محمد بن سلطان السبيعي
04-05-2006, 12:51 PM
هذه القصيدة لاحد شعراء نجد القدامى ، الشاعر الكبير / محمد بن عبدالله القاضي من فرع القضاه من قبيلة بني تميم ,رحمه الله , وقصيدته الذائعة الصّيت في " وصف القهوة " وطريقة إعدادها ..
يامـن لقلب(ن) كل ماالـتمّ الاشفاق=من عام الاول به دواكيك وخفوق
يجاهد جنود(ن) في سـواهيج الاطراق=و يكشف له أسرار(ن) كتمها بصندوق
إلى عنّ له تذكار الأحباب واشتاق= باله وطفّ بـخاطره طاري الشوق
قربت له من غاية البن مـالاق=بالكفّ نـاقيها عن العذف منسوق
إحمس ثلاث (ن) يانديمي على ساق=ريحه على جمر الغضا يفضح السوق
حذراك و النيه وبالك والإحـراق=واصحى تـصير بحمسة البن مطفوق
الى اصفرّ لونه ثم بشّت بالاعراق=وصارت كما الياقوت يطرب له الموق
وعطـّت بريح (ن) فـاضح(ن)فاخر (ن)فـاق=لا عنبر (ن) ريحه بالانفاس منشـوق
دقـه بنـجر (ن) يسمعه كـل مشتاق=راع الهـوى يطرب ليادق بخفوق
واحشه بدلـة مـولع (ن) كنها ساق=بـلورة (ن) مـنصوبة (ن) تـقل غرنوق
خلّـه تفـوح وراعي الكيف يشتاق=الى طفح له جوهرِ (ن) صح له لوق
أصغر اقموره كالـزمرد بالأشعاق=وكبارها الطافح كما صافي الموق
زلّـه على وضح (ن) بها خـمسة ارناق=هيل (ن) و مسمار (ن)ٍ بالأسباب مسحوق
مع زعفران (ن) والشمطري الى انساق=ريحه مع العنبر على الطاق مطبوق
إلـى اجتمع هـذا وهـذا بتـيفاق=فـصبّه كفيت العوق عن كل مخلوق
بفنجال صين (ن) صافي (ن) عنه الارماق=تغـضي وكـرسيه غـدان (ن) لمعشوق
الى صب فابصر جوهره تقل شبراق=رنق (ن) تصور بالـحمامة على الطوق
شكل غَـرَا الفنجال صبغه كما راق=دمّ الـغزال الى امـّـزع منه معـلوق
خمر (ن) الى منه تـساقى بالارياق=وعليه من مَاء صافي الورد مـذلوق
راعيه كنه شارب (ن) ريق ترياق=كاس الطرب واسرور من ذاق له ذوق
يحتاج من خمر السكارى الى فاق=طـفل (ن) يشفّ شفاه والعـنق مفـهوق
عبث (ن) يعيل ابـحُبة (ن) منه ما ماق=وهـو يباهي باهـي البدر بشــعوق
في وجنتيه اليا غَنَج بارق (ن) حاق=عـجل (ن) رفيفه بالطّـها الغـرق بطـبوق
سحر(ن) كتب من حبر عينيه باوراق=خـديه صـادين (ن) و نُـونِـينْ من فـوق
كن العرق بخـدودها حـصّ ارناق=نّـثـّر عـلى صفحات بلـورة الشوق
إلى تبسمّ شعّ و أشـرق بالآفاق=نور (ن) يفـوق البـدر سحار منـطــوق
والعنق كن المسك والورس بـراق=ما مشخص (ن) في صدره الشاخ مدفوق
يـمشي برفق (ن) خايف (ن) مدمج الساق=يفصم حـجول (ن) هزه الثقل من فوق
الى صفت لك ساعة (ن) و أنت مشتاق=فاقطف زهر مالاق و العمر ملحـوق
فالى حضر ماقلت عندي فالارزاق=بيدي كـريم (ن) كافـل(ن) كل مخلــوق
والله لو يمــشي شقاق (ن) بالأسواق=امـن الملاء مايمسط الخمس مخلوق
هـذا و صلوا عـد ما ناض بـراق=أو ماشكى الفرقا شفيق (ن) لـمشفوق
على النبي مـا زجّ زاج ٍ با لأوراق=و آلـه و صحبه عد ماسيق مـسيوق
وسلامتكم
شرح بعض الكلمات:
1/السواهيج ..من سهجة: دهاه , سحقه ,و يريد بالصندوق :الصدر الكتوم لللأسرار .
2/العذف : النفاية
3/السوق: الشارع
4/الحمس : تحميص القهوة - مطفوق : متسرّع .
5/ القمور : الحبب الناتج من غليان القهوة , شبّه صغار الحبب بقطع الزمرّد , وكبارها بآماق الحدق الصافيه .
6/ الارناق : الأصناف , - المسمار : القرنفل , - الشمطري : نوع من الطيوب , - الطاق مطبوق : أي الضعف مضاعف
7/ الغدان : تخوت الثياب
8/ الشبراق : المختلط الألوان كقوس قزح , وقد أجاد في تشبيهه بلون طوق الحمامة المتعدد الألوان الممتزجة .
9/ مذلوق : مندفق .
10/ الترياق : الأفيون .
11/ الشعوق : اللمعان ,- ماق : طغى وتكبّر .
12/ حاق : صادق المطر , - الطّها : المزن , الغرْق : كثير المطر
13/ شبه الخدّين بصادين , والحواجب بنونين .
14/ الحصّ : اللؤلؤ .
15/ المشخص : الذهب , - الشاخ : الفضة , أي ماء ذهب على فضة
منقول للعلم
واتمنى ان تنال اعجابكم ..
اخوكم
محمد بن سلطان السبيعي
يامـن لقلب(ن) كل ماالـتمّ الاشفاق=من عام الاول به دواكيك وخفوق
يجاهد جنود(ن) في سـواهيج الاطراق=و يكشف له أسرار(ن) كتمها بصندوق
إلى عنّ له تذكار الأحباب واشتاق= باله وطفّ بـخاطره طاري الشوق
قربت له من غاية البن مـالاق=بالكفّ نـاقيها عن العذف منسوق
إحمس ثلاث (ن) يانديمي على ساق=ريحه على جمر الغضا يفضح السوق
حذراك و النيه وبالك والإحـراق=واصحى تـصير بحمسة البن مطفوق
الى اصفرّ لونه ثم بشّت بالاعراق=وصارت كما الياقوت يطرب له الموق
وعطـّت بريح (ن) فـاضح(ن)فاخر (ن)فـاق=لا عنبر (ن) ريحه بالانفاس منشـوق
دقـه بنـجر (ن) يسمعه كـل مشتاق=راع الهـوى يطرب ليادق بخفوق
واحشه بدلـة مـولع (ن) كنها ساق=بـلورة (ن) مـنصوبة (ن) تـقل غرنوق
خلّـه تفـوح وراعي الكيف يشتاق=الى طفح له جوهرِ (ن) صح له لوق
أصغر اقموره كالـزمرد بالأشعاق=وكبارها الطافح كما صافي الموق
زلّـه على وضح (ن) بها خـمسة ارناق=هيل (ن) و مسمار (ن)ٍ بالأسباب مسحوق
مع زعفران (ن) والشمطري الى انساق=ريحه مع العنبر على الطاق مطبوق
إلـى اجتمع هـذا وهـذا بتـيفاق=فـصبّه كفيت العوق عن كل مخلوق
بفنجال صين (ن) صافي (ن) عنه الارماق=تغـضي وكـرسيه غـدان (ن) لمعشوق
الى صب فابصر جوهره تقل شبراق=رنق (ن) تصور بالـحمامة على الطوق
شكل غَـرَا الفنجال صبغه كما راق=دمّ الـغزال الى امـّـزع منه معـلوق
خمر (ن) الى منه تـساقى بالارياق=وعليه من مَاء صافي الورد مـذلوق
راعيه كنه شارب (ن) ريق ترياق=كاس الطرب واسرور من ذاق له ذوق
يحتاج من خمر السكارى الى فاق=طـفل (ن) يشفّ شفاه والعـنق مفـهوق
عبث (ن) يعيل ابـحُبة (ن) منه ما ماق=وهـو يباهي باهـي البدر بشــعوق
في وجنتيه اليا غَنَج بارق (ن) حاق=عـجل (ن) رفيفه بالطّـها الغـرق بطـبوق
سحر(ن) كتب من حبر عينيه باوراق=خـديه صـادين (ن) و نُـونِـينْ من فـوق
كن العرق بخـدودها حـصّ ارناق=نّـثـّر عـلى صفحات بلـورة الشوق
إلى تبسمّ شعّ و أشـرق بالآفاق=نور (ن) يفـوق البـدر سحار منـطــوق
والعنق كن المسك والورس بـراق=ما مشخص (ن) في صدره الشاخ مدفوق
يـمشي برفق (ن) خايف (ن) مدمج الساق=يفصم حـجول (ن) هزه الثقل من فوق
الى صفت لك ساعة (ن) و أنت مشتاق=فاقطف زهر مالاق و العمر ملحـوق
فالى حضر ماقلت عندي فالارزاق=بيدي كـريم (ن) كافـل(ن) كل مخلــوق
والله لو يمــشي شقاق (ن) بالأسواق=امـن الملاء مايمسط الخمس مخلوق
هـذا و صلوا عـد ما ناض بـراق=أو ماشكى الفرقا شفيق (ن) لـمشفوق
على النبي مـا زجّ زاج ٍ با لأوراق=و آلـه و صحبه عد ماسيق مـسيوق
وسلامتكم
شرح بعض الكلمات:
1/السواهيج ..من سهجة: دهاه , سحقه ,و يريد بالصندوق :الصدر الكتوم لللأسرار .
2/العذف : النفاية
3/السوق: الشارع
4/الحمس : تحميص القهوة - مطفوق : متسرّع .
5/ القمور : الحبب الناتج من غليان القهوة , شبّه صغار الحبب بقطع الزمرّد , وكبارها بآماق الحدق الصافيه .
6/ الارناق : الأصناف , - المسمار : القرنفل , - الشمطري : نوع من الطيوب , - الطاق مطبوق : أي الضعف مضاعف
7/ الغدان : تخوت الثياب
8/ الشبراق : المختلط الألوان كقوس قزح , وقد أجاد في تشبيهه بلون طوق الحمامة المتعدد الألوان الممتزجة .
9/ مذلوق : مندفق .
10/ الترياق : الأفيون .
11/ الشعوق : اللمعان ,- ماق : طغى وتكبّر .
12/ حاق : صادق المطر , - الطّها : المزن , الغرْق : كثير المطر
13/ شبه الخدّين بصادين , والحواجب بنونين .
14/ الحصّ : اللؤلؤ .
15/ المشخص : الذهب , - الشاخ : الفضة , أي ماء ذهب على فضة
منقول للعلم
واتمنى ان تنال اعجابكم ..
اخوكم
محمد بن سلطان السبيعي