َ عنــــــــــاد الفيحاني ََ على كرسي الاعتراف

[مشاكس الفيحاني]

http://www.al-amakn.net/up2/uploads/642871d8b4.gif


http://www.a7ssass.com/img.php?filename=9950006cf391aab8ba0c155ac3872732


http://www.a7ssass.com/img.php?filename=fe0e4c4d23423e9174bc02766294bba3


السلام عليكــم


مساء العود و أطيابه
لأهل الخير و أحبابه


حيــــاك معانــا ََ عناد الفيحـــــــانـــــــــــي ََعلى كرسي الأعتـــراف




1- البطاقة الشخصية
2- هواياتك
3- من هو الشخص الذي لا تستطيع ان يمر يوم دون ان تراه؟؟
4- شـــيء ودك تغيره في سيــاسة بلدك؟؟
5- من هو العضو في المنتدى تتمنى ان تملك صفة من صفاته؟؟
6- من الشخص الذي تلجأ إليه إذا واجهتك مشكلة؟؟
7- ما هو اصعب موقف واجهك و كان محتاج منك ردة فعل سريعه؟؟
8- أخبرنا و بكل صراحة عن صفة تحبها بشخصيتك و لماذا؟ و صفة تكرهها بشخصيتك و تتمنى أن تغيرها و لماذا؟؟
9- لو خيرت بين حبيبتك و أعز أصدقائك، من ستختار و لمــاذا؟؟
10- ما هو أول شيء يخطر في بالك اذا قرأت هذه الكلمات:

- الفقر
- البحر
- الكــرة
- منتدى الفياحين


ملاحظــة:

1- لكل عضو الحق في طرح 10 اسئلة كحد أقصى
2- عدم التعليق على الردود حتى لا يتم تغير مسار الحوار الى ساحه دردشه
3- أن يقوم كل راغب في طرح سؤال مراجعة الأسئلة المطروحة قبل المشاركة كي نتفاذى التكرار

أرجـــو الالتـــزام


http://www.a7ssass.com/img.php?filename=a50193ef497f0ebf8d045aa35bed13a6

[بنت الاصايل]

:h_love: :h_love: منور ياا عناادو

الف الف الف الف مبروووك:h_love: :h_love:

شخباركــ ؟

اولا: شو شعووركــ وانهـ عــ كرسيــ الاعتراافـــ ؟!؟

مرتااحهـــ ولهــ اقوولــ حقــ نصوريــ يغيرهــ لكـ ؟!؟!

مستعد حقــ الكتاابهــ ؟!؟

ثانيا :بنبتديـــ الاسأالهــ العاامهــ

^متى تفرحــ و متى تحزنــ و متى تغضبـ؟!؟!

^قطــ مرهـ باقيتـ شي ؟!؟! >>طلعتــ الفضايحــ

^موقفــ تتمنهـ مايمر عليكـ مرة ثانية ؟

^احلى موقفـ مر عليك ؟

^موفقــ انحرجتــ منهــ؟!؟

^شنو رايكـ بالدراسهــ والمدرسهــ ؟ وتجوفها مهمهــ ولا لا؟!؟!


^ اذا عطيتكـ هذهــ الأشياء حقــ منــ تعطيها ( منــ اعضاء المنتدى )

- سيارة موديلــ 2009

- باقتـ ورد لونهــ حمر

- دعوة للعشاء لعضوينــ

- لقبــ الصديقــ

- عطر

- ساعة

- تلفونــ

- ايـ بوود (( I pod ))

- كفـ(صطار)

- كتبــ حقــ الدراسهــ

- بوسة

- زفة

- تذكرتينــ سفر

^عضوينــ ماتقدرينــ تتخلهــ عنهم؟>لتقوليــ كلهمــ<


^احسنــ 10 اعضااء لتقوليــ كلهمــ
لي رجعه لتخااف

[عنــــاد الفيحــان]

وعليكم السلام ورحمة الله وبركاته

مساء الكآدي لبى قلبك

1- البطاقة الشخصية

عنآد الفيحان \ سعودي الجنسيه \ من سكان رحيمه سابقاً وحالياً الدمام
وعشان ما اكون هربت من السؤال انا جدي لحدان بن ناصر رحمة الله عليه
2- هواياتك

الشعر

3- من هو الشخص الذي لا تستطيع ان يمر يوم دون ان تراه؟؟

طبعاً ابوي وامي الله يطول بعمرهم يا رب

4- شـــيء ودك تغيره في سيــاسة بلدك؟؟
فقط تغيير الظروف المعيشيه لانها هي اللي تهم الجميع

5- من هو العضو في المنتدى تتمنى ان تملك صفة من صفاته؟؟عبدالله الفيحاني الله يذكره بالخير لـ ذائقته المميزه للشعر

6- من الشخص الذي تلجأ إليه إذا واجهتك مشكلة؟؟اخي الكبير

7- ما هو اصعب موقف واجهك و كان محتاج منك ردة فعل سريعه؟؟
عندما قررت الخروج من الشركة اللتي كنت اعمل فيها واتجهة للقطاع الحكومي

8- أخبرنا و بكل صراحة عن صفة تحبها بشخصيتك و لماذا؟ و صفة تكرهها بشخصيتك و تتمنى أن تغيرها و لماذا؟؟
يقولون الواحد ما يقدر يغيم صفاته ولكن برد عليه وبقول صفه احبها الكرم ومساعدة الغير
وصفه اكرهها الغرور مع اني مو مغرور ولكن الجميع يقول كذا لي

9- لو خيرت بين حبيبتك و أعز أصدقائك، من ستختار و لمــاذا؟؟
سؤالك يحتاج لتوضيح اخي الكريم لو خيروني افارقهم ولا شنو بالضبط ؟
10- ما هو أول شيء يخطر في بالك اذا قرأت هذه الكلمات:- الفقر ساعات يكون نعمه
- البحر شي غامض جدا
- الكــرة التعصب
- منتدى الفياحين اول مكان يتجمعون فيه الفياحين من كل دول الخليج

اتمنى ان تكون اجوبتي مرضيه لك اخي الكريم

[بنوتةالعين]

هلا هلا والله عــــناد منور ^ـ^


يلاااا ان شااء الله


راابط الحزاان مافيناا اااطيح ووتتعور


وبعدين منو بيوديك المستشفى خخخخخخخخخخخ


يلا يااهلاافيك


وياانااااااا ^ـ^


يلا بسم الله نبداا


........



عندي اسأله بسيطه


1...شو يعني لك الحب

2..اوصفلي شكلك بكلمتين بس؟

3...شو مبداك في الحياه

4...شو تحب اتسويهـ بوقت فراغكــ في شو تقضيهـ وتسلي عمركـ؟؟!!!

5...منو الانسان تقوله يوم تكون متضايج؟؟؟


6...شو هو ناديك المفضل؟؟


7...نصيحه من والدك او من اي شخص اخر تعتبرها منهج في حياتك الى هذه اللحظه؟



8...شو بتسوي لو خلص البترووول من السيااااره وانته في البر وناسي التيلفون في العزبه
وهلكااااااااااااااااااان وردك تشرب ماي وماشي ماي في السياره؟


9...شو هو طموحك...


10...لو قلت لك قول كلمه وحده تعبر عن مشاعرك للشخص اللي دوم يوقف وياك ..امك اختك ربيعك؟؟؟؟؟



وسموووووحه ان شااء الله ما ثجلت عليك خخخخخخخخخخ ^ـ^

[عنــــاد الفيحــان]

النور نورك بنت الاصايل

شخباركــ ؟
طيب طآب حالك يا رب

اولا: شو شعووركــ وانهـ عــ كرسيــ الاعتراافـــ ؟!؟
عآدي جداً جداً

مرتااحهـــ ولهــ اقوولــ حقــ نصوريــ يغيرهــ لكـ ؟!؟!
لا عادي الوضع

مستعد حقــ الكتاابهــ ؟!؟

ايه

ثانيا :بنبتديـــ الاسأالهــ العاامهــ

^متى تفرحــ و متى تحزنــ و متى تغضبـ؟!؟!
افرح عندما اسمع خبر جميل سوى يخصني ولا لا, واحزن عندما افارق اناس غالين علي
اغضب عندما احس ان شخص تعدى خطوطه الحمراء


^قطــ مرهـ باقيتـ شي ؟!؟! >>طلعتــ الفضايحــ
ايه قلوب ناس كثآر <<< احلف عاد



^موقفــ تتمنهـ مايمر عليكـ مرة ثانية ؟
فقدان اناس كانو من اقرب الناس الي



^احلى موقفـ مر عليك ؟
عندما اصبحت عم

^موفقــ انحرجتــ منهــ؟!؟

مره كنت بدخل مجمع بالبحرين الزبده اني كنت بطيح لكن الله ستر لكن الاحراج
ان عقآلي دخل قبلي المجمع ههههه


^شنو رايكـ بالدراسهــ والمدرسهــ ؟ وتجوفها مهمهــ ولا لا؟!؟!

طبعاً الدراسه شي مهم ويعتبر سلاح يتسلح فيه الشخص ولا ننسا
ان ديننا يحثنا على الدراسه وتوجد احاديث كثيره على ذالك



^ اذا عطيتكـ هذهــ الأشياء حقــ منــ تعطيها ( منــ اعضاء المنتدى )
- سيارة موديلــ 2009 \ مشآكي

- باقتـ ورد لونهــ حمر \ لمشآري

- دعوة للعشاء لعضوينــ \ مشآري & نجل الغلبا

- لقبــ الصديقــ \ خوآلي الفياحين

- عطر \ لـ بسمة الفيحاني فهي دائم تعطر المنتدى بمواضيعها الفواحه

- ساعة \ احلى فيحانيه

- تلفونــ \ شيخ الفيآحين

- ايـ بوود (( I pod )) \ شيخة الغيد

- كفـ(صطار) \ لـ بنت الاصايل :m_em:

- كتبــ حقــ الدراسهــ \ لـنفسي لان حلمي ان اواصل الدراسه الجامعيه

- بوسة \ ( جينا للكلام الخربوطي ) مو لحد هههههه

- زفة / لـ بنت الاصايل لنها قالت بوسه بسألتها

- تذكرتينــ سفر \ مشآكس & مشآري

^عضوينــ ماتقدرينــ تتخلهــ عنهم؟>لتقوليــ كلهمــ< \ خوآلي الفياحين & لحدان


^احسنــ 10 اعضااء لتقوليــ كلهمــ
بصراحه ما اذكر 10 اعضاء لاني مبطي عن المنتدى

يعطيك العآفيه
على هذه الاسئله الخفيفه

[al'3ala]

مبرووك على الكرسي


1. بأي الأسمااء تحب يناادونك؟؟

2. كم عمرك؟؟

3. من دلّك على المنتدى؟؟

4. ما هو ترتيبك بين أخواانك

5. وين تخبي أسرارك؟؟

6. لمن تشكي همومك

7. شرايك بشخصيتي!!


وبس :)

[عنــــاد الفيحــان]

يا هلا ومرحبا فيك بنوتة العين

1...شو يعني لك الحب

الحب كلمه بسيطه ولكن معانيها تهز الوجدان

2..اوصفلي شكلك بكلمتين بس؟
طويل ووسيم


3...شو مبداك في الحياه

لو تجري جري الوحش غير رزقك ماتحوش


4...شو تحب اتسويهـ بوقت فراغكــ في شو تقضيهـ وتسلي عمركـ؟؟!!!
انا من اشد المحبين للمطالعه سوى كانت قصه او معلومات او شعر

5...منو الانسان تقوله يوم تكون متضايج؟؟؟

اخي الكبير


6...شو هو ناديك المفضل؟؟
بكل صراحه الاتفاق



7...نصيحه من والدك او من اي شخص اخر تعتبرها منهج في حياتك الى هذه اللحظه؟
عندما تغضب لا تتحدث فأنك ستقول اكبر حديث تندم عليه طول عمرك قالها لي ابوي
لاني عصبي جداً




8...شو بتسوي لو خلص البترووول من السيااااره وانته في البر وناسي التيلفون في العزبه
وهلكااااااااااااااااااان وردك تشرب ماي وماشي ماي في السياره؟
الله يعين ماكو غير ماي الراديتر


9...شو هو طموحك...

طموحي ان اكمل الدراسه الجامعيه وان تتوسع معلوماتي الثقافيه



10...لو قلت لك قول كلمه وحده تعبر عن مشاعرك للشخص اللي دوم يوقف وياك ..امك اختك ربيعك؟؟؟؟؟

بقول لهم كلهم فديتكم

يعطيك العآفيه
ولاهنتي على هذه الاسئله الخفيفه

[عنــــاد الفيحــان]

يا هلا ومرحبا فيك أحلى فيحانيه


1. بأي الأسمااء تحب يناادونك؟؟

اسم عنآد

2. كم عمرك؟؟

26

3. من دلّك على المنتدى؟؟

اخوي لحدان

4. ما هو ترتيبك بين أخواانك

انا الثالث

5. وين تخبي أسرارك؟؟

بداخلي

6. لمن تشكي همومك

لله اول شي وثم لاخي الكبير

7. شرايك بشخصيتي!!

شخصيه رائعه واتنمى لك التوفيق بحيآتك

[فيحان الفيحاني]

صباح الخير لوجه الخير

منوووووووووووووور الغاااااالي الكرسي بوووجودك

اتمني تكووووووون اسالتي خفيفه عليك









س1 أنت من النوع اللي يسآمح بسرعه اذا احد غلط عليك ؟؟


ســ 2 : كلمه نطقت بها وتندمت اشد الندم على النطق بها .. لمن قلتها ؟ ومتى؟ ولماذا ؟


سـ 3: اذا عضو من اعضاء المنتدى ضايقك بأي شكل من الاشكال .. ماذا ستفعل؟
هل تحاول الرد بالمثل . او تحاول نصحه . او تحاول تجاهله . اوتبلغ الادره ؟ مهما كان اختيارك اذكره والسبب (لماذا) ؟

ســ 4 : مدى ثقتك بنفسك .. يعني كم تعطيي نفسك من عشره في ثقتك بنفسك ؟

ســ 5 : ســــؤال تتمنى لو انه طرح عليك . ماهو ؟ واطرحه وجاوب على نفسك ..


سـ 6 : : وش السبب الي خلاك تختار اسم عناد؟؟

سـ 7 : كلمة خسارهـ..لمن تقولها..؟؟


س8: مين من الاعضاء تربطك فيه صدااقه ومين تتمني انك تتعرف عليه ؟.؟

س9: مين تتكلم عنه لو كنت زعلان او في مشكله ؟.

سـ 10 : عضو لا تتمنى ان يغيب ابدا ؟




والدوووووووور علي الباااااااقي من الاعضااااااء :)

تقبلووووووو تحيااااااااتي

[بنت الاصايل]

:p :p احمــ احمــ رجعتــ لكــ يا عنااد :p :p

^جم اخو عندكــ؟!؟

^جم اخت عندكــ؟!!؟

^شعركــ طويلــ او قصير؟!!؟

^رايكــ فيــ هلــ الاعضااء؟!!؟

-ناصر الفيحاني

-احلى فيحانيه

-فيحانيه و بس

-كاتمة العبره

-مشاكس الفيحاني

-همووسه

-دموووع

-الواافي

-بقايا انساان

واخيرا:شوو رايكــ فينيــ ؟!؟

^شنو اليــ ينرفزكــ فينيــ ؟!؟

^شنو النصيحهــ الي تنصحنيــ فيها؟!!؟

^شنو اليــ يعجبكــ فينيــ ؟!؟

:h_love: :h_love: **وانتهتــ الاسأالهــ ارتااحــ هههههــ **:h_love: :h_love:

[ALjoori]

مبروووووك يا عناااد ..

هم كم سؤااال ماني مطوله:

http://www.arb-up.com/files/arb-up-Nov2/6T482509.gifماهو هدفك في الحياه؟

http://www.arb-up.com/files/arb-up-Nov2/6T482509.gifصف لي مكان إقامتك!

http://www.arb-up.com/files/arb-up-Nov2/6T482509.gifآخر عقاب عاقبك إياه والدك؟

http://www.arb-up.com/files/arb-up-Nov2/6T482509.gifأمنيه تمنيت لو أنها تتحقق!

http://www.arb-up.com/files/arb-up-Nov2/6T482509.gifماذا تفعل قبل أن تخلد للنوم؟

http://www.arb-up.com/files/arb-up-Nov2/6T482509.gifأفضل مصارع!

http://www.arb-up.com/files/arb-up-Nov2/6T482509.gifأفضل فيلم كارتون!

http://www.arb-up.com/files/arb-up-Nov2/6T482509.gifأين تخفي أسرارك؟

http://www.arb-up.com/files/arb-up-Nov2/6T482509.gifتخيل معي: لو كان وجود مارد المصباح السحري حقيقه، ماهي أمنياتك الثلاثه؟

http://www.arb-up.com/files/arb-up-Nov2/6T482509.gifأحلى رقم سياره!

http://www.arb-up.com/files/arb-up-Nov2/6T482509.gifالسياره المفضله لديك!

http://www.arb-up.com/files/arb-up-Nov2/6T482509.gifحكمتك المفضله!

http://www.arb-up.com/files/arb-up-Nov2/6T482509.gifأحلى أسامي بنات وأولاد!

http://www.arb-up.com/files/arb-up-Nov2/6T482509.gifوش تلعب بالورق؟

http://www.arb-up.com/files/arb-up-Nov2/6T482509.gifلو تملك منتجع سياحي، وش بتسوي عشان تجذب السياح؟

http://www.arb-up.com/files/arb-up-Nov2/6T482509.gifوش كان آخر حلم؟

http://www.arb-up.com/files/arb-up-Nov2/6T482509.gifأفضل قناة فضائيه!

http://www.arb-up.com/files/arb-up-Nov2/6T482509.gifأفضل مسلسل كويتي / سوري!

http://www.arb-up.com/files/arb-up-Nov2/6T482509.gifتصلي بالمسجد ولا مثل صاحبنا اللي يقول: فاتتني الصلاه وتطلع الأعذار الجهنّميّه؟

http://www.arb-up.com/files/arb-up-Nov2/6T482509.gifوش يعني لك السلام الأميري (نشيد الوطن)؟

http://www.arb-up.com/files/arb-up-Nov2/6T482509.gifماهو آخر برنامج شاهدته قبل قليل؟

http://www.arb-up.com/files/arb-up-Nov2/6T482509.gifماهي هوايتك المفضله؟

http://www.arb-up.com/files/arb-up-Nov2/6T482509.gifمن هو حلاّل مشاكلك؟

http://www.arb-up.com/files/arb-up-Nov2/6T482509.gifجمله ترددها كل يوم؟



عسى ما طوّلت عليك بس؟!!
ويعطيك العاافيه خيّوو

http://www.arb-up.com/files/arb-up-Nov2/6T482509.gifانتهىhttp://www.arb-up.com/files/arb-up-Nov2/6T482509.gif

[عنــــاد الفيحــان]

صبحك الله بآلنوروالسرور
منور يا ولد العم لبى قلبك انت ( ابو علي اذا ما خآنتني الذاكره)


س1 أنت من النوع اللي يسآمح بسرعه اذا احد غلط عليك ؟؟
طبعاً على حسب الغلط في بعض الاغلاط ما تغفر ابد واذا كان الغلط
من النوع اللي ما يغفر مستحيل اسآمح ابد.


ســ 2 : كلمه نطقت بها وتندمت اشد الندم على النطق بها .. لمن قلتها ؟ ومتى؟ ولماذا ؟
ما اذكر قلة كلمه وندمت عليها لاني انتبه لكلامي قبل اتلفظ فيه .

سـ 3: اذا عضو من اعضاء المنتدى ضايقك بأي شكل من الاشكال .. ماذا ستفعل؟
بقول له طبعاً لاني من النوع الصريح جداً وبعدها بخلي بيني وبينه السلام بس .

هل تحاول الرد بالمثل . او تحاول نصحه . او تحاول تجاهله . اوتبلغ الادره ؟ مهما كان اختيارك اذكره والسبب (لماذا) ؟

طبعا بنصحه وعقبها بتجآهله ولكن اذا زودها بخلي الاداره تتفهم معه لاني اشوف
ان السالفه هذي من اختصاص المراقبين والمشرفين وهذا دورهم اللذي وضعوا له .

ســ 4 : مدى ثقتك بنفسك .. يعني كم تعطيي نفسك من عشره في ثقتك بنفسك ؟يمكن تقولون مغرور ولكني واثق من نفسي لحد كبير يعني 10 من 10 .

ســ 5 : ســــؤال تتمنى لو انه طرح عليك . ماهو ؟ واطرحه وجاوب على نفسك ..
السؤال هو ليه مبعد عن منتدى الفيآحين ؟
والجواب اني ما اعرف شنو السبب بالضبط .


سـ 6 : : وش السبب الي خلاك تختار اسم عناد؟؟
الاسم هذا له مكآنه عندي واول مره سمعته كان ابوي لحدآن رحمة الله عليه
هو اللي قاله وسمى اسم لنج من لنجآته بهذا الاسم .

سـ 7 : كلمة خسارهـ..لمن تقولها..؟؟
لكن من غلط بحق نآي يعزونه ويحترمونه .

س8: مين من الاعضاء تربطك فيه صدااقه ومين تتمني انك تتعرف عليه ؟.؟

صدآقه هو خوآلي الفيآحين واللي اتمنى اتعرف عليه ماكو احد محدد يشرفني
اتعرف على عيآل عمي كلهم .

س9: مين تتكلم عنه لو كنت زعلان او في مشكله ؟.
اخوي الكبير .

سـ 10 : عضو لا تتمنى ان يغيب ابدا ؟
كآتب هذه الاسئله .

يعطيك العآفيه
على هذه الاسئله الخفيفه .

[عنــــاد الفيحــان]

يا هلآ ومرحبآ فيك
بنت الاصايل نورتي الصفحه للمره الثآنيه


^جم اخو عندكــ؟!؟
2 ونا الثالث .

^جم اخت عندكــ؟!!؟3 خوآت .

^شعركــ طويلــ او قصير؟!!؟

حآلياً طويل .

^رايكــ فيــ هلــ الاعضااء؟!!؟

-ناصر الفيحاني \ اخ عزيز

-احلى فيحانيه \ نشيطه جداً

-فيحانيه و بس \ نشيطه

-كاتمة العبره \ ما عمري شفتها هنا ولا اقدر احكم

-مشاكس الفيحاني \ شعلة المنتدى ما شاء الله عليه

-همووسه \ ما اعرفها

-دموووع \ هذي عآد ام السحآلي الله يذكرها بالخير :p

-الواافي \ ما اعرفه

-بقايا انساان \ ما اعرفه

واخيرا:شوو رايكــ فينيــ ؟!؟

حبوبه ونشيطه ما شاء الله عليك .

^شنو اليــ ينرفزكــ فينيــ ؟!؟

ماكو شي .

^شنو النصيحهــ الي تنصحنيــ فيها؟!!؟
طآعة الوالدين ورضآهم .

^شنو اليــ يعجبكــ فينيــ ؟!؟
عـفويتك .

يعطيك العآفيه
ولاهنتي على هذه الاسئلة

[عنــــاد الفيحــان]

يا هلآ ومرحبآ فيك
فـيـحـآنيه وبس نورتي الصـفـحـه

مبروووووك يا عناااد ..
الله يبآرك بعمرك .

هم كم سؤااال ماني مطوله:
ابد اخذي راحتـك .

ماهو هدفك في الحياه؟
الوصول الى مكآنه علميه وعمليه مرموقه .

صف لي مكان إقامتك!
ببيت مع الاهل يتكون من طآبقين .

آخر عقاب عاقبك إياه والدك؟
آخر عقآب حرمني من الموتر لاني طولة برى البيت <<< ذكرتيني باللذي مضى ههههـ .

أمنيه تمنيت لو أنها تتحقق!
موآصلة الدراسة .

ماذا تفعل قبل أن تخلد للنوم؟

بالعآده اكون اشاهد التلفزيون .

أفضل مصارع!
هيق هوقن <<< قديم حيل صح هههـ .

أفضل فيلم كارتون!
ادمآن اي طفل خليجي اتوقع هو ( عدنآن ولينآ ).

أين تخفي أسرارك؟
بدآخلي .

تخيل معي: لو كان وجود مارد المصباح السحري حقيقه، ماهي أمنياتك الثلاثه؟

1- ان ادخل الجنه 2- ان اتمتع بمشآهدة الرسول محمد صلى الله عليه وسلم

3- ان يعم السلام للكون .
أحلى رقم سياره!
بـصراحه ما اهتم للارقام ولكن بقول ق م ر 015 .

السياره المفضله لديك!
طبعا اللاند كروزر .

حكمتك المفضله!
في مقوله تقول اليا بليت بجآهل اصبر لين يمل ولا الله يقلعه .

أحلى أسامي بنات وأولاد!

بالنسبه للبنآت نوره ... نوف اما باللنسبه للشبآب عناد ... فهد

وش تلعب بالورق؟
طبعاً البآلوت .

لو تملك منتجع سياحي، وش بتسوي عشان تجذب السياح؟

طبعاً الاشياء الترفيهيه ووضع بروشورآت عن المنتجع .

وش كان آخر حلم؟

بـصرآحه نآدر اللي احلم بحيآتي ما حلمت الا مرتين بس ولا اذكرهم .

أفضل قناة فضائيه!

الجزيره الوثآئقيه .

أفضل مسلسل كويتي / سوري!
كويتي ( درب الزلق ) سوري (بآب الحآره ) .

تصلي بالمسجد ولا مثل صاحبنا اللي يقول: فاتتني الصلاه وتطلع الأعذار الجهنّميّه؟
احاول الحرص على الصلاة في المسجد واهم شي ان الواحد يصلي .

وش يعني لك السلام الأميري (نشيد الوطن)؟
الانتمآء .

ماهو آخر برنامج شاهدته قبل قليل؟
برنآمج عن الطآئرات الحربية .

ماهي هوايتك المفضله؟

الشعـر

من هو حلاّل مشاكلك؟

انا بالدرجة الاولي واطلب نصيحة اخي الكبير .

جمله ترددها كل يوم؟

عسى امورك طيبه لبى قلبك .



عسى ما طوّلت عليك بس؟!!
لا طآل عمرك انا بالشوفه .

يعطيك العآفية
على هذه الاسئلة .

[مزون]

هلافيك اخوي

1= منهو شاعرك المفضل ؟

2= النت " ماذا اضاف لك هذا الـــ( نت ) !

3= ابي موقف مريت فيه وصاااار بالنسبه لك درس ودايم يطري على بالك 00؟؟


4= وابي شيء تكــــــــــــــــــــــــــــــــــــــرهه في البنات وماتحب تشوفه في قريباتك ((وبصراحه)) 0؟؟


5=وش نظرتك للبنت اللي تشارك في المنتديات ؟؟ 00فيه بعض الشباب يمنعون خواتهم من النت هل انت منهم 00؟؟ وبصفتك شاب من الشباب تتوقع ليش يعملون كذا 00؟؟

6=لو قالولك لازم تغير نك نيمك شنو بتحطه؟؟؟


7=ماذا تريد ان تكون في المستقبل !؟


8= اكثر موقف محررج وطرريف

9= اش هو احلى شىء تتذكره الأيام مدارس؟



يعطيك العافية

تحياتي

[نجل الغلبا]

مرحبا فيك على كرسي المحبه ...كما اسميه :m_razfah:

في جعبتي كم سؤال والله يعينك علي.....:m_ndarah: ....مااذكرك بمدرس علوم

سين سؤال / وش تعني لك رحيمه , وماهو ابرز شي فيها ماقدرت تنسااااااه.....!

س / وش اخذت من ابوك لحدان رحمه الله من صفاااااات .

س / وش اللي عاجبك في منتدى الفياحين ووش اللي يضيق صدرك فيه..؟

س / متى اخره دخلت بحر واخر مره كشت بالبر ... ومع من ..؟

[عنــــاد الفيحــان]

يا هلا ومرحبآ
فيك مــزون نورتي الـصـفـحـه


1= منهو شاعرك المفضل ؟
شآعري المفضل هو الشآعر متـعب التركي ( متعب القصيد )
لكن للاسف منقطع عن السآحة .

2= النت " ماذا اضاف لك هذا الـــ( نت ) !
اضآف لي اشياء كثيره منهآ ثقآفة الـحوار وتـعدد وجهآت النظر .

3= ابي موقف مريت فيه وصاااار بالنسبه لك درس ودايم يطري على بالك 00؟؟
الموقف انه انا خلال فترة ايآم الثآنوي طلعة من الدراسه ولكن الحمد لله رجعت
وخلصت مع ان الايام هذي شهآدة الثآنوي ما تسوي شي .


4= وابي شيء تكــــــــــــــــــــــــــــــــــــــرهه في البنات وماتحب تشوفه في قريباتك ((وبصراحه)) 0؟؟

الدلع الزآيد عن الـحـد .


5=وش نظرتك للبنت اللي تشارك في المنتديات ؟؟ 00فيه بعض الشباب يمنعون خواتهم من النت هل انت منهم 00؟؟ وبصفتك شاب من الشباب تتوقع ليش يعملون كذا 00؟؟
نظره عآديه ومو عيب ان البنت تدخل النت ولكن في ظل المتآبعه لها وعدم
تركها ( النت حاله حال اي شي ثآني ويـجب متآبعته ولكن يجب ان تكون ثقتك
كبيره بأهلك ).و انا برايي ان الشآب اللي يمنع اهله ما فيه ثقه بأهله خآصه انها
تقدر تدخل النت من بيت خالتها مثلاً او اي مكآن ثاني .

6=لو قالولك لازم تغير نك نيمك شنو بتحطه؟؟؟
العود الأزرق .


7=ماذا تريد ان تكون في المستقبل !؟
مـتـميز في عملي .


8= اكثر موقف محررج وطرريف
اول ما تعلمة القيآده كنت مديور ومسوي فيها بقحص المهم ان السياره خآنتني
ودخله بالمبه اللي بالشآرع قدام ربعي هههههـ .

9= اش هو احلى شىء تتذكره الأيام مدارس؟ حصص الريآضه على ايآم الثآنوي .

يعطيك العآفيه
على هذه الاسئـله الخفيفه .

[عنــــاد الفيحــان]

يا هلا ومرحبآ
فيك نـجل الغلبآ منور الـصـفـحـة


سين سؤال / وش تعني لك رحيمه , وماهو ابرز شي فيها ماقدرت تنسااااااه.....!
رحـيـمـه بأختصآر بالقلب , الجيرآن ووصلهم لبعـض تحس انهم اسره وآحده .

س / وش اخذت من ابوك لحدان رحمه الله من صفاااااات .
بآلنسبه لي ما خذيت شي منه للاسف , ولكن اخوي الكبير نسخه من طبآيعه .

س / وش اللي عاجبك في منتدى الفياحين ووش اللي يضيق صدرك فيه..؟
اللي عآجبني فيه اني بين اخوآني وجمآعتي . واللي يضآيقني ان الردود والمشآركات
قليله.

س / متى اخره دخلت بحر واخر مره كشت بالبر ... ومع من ..؟
البحر يمكن عآم 98 م اما بالنسبه للبر انا حآلياً بالبر مع عيآل عمتي .

يعطيك العآفيه
على هذه الاسئـله الرائعة .

[فارس الفيحاني]

صبحكم الله بالخير


نبدا


س - من اول قلم اعجبك في المنتدى ؟


س - متى دخلت المنتدى ؟

س - ماهو جمل مو ضوع قراتة في المنتدى ؟


س - ماهو اجمل قسم في رايك في المنتدى ؟



س- حكمتك في الحياه ؟



س- ما هي هوايتك المفضله ؟


س-ما رايك في الاعضاء الذين يسجلوا معنا في المنتدى ولا يشاركوا بكثرة ؟


س-من هو العضو الذي لاتعرفه الا عن طريق المنتدى وتتمنى ان تتعرف عليه اكثر؟


يعطيك العافية واحلى تحيه مني لك

[عنــــاد الفيحــان]

يا هلا ومرحبا
فيك فآرس الفيحاني منور


س - من اول قلم اعجبك في المنتدى ؟

الاخت بسمة الفيحآني


س - متى دخلت المنتدى ؟

قبل حوالي سنتين
س - ماهو جمل مو ضوع قراتة في المنتدى ؟
موضوع عن انـواع الصقور


س - ماهو اجمل قسم في رايك في المنتدى ؟
القسم قبيلة الفيآحين



س- حكمتك في الحياه ؟
اليآ بليت بجآهل اصبر لين يمل ولا الله يقلعه



س- ما هي هوايتك المفضله ؟

الشعــر


س-ما رايك في الاعضاء الذين يسجلوا معنا في المنتدى ولا يشاركوا بكثرة ؟
اذا كآن لديه شي يشغله فآعذره معه لكن اذا كان ليس لديه فاقول له
انت مقصر بحق المنتدى وكل حرف منك يضيء سماء المنتدى فلا تبخل
علينا


س-من هو العضو الذي لاتعرفه الا عن طريق المنتدى وتتمنى ان تتعرف عليه اكثر؟
لا يوجد شخص معين


يعطيك العآفيه
على هذه الاسئله الخفيفه

[بنت سبيع]

يامرحــبا ترحيبة البـــــدو لسهـيل ,’, وأعد11د ماهبت سحا11يب مطرها

][عناد ][ يـــــــاهـــــــلا واللـــــــــه وغــــــــــلا



تحـــب تقرأ روايات..؟؟

شنو آخر كتاب قرأته..؟؟

إذا إكتشفت إن صداقتك مع إنسان مزيفة شنو تسوي.....؟؟

إكتب أحلا مسج عندك.......؟

من هو الفنان / الفنانه اللي تعجبك تمثيلها ؟؟

من هو الفنان الكوميدي الافضل بوجهه نظرك ؟ وليـه ؟؟

اذا كنت متضايــــــق وش اول شي تفكـــــــر فيه ؟؟

فى كل منا خير وشر ودائماً يوجد صراع فكيف تري نفسك بينهما ؟؟

ما هو إحساسك عندما يقول لك شخص إنى أحبك فى الله ؟؟

ما هو الحدث الذى لم تتمنى ان يحدث ؟؟ على مستوى الأمة الإسلامية !!

ما هي أجمل لحظات حياتك ؟؟

من من الناس يحتل المساحة الأكبر فى قلب ؟؟

كلمة تحمل معنى كبير تقولها عند وداع من تحب ؟ ما هى ؟


وآخر شــــــي وش تحب تقول لمـــنتدى الفياحين وأعضــــاءه ...؟؟


اختك

بنت سبيع ***

[هاجس الفيحاني]

http://wogod.jeeran.com/AlvenHala.gif



مرحبااااااااعناد

تحياااااااااااااااتي لك

وهذي اسئلتي لك


- ماذااضاف لك الأنترنت ؟ وماذا اضفت أنت له؟



- تكلم عن شخصيتك بثلاث كلمات؟




- شنو هوايااات عناد ؟







- رايك في المنتدى بشكل عام ؟


نصيحه توجها للمنتدي لتطويره ؟

- اكله يحبها عناد ؟




- سيارتك المفضله ؟




- عطرك المفضل ؟





- لونك المفضل ؟





- ناديك المفضل ؟




عناد ان شاءالله اني ما ثقلت عليك باسئلتي

وان شاءالله تعجبك


اتمنى لك التوفيق
_

اخوك ناصر الفيحاني_________________

[عنــــاد الفيحــان]

ياهلا ومرحبآ
فيك بنت سبيع نورتي الصفحه


تحـــب تقرأ روايات..؟؟اي شي فيه قراءه اعشقه
شنو آخر كتاب قرأته..؟؟

كان ديوان شعري للشآعر حآمد زيد

إذا إكتشفت إن صداقتك مع إنسان مزيفة شنو تسوي.....؟؟
اقطع حبآله بكل سهوله لانها ما تشرفني صداقتي فيه

إكتب أحلا مسج عندك.......؟
احلى مسج عندي حالياً وتوه وصال لي

للعيد في قلوب المواليف ميعــــــاد ... وبيني وبينك عيدنا دائما غير
ماهي بسالفة مبروك عيدك وينعاد ... عجزت ادور لك عباره وتعبير
واقولها من قلب والصدق لــه زاد ... انت فرح الاعياد يا منبع الخير

من هو الفنان / الفنانه اللي تعجبك تمثيلها ؟؟

الفنآن القدير عبدالحسين عبدالرضآ

من هو الفنان الكوميدي الافضل بوجهه نظرك ؟ وليـه ؟؟
الفنآن القدير عبدالحسين عبدالرضآ لانه لا يصتنع الضحكه ولا يحآول
يغلط على الممثلين اللي معه


اذا كنت متضايــــــق وش اول شي تفكـــــــر فيه ؟؟اني اترك المكآن اللي انا فيه
فى كل منا خير وشر ودائماً يوجد صراع فكيف تري نفسك بينهما ؟؟
الواحد ما يقدر يحكم على نفسه فا افضل العالم تحكم علي

ما هو إحساسك عندما يقول لك شخص إنى أحبك فى الله ؟؟
اقول له احبك الله اللذي احببتني فيه

ما هو الحدث الذى لم تتمنى ان يحدث ؟؟ على مستوى الأمة الإسلامية !!
سقوط صدام حسين

ما هي أجمل لحظات حياتك ؟؟
عندما اصبحت عم

من من الناس يحتل المساحة الأكبر فى قلب ؟؟
جدتي الله يطـول بعمرها

كلمة تحمل معنى كبير تقولها عند وداع من تحب ؟ ما هى ؟
كلمة الله يستر عليك محل ما قبلة بوجهك


وآخر شــــــي وش تحب تقول لمـــنتدى همســـــــات غر11م وأعضــــاءه ...؟؟
انهم ينتبهون للي ينسخونه عشآن ما يتفضحون :m_ydakhen:

[عنــــاد الفيحــان]

يا هلا ومرحبا
فيك نآصر الفيحآني منور حبيب قلبي



- ماذااضاف لك الأنترنت ؟ وماذا اضفت أنت له؟

اضآف لي اشياء كثيره منها الانفتآح على ثقآفآت عديده , عالم النت عالم شآسع
لا يسيتطيع اي شخص ان يضيف له بل يستطيع ان يستقطب افكآر منه

- تكلم عن شخصيتك بثلاث كلمات؟
طيب , حبوب , عصبي


- شنو هوايااات عناد ؟
الشعر , المطالعه , كرة القدم







- رايك في المنتدى بشكل عام ؟
جميل جداً ولكن يحتآج لتفآعل الاعضاء

نصيحه توجها للمنتدي لتطويره ؟
مثلا فتح قسم جديد للاخبآر

- اكله يحبها عناد ؟
احب الروبيآن المقلي




- سيارتك المفضله ؟
الاند كروزر




- عطرك المفضل ؟
ام سفن من ايفسآن لورنس





- لونك المفضل ؟
الكحلي





- ناديك المفضل ؟ الاتفاق

يعطيك العافيه
على هذه الاسئله

[هاجس الفيحاني]

حقيقه في الختام مع ضيفنا العزيز عناااااد حقيقه لابد تذكر

يشكر على ااجوبته اللتي لمست فيهاا اصراااحه

والعفووويه والبعد عن التكلف