فكره هامه جات على بالي شرايكم

[هاجس الفيحاني]

ياربعي شرايكم لوكل واحد من الشباب يكتب رقم جواله ومكان اقامته في السجل عشان الواحد منا لاسافرللبحرين اوقطراوالدمام اوالرياض يذكران فلان رفيقه ولدعمه موجود ويتصل عليه جوال ويسيرويتقهوى عنده وياخذعلومه ويتم التواصل بين الربع والجماعه وشرايكم ياحبايب

[سلطان الفيحاني]

فكره حلوه يا ابو عبداللة

[هاجس الفيحاني]

والله ماقصرت على الرد ياسلطان الفياحين ونت على اسمك ويسلمو بس اشوف الربع ماحد لاردو ولامرو شو السالفه عسى خير يمكن عشان القهوه والشاي حق الضيافه لاسيرنا هونا ماعاد نبي نسير ياجماعه يافكره وردي براسي واوووووووووووووووووووووووووواوووووووووووووووووووو شدعوه ياحافظ محد يبي يسيرعندنا في الاحساء ونتعرف عليه ولا نمرونشوف الربع في مجالسهم وش صاير في الدنيا

[قايد الريم]

ههههههههههههههههههههههههههههههههه فكرة حلوة

[مشاكس الفيحاني]

هلا اخوي ناصر


فكره حلوه



بس لاتجبر احد الي يبي يشارك والي مايبي كيفه


وتقبل مني كل الشكر

[هاجس الفيحاني]

شكرا للي مرو بس الزعيم ماشوف رايه شو حبيبي مابيصير تقول رايك وخوي مشاكس انا مااجبر احد على فكرتي بس من باب التواصل والالتقاء ويمكن بعضنا يشوف بعض في السوق اوفي الادارات الحكوميه ولايعرف رفيقه هذا في نظرك شي زين يامشاكس

[مشاكس الفيحاني]

مرحبا اخوي ناصر الله يبيض وجهك

تحيااتي

[نجل الغلبا]

موضوعك ممتاز اخوي ناصر والمنتدى هذا احد سبل التواصل ومن فوائده تعرفنا عليك طال عمرك ، ياكثر ابناء عمنا في رنية والاحساء ، كم نتمنا ملاقاتهم و التواصل معهم على الخير والطاعة .

[هاجس الفيحاني]

جعل هاالوجه في الجنه اتمنى اقابل الوجيه الطيبه اللي مثلك وتذكر لك اخو اسمه ناصر وعنواني مايتوه اسئل اي سبيعي في الاحساء ويجيبك محلي او دزلي رساله

[نجل الغلبا]

كفو وسبعة انعام ياولد عمي , الله يجمعنا على الخير .

[المـــــــارد]

لقد سعدت بهذه الفكر يابو عبد الله والله يوفقكم ياشباب مستقبل السبعان والفياحين.
ونصيحه مني لكم ياشباب الله الله بالتواصل مابينكم وبين بعض في مايرضي الله سبحانه وتعالى.
على فكره شيابكم مايتواصلون وانا واحد منهم صيرو اخير منا.

تقبل تحياتي

[مزون]

مشكور يا عم والله يوفقهم ان شاء الله

[al'3ala]

الله يوفقكم يا رب
عاد تعرفوا على بعض وعرفونا على خواتكم .. لاتنسون :)