خسرتي قلب حبك

[هاجس الفيحاني]

خسرتي قلب حبك من صميم الروح والوجدان
عسى يسعدك يالغاليه من وين مارحتي؟
بكفكف دمعي بيدي وبقول اني الكسبان
وبحاول افعل افعالك بجري خلف مصحلتي!
برغم اني عطيتك حب غالي... غالي الاثمان
شريت ارضاك في عمري ولكنك لنا بعتي
اجمع لك كلام مابعد قلته ابد في انسان
وبعد مااهديتك احساسي في حقي تمنذلتي
غبي جدا تخيلتك لروحي داعية غفران
اثارك كذبة صدقتها والحين ما بنتي
خدعني فيك حسن الظن يومك قلت لي ولهان
ولاقد دار في بالي بانك للوفاء خنتي
ابد ماني بمتحسف على عشره غدت نكران
وانا ماني بمتضايق على شان انك اخترتي
مضايقني وفاي اللي ابد يالغاليه مابان
على رغم الذي خذتي لاافضالي تنكرتي
دخليك ابعدي عني ولونفرض انا الخسران
لاني مااقبل اعذارك ولو جيتي وتعذرتي
صحيح اني خسرتك بس اقسم ماني بندمان
لاني كنت وافي لين من روحي تمكنتي
بعد هذا تبين ارجع لدرب الذل و الحقران
يمين الله ماارجع لك ولو انك توسلتي
عزيز النفس مايخضع لكثر الهم ولاحزان
برغم الذكرايات المؤلمه بالقلب مازلتي
لان الناس تفرق في المعادن ولاصيل يبان
وانا طبعي اصيل وما احب الغدر لاهنتي