فنان

بنوته نشيطه و مميزه
فيحانيه وبس عسل عالقلب
بنت سبيع طيبه و اخلاقها عاليه

س/كلمه تعبرين فيها عن رأيك في اي عضو تختارين ؟؟؟؟؟؟؟؟؟
مشاكس" متميز و خدووم و ما يقصر ما عليه رمسه
ساعدني في حل الواجب ^^ عسل عالقلب

سؤال اخـير ..مـاسبب عدم توواجدك الدائم.؟؟؟
يا رياااااااااااااااال عندي مدرسه
ثنويه عامه يا بابا مش لعبه

اسئلتك خفيفه ..... بس مب كل يوم عيـــــــــــــــــــــد

乂 °مجرد اسطورة ° 乂

02-05-2008, 03:30 AM

شنو شعورج وانتي ع الكرسي ؟؟
تمام

أبــي أعرف ليــش ليــن أدخــل المنتدى مالقــااج؟؟!
لاني ادخل فترت الظهر وساعات العصر و ما اطول واايد لان عندي دراسه
متى تغضبين ؟؟ دايما بس اكثر شي يوم اسمع صوت عالي او صوت الساعه او صوت حد ياكل

متى تحزنين؟؟ نادرا

ومتى ترضيين ؟ يوم يبتسمون لي

ومتى تفرحين ؟ بعد دايما و اكثر شي في المدرسه مع البنات و كل ويك اند

احلى موقف مر عليج؟؟
وااايد بس موقف مر علي اليوم "وحده ردت بالسلامه من سفرت علاج"
ما هي نظرتج للحياة .. واقع ولا خيال .. تفاؤل ولا تشاؤم .. ؟؟
واقع ,, تفاؤل

متى تشعرين بالوحدة ؟؟
قبل ما ارقد احس اني بروحي " لان الغرفه ظلاااام" ^^

اذا اعطيتج هذه الأشياء لمن ستهديها ( من اعضاء المنتدى )

- سيارة موديل 2006 ~{ فيحاني غير

- باقة ورد جوري لونه احمر ~{ فيحانيه و بي

- دعوة للعشاء لعضوين ~{ ضي الفياحين

- لقب الصديق~{ بنت سبيع

- عطر ~{ كتومه

- ساعة ~{ ناصر

- بلايستيشن~{ مشاكس

- كف ((صطار)) ~{ محد
تلعبين بلاستيشن ؟
Of course

احلى لعبة بليستيشن؟
1- تكن
2- كراش

اخر خبر سمعتيه؟؟
حاليا " استقالة ابلة الانجليزي" ياهوووووووو

شنو اللحظه اللي ما تبيين اتعشيها مره ثانيه ؟
لحظة الوداع

اطالعين مباريات ؟
نعم " مباريات الدوري الاماراتي "

اتحيين منو؟؟
اكيد اكيد الاهلي الاماراتي و بلا منافس
<---- متعصبه للنادي
تقرين جرايد ؟
بس الرياضيه
بس اكثر شي مجلات

جم اخوو عندج؟؟
2

جم اخت عندج..؟
2

أخوانــج مــن أمــج و أبــوج؟!!
لا وحده من خواتي امها غير

احلى لون عندج ؟
الاسود , الازرق, البني

احلى رقم عندج؟؟
4

شرايج بالمنتدى ؟
حلووو روعه

مين الأعضاء اللي ترتااااحين لهم؟؟
كلهم
من اقرب شخص لج بحياتج اليوميه ؟
سحليه My Friend

أسرارج !! لمين تفشيها ؟؟
للاوراق و ساعات للسحليه

لو يقولولج تمنى امنية و100% بتتحق وش راح تتمنين ؟؟
يطول شعري بسرعه

ترتيبج بين اخوانج ؟
في النص

تحب تلبس سبورت والثوب العربي ؟
قصـــدي تلبسين عباايــه ولــه بدلاات؟؟!
ثوب عربي
اقصد عبايه " حق الطلعات بس"

فيه اعضاء حاقده عليهم او ماخذه موقف منهم؟؟منهم الاعضاء؟؟وليش؟؟
لا

اذا سافرتي بعيد مين اكثر شخص بتفقدينه بعد اهلك طبعا؟؟؟
اممم بلادي

مين الشخص اللي ماتملين منه ابد؟؟
ربعي يوم يرتبشون

أي صــف أنتــي؟!!؟
ثنويه عامه 12 ادبي
كــم عمرج؟؟!؟
17

أنتــي فيحانيــه؟؟!
لا

من وين أنتي؟؟
الامارات

تلبسين نظارة ؟ (( طبية ))
لاع
6 على6

طحتي جداام الناس..؟
يس في المطار مره وفي المدرسه مرتين هااااااااااااااااااااااااااهاهاهاي

احسن قسم بالمنتدى بالنسبة لج ..؟
الصور

انسب هلصفات الى الاعضاء :
انا مااعرف كل الاعضاء
so بكرر الاسامي
خجول .. احلى فيحانيه
حنون .. بنوته
متكبر .. محد
ودج اطقينه .. بضربج انتي ^^
عضو متميز .. مشاكس
عضو مثقف .. مشاري
عضو مؤدب .. فيحاني غير
عضو كريم .. مشاكس
عضو رومنسي .. يمكن ناصر
عضو مكار... محد
عضو عنييد.. محد
عضو مينون... ناضر بلا منافس ^^

صفة تناسبني؟
خجوله ,حنونه,و يبالج ضرب " تعبتيني"

انتي من الاشخاص اللي تشوفين سلبيات اي شخص تغليه؟؟
اكيد

وشو الشي اللي سويتيه تبي ربي يسامحج عليه؟؟؟
واايد اممم مثلا الاغاني

فيه اعضاء تحسي انهم ماخذين بخاطرهم عليج؟؟ومنهم؟ومن ايش حكمت؟؟
لا , واذا فيه حد زعلان خل اييني صوب الدكان بترياه هناك
وبضربه ضرب
كلمة تكرهين تسمعها من غيرك؟
ولا شي بس ما احب حد ينتقد شخصيتي

كلمه تتمنين تسمعها من غيرك ؟
اي كلمه حلوهواذامن امي" الله يرضى عليج"

اغنية تحبين تسمعينها ؟
واعليا: احمد الموسوي

شوو احلى كلمه انقاالت لج ..؟؟
الله يهديج...
مستحيل انساج ....
احبج ...

شوو الكلمــة ألي كلــه ترددينهــاا؟؟
5 دقايقــــــــــــــ

كلمه سمعتيهاا ودوم ع باالج مب قاادره تنسيهاا ..؟؟
ولاكلمه " كل الكلام انساه"^____________^
انا من النوع النساي " بسرعه انسى "

تحبيييييين؟
اكيد منو ما يحب

إذا أيه شسمــه ؟؟ و كــم عمره ؟؟ ^^بتخطبــه^^

لاااااااااااع مب هالحب احب امي و احب ابوي واهلي و ربعي واحب الحيااااه
واحب عمري ^^ خخخـــ
جم منتدى مسجله ؟
وااايد بس الحين في 3 منتديات

في ناس يقربون لج من برع ؟ اذا في من وين ؟
يسس,, من السعوديه"

وش تعنيلج هذه الكلمات:

- الغرور: مرض
- البهجه:علاج
- الانتماء:وطن
- الصدق: يرد الروح
- الكبرياء: الــــ انا
-الحب:ملح الحياه
-الولاء: اخلاص

والحين ااااااخر شي ..!!

شرايج فيني كشخصيه ..؟؟!!
حبوبه ما عليج رمسه امررره
اخلاق و محترمه وطيوبه

وش ينرفزج مني بكل اماااانه ..!!
ولا شي

وش اللي يعجبج فيني ..؟؟
اسلوبج الراقي
نصيحه تنصحيني فيها ..؟!!!
خلج نفس ما انتي

اتمنى اني ماثقلت عليك بالاسئله ..!!

حشى و كلا و لاااااااأ
بس بعد مب عل يووم عــــيد

乂 °مجرد اسطورة ° 乂

02-05-2008, 03:31 AM

فيحاني غير}~

حليلك

حاس فيني

شفتهم بيالهم ضرب صح؟

عادي اسال كمن سوال بس لا تكثر وتاخذ راحتك

ناصر }~

سمعــــــت ؟؟

في فرقبين الشطاره و التعب

ما يسوى علي يلست عالكرسي

هلكتوني هلكتوني هلكتووونيــــــــــــــــيي>>> اسكتي " الي يبا الدح ما يقول اح

乂 °مجرد اسطورة ° 乂

02-05-2008, 03:32 AM

كيف تشوفين المنتدى ؟؟ بكل صراحه وبدون مجاملات يعني ابغى عيوووب؟
غاوي بس يباله مسابقات تنشط المنتدى

عمل ندمتي إنك سويتيه؟؟
يا اختي واايد بس مااذكر عصرت مخي ليين ما قلت بس

ما هو مبدأك في الحياة؟؟
التميز و ان اكون في المقدمه ... [ ان لم تكن في الطليعه فانت في الخلف , وان لو تكن في المقدمه فانت تتنازل عن مكانك الطبيعي لصالح منافس اخر .. ربما كان اقل منك قدره و استعدادا و ابداعا]

الى اي مدى انتي طموحه؟؟
وااايد ما تقدرين تتخيلين<--- مب جني وايد مصدقه عمري؟؟

ماذا تعني لكي الاسره والاولاد؟؟
امم الاسره حلم و الاولاد مستقبل

اي منتدى ترتااح كثير لما تدخله؟؟ >> مو أقسام أقصد منتديات مثل (منتديات الفياحين الرسمية ... الخ)
اممم منتدى الفياحين + سما زايد

كم وزنك؟
46 سته و اربعين
وطولي 162
ابا ازيد 7 كيلو على الاقل

من هو قدوتك في الحياة ؟
بعد الرسول خالتي و" الشيخ محمد بن راشد آل مكتوم "

ما هو المكان الذي تترد إليه دائماً..؟!
في البيت " غرفتي و الحوي"امم يعني الحوش
برع البيت" السينما + البحيره "

ما هو حلم طفولتك..؟!
اسوي وزيرة التربيه و التعليم " خخخ عشان الغي المناهج و انجح الكل^^

ما هو بيت الشعر الذي تردده معظم الأوقات..؟!
ان لم تزد شي على هذي الحياه .. تاكد انك انت حاجه زايده<--- سعد علوش

ما هي الصفات التي تكرهها في نفسك ؟!
العصبيه
المزاجيه
التهو والتسرع
بس بعد شو تبين اكثر؟

شو موقفك من الحب ؟؟ وهل جربته ؟؟ هل تأمن بوجوده ؟؟
ملح الحياه, اكيد جربت الحب بس مب حب الخرابيط " احب اهلي و احب عمري و احب الدنيا و احب النجاح" اكيد اؤمن بوجوده
ثانكس على الاسئله الخفيفه

乂 °مجرد اسطورة ° 乂

02-05-2008, 03:41 AM

1- منــو الشخص اللي تقول لي له اللي بقلبج؟؟
ربيعتي " سحليه"

2- شنــو آخر كتاب قرأتيه؟؟
كيف تفكر

http://www.up-00.com/uploads/vm376498.jpg (http://www.up-00.com/)

3- منــو العضو اللي يلفت انتباهج في المنتدى؟؟
واايد ماشالله

4- بيت شعر ترددينه دائما؟؟
تدري ان الطيش ملح الحب كله...خص لامن صار ممزوج بحماقه
لو تجرب تدري هرجي في محله...وش خذينا من تصرفنا بلباقه<---- فيصل العدواني

5- كم عدد الرسائل الخاصة في صندوقج الوارد؟؟
8

6- عضو يعجبك اسلوبه في النقاش؟؟
انتي ^^

7- أشيــاء تتمنين رؤيتها في منتديات الفياحين الرسمي؟
اممم المسابقات<--- احس انها تحرك المنتدى

8- من هي الشخصية التي تمنيتي ان تقابليها سواء من المجال العلمي او الديني او السياسي او الفني؟؟
سمو الشيخ محمد بن راشد آل مكتوم

9- شخص دخل حيــاتك و غيــرها، ما هو هذا التغيــير؟؟
مافي حد دخل,,, في وحده طلعت من حياتي و غيرتها " اختي من ابوي" كانت اقرب وحده لي والحين من سنه ما شفتها ولاكلمتها

10- ما هي أقرب سورة أو آية قرآنية لكِ "دائماً تقراينها"؟
اية الكرسي , و الرحمن

乂 °مجرد اسطورة ° 乂

02-05-2008, 03:46 AM

خلصـــــــــــــــــ^^ــــــــــــــــــــت :n_crazyp:

:h_um7yat:

اللــ,,,ــــي بـــــ,,,ــــعدهـــ :h_lotya:

يــــــــــــ><ـــــــــــلا

乂 °مجرد اسطورة ° 乂

02-05-2008, 01:12 PM

وين الاسئله؟؟ :h_em3a9bah:

:mad: يلا انا اترياا

هاجس الفيحاني

02-05-2008, 01:41 PM

بل بل بل هااااذي ماصدقت

ووجلسنااهاا ع الكوووشه

صبر شوووي

بتمين ااسبووع

لاتستعجلين ع رزقج

:h_embagega::h_embagega::h_embagega:

乂 °مجرد اسطورة ° 乂

02-05-2008, 02:04 PM

اوكــــــــــــــــــــــــــي

el_fiahin-girl

02-06-2008, 03:49 AM

هااايااااااات مجرد اسطووووووره :)
كيفك؟؟؟؟؟؟
شوفي الاسئله :h_gamzah:

الاسم:-

العمر :-

المرحلة الدراسية او الوظيفة :-

الهوايات :-

مــا الذي تحبه :

ماذا تكره :

مــاذا يعنـي لكِ منتدى الفياحين؟؟ :-

من اقرب الاعضاء اليكِ..؟

تقييمكِ للمنتدى :-

موقف تعرضتي له واثر فيكِ :-

سبب اختيارك لاسمك المستعار:

ميولك:-

الاكله المفضله:-

المشروب المفضل:-

الممثل اللي يعجبك:-

المغني المفضل:-

الاغنيه المفضله لك:-

حكمتكِ في الحياة:-

قدوتك في الحيااااه:-

كلمة أخيره :-

ان شاء الله ما اكوووون طولت عليك :)
سلاااااااااام.....[/]

مشاكس الفيحاني

02-06-2008, 04:13 PM

س

باي امااره تسكنين

س

باي مرحله اي الان

س

كم عدد سياارتكم >>> وش دخلك هههههههههههههه

س

متى اخر مره رحتي للكوافيره

س

ماهووو احلى اسم عندك بنات وشباااب

بس

برجع بعدين هههههههههههههههههاااي

مخاوي الفيحاني

02-06-2008, 07:40 PM

السلام عليكم

ماهي اكلتك المفضله ؟؟

2- ماهي افضل الاوقات بالنسبه اليك ؟؟

3- مانوع سيارتك ؟؟

4- هل تحب السفر ؟ واذكر لنا الاماكن اللي زرتها ؟؟

5- ما رايك في مقولة جاملني تكن صديقي صارحني تكن الد اعدائي ؟؟

6- هل انت من المهتمين بالشعر ؟؟

7- هل تحب مدرسينك كلهم ؟؟

8- هل تحب لعب الكره ؟؟

ارجو ان تكون اسئلتي خفيفه

ALjoori

02-06-2008, 07:44 PM

مبروووووك 乂 °مجرد اسطورة ° 乂 ..

هم كم ســـــؤااال ماني مطوله:

ماهو هدفج في الحياه؟

صفي لي مكان إقامتك!

آخر عقاب عاقبكِ إياه والدك؟

أمنيه تمنيتِ لو أنها تتحقق!

ماذا تفعلين قبل أن تخلدي للنوم؟

أفضل مصارع!

أفضل فيلم كارتون!

أين تخفين أســــــرارك؟

تخيلي معي: لو كان وجود مارد المصباح الســـــحري حقيقه، ماهي أمنياتكِ الثلاثه؟

أحلى رقم ســـــــــياره!

الســــياره المفضله لديكِ!

حكمتكِ المفضله!

أحلى أســــــــامي بنات وأولاد!

وش تلعبين بالورق؟

لو تملكين منتجع ســـــياحي، وش بتســـــوين عشان تجذبين الســــــياح؟

وش كان آخر حلم؟

أفضل قناة فضائيه!

أفضل مســــلســـــل كويتي / ســــوري!

وش يعني لكِ الســــلام الأميري (نشيد الوطن)؟

ماهو آخر برنامج شاهدتيه قبل قليل؟

ماهي هوايتكِ المفضله؟

من هو حلاّل مشاكلك؟

جمله ترددينها كل يوم؟

عســـــى ما طوّلت عليج بس؟!!
ويعطيج العاافيه حبي

:m_sheshah: انتهى :m_sheshah:

乂 °مجرد اسطورة ° 乂

02-07-2008, 01:21 PM

الاسم:-
مجرد اسطوره

العمر :-
17

المرحلة الدراسية او الوظيفة :-
ثنويه عامه " ادبي"

الهوايات :-
التصوير الكروشيه و التمشي و النت

مــا الذي تحبه :
الاجابه طويله بس بختصر
احب السفر احب الاهل احب الحياه احب النجاح احب المعكرونه خخخ

ماذا تكره :
اكره الفلسفه اكره ابلة علم النفس اكره الصوت العالي

مــاذا يعنـي لكِ منتدى الفياحين؟؟ :-
الكثير

من اقرب الاعضاء اليكِ..؟
كلهم

تقييمكِ للمنتدى :-
جيد جدا

سبب اختيارك لاسمك المستعار:
لغايه في نفسي

ميولك:-
كيف يعني؟؟؟

الاكله المفضله:-
المعكرونه بجميع انواعها ما عدا البشميل { استغفر الله}

الممثل اللي يعجبك:-
هندي : شاروخ , رتك, ووو شسمه ؟؟ ولد اميتا
خليجي : يعقوب , هاك الحليو
اجنبي : بن افليك , آدم , ويل شميث <<< خطير شفت فلمه الاخير في السينما السبوع الي طاف
المغني المفضل:-
راشــــــــــــــــــــــــــــد الماجد الاول و عقب
ميحد , حمد , الوسمي , هزاع , الجسمي , عبد المجيد , رابح

الاغنيه المفضله لك:-
واعليا : احمد الموسوي

قدوتك في الحيااااه:-
خالتي , و سمو الشيخ محمد بن راشد ال مكتوم

كلمة أخيره :-
يخرب بيت علم النفس

乂 °مجرد اسطورة ° 乂

02-07-2008, 01:57 PM

باي امااره تسكنين ؟؟
اممممم سر

باي مرحله اي الان ؟؟
ثنويه عامه

متى اخر مره رحتي للكوافيره
السبوع الي طاف " قصيت شعري"

ماهووو احلى اسم عندك بنات وشباااب

بنات : ميره , مهره , مريم, عليا , شيخه
شباب : مهير, حميد, حارب

乂 °مجرد اسطورة ° 乂

02-07-2008, 02:26 PM

ماهي اكلتك المفضله ؟؟
المعكرونه بانواعها

2- ماهي افضل الاوقات بالنسبه اليك ؟؟
الفجر و العصر

3- مانوع سيارتك ؟؟
ما اسوق ولا عندي سياره انشالله السنه اليايه باخذ اليسن .. يوم بدش الــ 18

4- هل تحب السفر ؟ واذكر لنا الاماكن اللي زرتها ؟؟
اكيد ,,, السعوديه, سوريا, لبنان ,الكويت ,المانيا, عمان

5- ما رايك في مقولة جاملني تكن صديقي صارحني تكن الد اعدائي ؟؟
غلط " عباره غبيه" ^^

6- هل انت من المهتمين بالشعر ؟؟
اسمع و احفظ واتابع الساحه بس ما اكتب

7- هل تحب مدرسينك كلهم ؟؟
لا ما احبهم كلهم بس في كمن ابله ما اكرهم بس بعدما احبهم

8- هل تحب لعب الكره ؟؟
واايد

乂 °مجرد اسطورة ° 乂

02-07-2008, 03:24 PM

ماهو هدفج في الحياه؟
التميز و ان اكون في المقدمه ...
صفي لي مكان إقامتك!
كيف يعني؟

آخر عقاب عاقبكِ إياه والدك؟
فديتهم ما يعاقبوني

أمنيه تمنيتِ لو أنها تتحقق!
النجاح في الدنيا والاخره

ماذا تفعلين قبل أن تخلدي للنوم؟
اقرى الاذكار

أفضل مصارع!
مااعرف اسمه بس هو دوم يركب سيايير

أفضل فيلم كارتون!
مختبر دكستر

أين تخفين أســــــرارك؟
في داخلي او على الاوراق

تخيلي معي: لو كان وجود مارد المصباح الســـــحري حقيقه، ماهي أمنياتكِ الثلاثه؟
تحقيق السلام العالمي
********؟! سر
جوله حول العالم

أحلى رقم ســـــــــياره!
رقم 1 اكيد " رقم اماراتي"
مااعرف شي عن ارقامكم

الســــياره المفضله لديكِ!
لكزس

حكمتكِ المفضله!
" ان لم تكن في الطليعه فانت في الخلف , وان لو تكن في المقدمه فانت تتنازل عن مكانك الطبيعي لصالح منافس اخر .. ربما كان اقل منك قدره و استعدادا و ابداعا" من كتاب رؤيتي لصاحب السمو الشيخ محمد بن راشد

وش تلعبين بالورق؟
باصره و الخرابيط السهله
بلوت <---- مستحيل افهمها

لو تملكين منتجع ســـــياحي، وش بتســـــوين عشان تجذبين الســــــياح؟
ههههه شدراني

وش كان آخر حلم؟
شاشه سوده

أفضل قناة فضائيه!
سما دبي
MBC4

أفضل مســــلســـــل كويتي / ســــوري!
كويتي " واايد" ,سوري " باب الحاره " و بلا منافس

ماهو آخر برنامج شاهدتيه قبل قليل؟
اعاده
so you think you can danse

ماهي هوايتكِ المفضله؟
التصوير, الكروشيه , السينما , النت

من هو حلاّل مشاكلك؟
ربي
جمله ترددينها كل يوم؟
5 دقايق

فارس الفيحاني

02-07-2008, 08:28 PM

اهلاً وسهلاً بكِ يابنت الكرام............. سأفتتح الاسئله

ماذا تعني المسميات التاليه ?
الامارات العربيه المتحده
الشيخ المغفور له بإذن الله "زايد بن سلطان"

اسألتي هي

1-وين اخر مكان سافرتي له ؟

2-اذا عندج مليون درهم شو بتسوين فيهم, بصرااااااحه ؟؟

3-شو اكثر شي تتطالعينه في التلفزيون ؟؟

4-اكثر هوايه اتمارسينها ؟؟

5-كيف تتعاملين مع شخص ما اتحبينه ؟؟

6-هل انته صريحه مع الناس ( يعني تعطين كاااش في الوجه) ؟

7-فااااااااااااااااااااااااااصل اعلاني شحالللج اليوم لووول؟؟؟؟

8-عدنا-ماهو الشي الي يعجبج بشخصيتج..؟؟ وشوه الشي الي ماتحبين فيها وتتمنين اتغيرينها؟؟؟؟

9– الحكمه أو المثل اللي تحبينه وتقتدين فيه؟؟

10 – شو هدفج في هالحياة؟؟

11– الحكمه أو المثل اللي تحبينه وتقتدين فيه؟؟

12– كنتي مشااااااغبه في المدرسة ولا .. لا ؟؟ وشو الحصة اللي كنتي تشاااااغبين فيها؟؟؟

اكتفي بهذه الاسئله والسموحه والعفو منج يا اخت مجرد اسطورة

:)

بنوتةالعين

02-07-2008, 09:10 PM

http://www.3tt3.net/up4/get-1-2008-q97gn0gu.gif (http://www.3tt3.net/up4)

~

,

يااااامرحبا

شخبارج شو علووووومج

شدي حيلج ..

هاي اسئلة خفيفة

بعدين اييج باللي

يشيب راسـج ,,

>>مايحتاي امبونه شايب

خخخ

اسولـف

شو يعني لج منتدى " " ؟

أكيد هناك كوكبه من الأعضاء نالوا على شرف إعجابج فيهم .. فمن هم ؟

كلمه تحببين تقولها لأعضاء المنتدى؟؟

منو أول شخص جذبج في المنتدى من ناااحية ردووده ..؟؟

في وقت فراغك شو اتسوين..؟؟

احلى خبر سمعتيه بحيــــــــــاتج؟؟

-احلـــــــــــــى هديه فحياتج ومن منو؟؟

- كلمة او جملة اتحبين دوم تكتبينها او انج اترددينها؟؟

عضو او مشرف نشيط ......... قولي لنا من هو

عضو او مشرف اسلوبه رائع........... رايج

عضو او مشرف يلفت نظرج بطرحه ........ رايج

ما هو قسمج المفضل في منتدى الفياحين ؟

ما هو الوقت الي تحبين فيه دخول المنتدى ؟

لمنوو تقوليــــــن :-

- كم اعاني منك انا..

- تعيبني شخصيتك واسلوبك

-متى تحس

--تستهبل

- يا الدفـش

-كشششششخه

-وناااااااااااااسه

_ بســــك، حراام عليــك

اهلكتنــــــي...

فقدناك ..

من زمان وينك..

انا ربي بلانـــــي فيك بلـــــــــــوه..

.. ميرسي بوكو ..

,

~

http://www.3tt3.net/up4/get-1-2008-9layhb8m.gif (http://www.3tt3.net/up4)

هاجس الفيحاني

02-08-2008, 07:02 AM

ورجعت لك مره أخرى :n_bo7yat:

س/ متى تفرح مجرد ومتى تحزن

س/ قلبك مشغول ولا لسه نوونو:n_crazyp:

س/ وين تسكن فيه شسم الاماره:h_um7yat:

س/ كم مره حبيت في حياتك:h_em3a9bah:

س/ ماتلاحظ اني غربلتك شوي

س/ انتي دوووووووووبه ولا نحيفه:g_shoo:

س/ عجبتك انا ولا شكلك بتكفخني صح ادري فيك:m_afaker:

乂 °مجرد اسطورة ° 乂

02-08-2008, 07:33 AM

ماذا تعني المسميات التاليه ?

الامارات العربيه المتحده

مجد العروبه.. فديتج يا اماراتي
اماراتي حياتي

الشيخ المغفور له بإذن الله "زايد بن سلطان"

فديت روحك انا
" فخر الاجيال"," عنوان المجد"," رمز العز"الله يرحمك يابوي زايد ويغمد روحك الجنه
وصح السان حامد يوم قال
ياليت كـل شعوبنـا قـد ألامـال ... وياليت حكام العـرب مثـل زايـد
أكرم من اللي يطعن البخل بريـال ...والهب من احساس الحطب بالوقايد
وأصدق من الدمعه على خد الاطفال ... وأثبت من اسوار الحصون السدايد
فعله لحال وفعـل خلـق الله لحـال ... قايد ويحسب عـن ثمانيـن قايـد
الكامل الله بس هـو كامـل أفعـال ... سموه زايـد لانـه انسـان زايـد
رحمه من الله جت على شكل رجال ... عضيد لكن عن جميـع العضايـد

1-وين اخر مكان سافرتي له ؟
السعوديه

2-اذا عندج مليون درهم شو بتسوين فيهم, بصرااااااحه ؟؟
اول شي بعطي المحتاجين
و بتصدق
وعقب بلعب بالبيزات

3-شو اكثر شي تتطالعينه في التلفزيون ؟؟
الميدان على سما دبي
برامج mbc4
دبي ون مسلسلات اجنبيه
ستاراكاديميlbc

4-اكثر هوايه اتمارسينها ؟؟
التصوير و التمشي" الطلعات و الكشتات"

5-كيف تتعاملين مع شخص ما اتحبينه ؟؟
اصلا ما اتعامل وياه

6-هل انته صريحه مع الناس ( يعني تعطين كاااش في الوجه) ؟
yes- to much

7-فااااااااااااااااااااااااااصل اعلاني شحالللج اليوم لووول؟؟؟؟
مســــــــــــتانســهــ حــــــــــــديــ

8-عدنا-ماهو الشي الي يعجبج بشخصيتج..؟؟ وشوه الشي الي ماتحبين فيها وتتمنين اتغيرينها؟؟؟؟
مااحكم عالشخص بنظرة الغير ... عصبيتي الزايده و ساعات اكون متهوره

9– الحكمه أو المثل اللي تحبينه وتقتدين فيه؟؟
اقص صبعي ولا اودر طبعي

10 – شو هدفج في هالحياة؟؟
التميز وان اكون في المقدمه

11– الحكمه أو المثل اللي تحبينه وتقتدين فيه؟؟
تستعبط علي انته توني مجاوبتنه ســـ رقم 9

12– كنتي مشااااااغبه في المدرسة ولا .. لا ؟؟ وشو الحصة اللي كنتي تشاااااغبين فيها؟؟؟
انا الحين في المدرسه^^

افف واايد " عندي 16 تعهد و استدعاء ولي امر 3مرات"

تقريبا كل الحصص ماعدا الفيزيا و التاريخ

乂 °مجرد اسطورة ° 乂

02-08-2008, 08:10 AM

شو يعني لج منتدى " " ؟
الكثير

أكيد هناك كوكبه من الأعضاء نالوا على شرف إعجابج فيهم .. فمن هم ؟
البنات:" ضي الفياحين , بنوتة العين ,بنت سبيع , بنت الاصايل, فيحانيه وبس, احلى فيحانيه , مريمي, كتومه"
الشباب:" ناصر الفيحاني, مشاكس الفيحاني, فيحاني غير, نجل الغلبا, فيحان الفيحاني"

كلمه تحببين تقولها لأعضاء المنتدى؟؟
احبكم كلكم " الله يوفقكم "

منو أول شخص جذبج في المنتدى من ناااحية ردووده ..؟؟
مشاكس و بنوته

في وقت فراغك شو اتسوين..؟؟
اجابل التيلفزيون

احلى خبر سمعتيه بحيــــــــــاتج؟؟
وااااااااااااااااااااااااااايد واكثر شي يوم استويت خاله

-احلـــــــــــــى هديه فحياتج ومن منو؟؟
اممم وايد بس اخر وحده كانت من ولد عمتي فيها عطر و سواره وبوك بربريز وساعه وشال

- كلمة او جملة اتحبين دوم تكتبينها او انج اترددينها؟؟
5 دقايق

عضو او مشرف نشيط ......... قولي لنا من هو
كل المشرفين والمشرفات

عضو او مشرف اسلوبه رائع........... رايج
كلهم

عضو او مشرف يلفت نظرج بطرحه ........ رايج
مافي حد معين كل مره حد

ما هو قسمج المفضل في منتدى الفياحين ؟
البوم الصور
دكة الزاحفين والمقلعين

ما هو الوقت الي تحبين فيه دخول المنتدى ؟
اي وقت

لمنوو تقوليــــــن :-

- كم اعاني منك انا.. خيوو الصغير

- تعيبني شخصيتك واسلوبك.. اختي العوده

--تستهبلين... وصلاويه موت.... ربيعتي

- يا الدفـشه... فديتني ....ربيعتي

-كشششششخه...بنت عمة امي

-وناااااااااااااسه... كل بنات صفي

فقدناك ..شيخه .. بيعتي ... وانتقلت

من زمان وينك.. محد

انا ربي بلانـــــي فيك بلـــــــــــوه.. اخوي الصغير

ورد وشوك

02-08-2008, 08:45 AM

صباح الورد مجرد اسطوره
انا عضوه جديده
وللحين ما عرفتك
بس ابسالك سؤال
وش رايك بالمنتدى بوووجه عام؟
وش اكثر قسم يعجبك؟
ولك مني ارق تحيه
سلاموووووووووووووووو
سبيعيه

乂 °مجرد اسطورة ° 乂

02-08-2008, 09:15 AM

س/ متى تفرح مجرد ومتى تحزن
دايما فرحانه الحمد لله " ساعاات احزن "

س/ قلبك مشغول ولا لسه نوونو
لسه

س/ وين تسكن فيه شسم الاماره
سر

س/ كم مره حبيت في حياتك
كل يوم احب

س/ ماتلاحظ اني غربلتك شوي
لاوالله عادي

س/ انتي دوووووووووبه ولا نحيفه
نحيفه على قولتك

س/ عجبتك انا ولا شكلك بتكفخني صح ادري فيك
عيبتني

乂 °مجرد اسطورة ° 乂

02-08-2008, 09:26 AM

وش رايك بالمنتدى بوووجه عام؟
فنان والناس الي فيه عسل

وش اكثر قسم يعجبك؟
البوم الصور
و دكة الزاحفين

ALjoori

02-08-2008, 07:27 PM

乂 °مجرد اسطورة ° 乂

02-09-2008, 08:52 AM

يعني في وييييييين؟ >> بيت، شقه، فيلا .. كم طابق؟؟ في أي جهه غرفتج ههه
تقريبا تقدرين تقوولين وصف كامل لمكان اقامتك هع هع

فيلا , طابق واحد اممم مكان غرفتي اول ما تدخلين من باب الصاله تسيرين سييييييييده اخر غرفه غرفتي..... وصلتي؟؟
اممممم ماا اعرف اوصف بحط لج الصور

http://www.up-00.com/uploads/fWL41068.jpg (http://www.up-00.com/)

http://www.up-00.com/uploads/cge41061.jpg (http://www.up-00.com/)