انا راضي اخاوي الموت ،، ولامثلك يخـاويني

[دمــــــــــوع]

اخيرا جيت ياشاطر رجعت مخاوي الونات
خضعت ودمعك الثاير على الوجنة يناديني

عرفت الحين مقداري دريت اني على النيات
ولكن مامضى ماضي واناحاضر عناويني

نسيت يومك تبكيني نسيت كلمة عديم الذات
نسيت يومي اغص بسمك وعلى الغصة تهنيني

خسارة طحت من عيني غدت ميزتك لي سيات
شطبتك من كشوف الحب ودمعي لك يواسيني

صحيح القلب من هجرك كساة الهم واللوعات
ولكن عزتي ترفضك مهماتصافحك عيني

نسيتك قالهاقلب{ن} يعاني لحظة السكرات
وعلى نعش الهواكلمةنسيتك من شرايني

خلاص مرحومي شيعتةبصمتي واندفن بسكات
تقبلت التعازي وانت ولافكرت تعزيني

وجاني اليوم متاسف بعدماتاهت الخطوات
عقب ماذابت عروقي والليل الياس طاويني

عقب كسرت خواطرنا تبي نرجع محال هيهات
اناراضي اخاوي الموت ولامثلك يخاويني


تحياتي لكمـ000 دمـــــوع

[عاشقه الفيحاني]

الله الله شهالقصيده الزينه
يعطيج الف عافيه

تحياتي لج

[رفيع الساس]

قصيدة مؤثرة في احاسيها ومعانيها .. تشكرين عليها يادموع ...
مداخلة ..
لا تعتذر ياقلب على كثر الونات
روحي يالغلا ابيعها لمنهو شاريني
انوح في مطلع نوح الراعبيات
ابكي على وقتن مضى ويغليني

[أنثى متمرده]

ما شاء الله .. رائـعــــــــه .. دمــــــــــوع

دمتي بتفوق وروعة

والى مزيد من التألق

لك مني ارق التحايا

أنثى متمرده

[شيخة الفياحين]

يعطيج العافيه على القصيده
وماقصرتي

تحياتي لـــج :)

[أنثى حالمه]

قصيده روعه

يسلموووو

يعطيك الف عافية على هذا التميز

[ضوه قمره]

كلمات بسيطه في حروفها قوية في معانية
اتمنى لكي التوفيق ..

[دمــــــــــوع]

تسلموووون ياقلبي على مروركم وطلتكم وربي منورين :)

[ابن فيحـان]

صح لسانك

مشكورة اختي على القصيدة الجزله

تحياتي لك