مشاكس الفيحاني
07-12-2007, 11:35 PM
الله الاحد , ماودع القلب الاحباب
=== يوم الفراق ويوم فك التلاوي
صبحٍ به اسقاني غرامي من الصاب
=== كاسات وادعاني بالافكار داوي
حاير بجنب الباب وأراقب الباب
=== لعلي أبصر من سناهم جداوي
واراجع الونات والنوح بأطناب
=== كالذيب لي من جاع يعوي خلاوي
كم سال من موقي هماليل سكاب
=== دال ومع ميمٍ دعا الجفن داوي
وأقول ماقالوا به الناس الالباب
=== والقول بين الناس غادي وضاوي
مابالمعّـني في غرامه الي غاب
=== دبّـت حياته وانتفع بالمناوي
كم سمت ماحز الحلاقيم وانصاب
=== بالويل قلبي والبلا والدهاوي
كنه علي ماشفت مجروح بالناب
=== دامي وطرّه بالمخالب نداوي
داووه بدواي المداوي ولاطاب
=== جرحه ولايبري الهوى له مداوي
أقول مافي سني اليوم من شاب
=== غير الذي قلبه من الحب حاوي
ماطوّحت ورقا ولانط مرقاب
=== ولافدى بالروح غير المهاوي
راع الهوي ماهو من البين يرتاب
=== يرتاب لي قفّـي الخليل المخاوي
يونس بجاشه ساعرٍ مثل مشهاب
=== لي روحّـت سلفانهم للبداوي
يتلى ظعاينهم كما وصف رقاب
=== منين ماساروا مجدٍ قفاوي
كم جيتهم في ظلمة الليل منساب
=== متعرضٍ للموت ويّـا البلاوي
مشيت حافي بالقوايل تلهاب
=== حر السموم اللي كما النار شاوي
لو شفت جسمي ناحلٍ كان تنهاب
=== روّعـك في شيٍ لحاله لحاوي
القلب مفجوعٍ ومن حسرته ذاب
=== كنه علي جمر الغضا والمكاوي
الا . وبه من بعد الاحباب ضـّراب
=== دلّى يخفق خفوق ريحٍ سمــاوي
يفتخ فتوخ الطير في كف قضـّـاب
=== يومٍ من الجوزا سمومه قصاوي
يابو علي ذا الحب غربال وأنشاب
=== وهذا الهوي ياخوي مرٍ شقاوي
شفت المراقي منه وعرات وصعاب
=== كم واحدٍ خلاه بالفرش ثاوي
حمله ثقيل ويبهض القلب بأتعاب
=== ماأحدٍ علي شيله نشيطٍ وقاوي
بلوى ومن يبلى به يشوف الاكراب
=== لو ساعفه شوقه ومن كان هاوي
أحدٍ الي منه رها له وله طاب
=== ماهو لشوره عادلٍ او مساوي
هني من عن ذا الهوي والولع تاب
=== واكفاه ربه من غرامه دعاوي
والختم رد القيل والقيل له باب
=== ردوه مع بابه وخل الهقاوي
شعر . محمد بن عبدالوهاب الفيحاني
ـــــــــــــــــــــــــــــــــــــ
=== يوم الفراق ويوم فك التلاوي
صبحٍ به اسقاني غرامي من الصاب
=== كاسات وادعاني بالافكار داوي
حاير بجنب الباب وأراقب الباب
=== لعلي أبصر من سناهم جداوي
واراجع الونات والنوح بأطناب
=== كالذيب لي من جاع يعوي خلاوي
كم سال من موقي هماليل سكاب
=== دال ومع ميمٍ دعا الجفن داوي
وأقول ماقالوا به الناس الالباب
=== والقول بين الناس غادي وضاوي
مابالمعّـني في غرامه الي غاب
=== دبّـت حياته وانتفع بالمناوي
كم سمت ماحز الحلاقيم وانصاب
=== بالويل قلبي والبلا والدهاوي
كنه علي ماشفت مجروح بالناب
=== دامي وطرّه بالمخالب نداوي
داووه بدواي المداوي ولاطاب
=== جرحه ولايبري الهوى له مداوي
أقول مافي سني اليوم من شاب
=== غير الذي قلبه من الحب حاوي
ماطوّحت ورقا ولانط مرقاب
=== ولافدى بالروح غير المهاوي
راع الهوي ماهو من البين يرتاب
=== يرتاب لي قفّـي الخليل المخاوي
يونس بجاشه ساعرٍ مثل مشهاب
=== لي روحّـت سلفانهم للبداوي
يتلى ظعاينهم كما وصف رقاب
=== منين ماساروا مجدٍ قفاوي
كم جيتهم في ظلمة الليل منساب
=== متعرضٍ للموت ويّـا البلاوي
مشيت حافي بالقوايل تلهاب
=== حر السموم اللي كما النار شاوي
لو شفت جسمي ناحلٍ كان تنهاب
=== روّعـك في شيٍ لحاله لحاوي
القلب مفجوعٍ ومن حسرته ذاب
=== كنه علي جمر الغضا والمكاوي
الا . وبه من بعد الاحباب ضـّراب
=== دلّى يخفق خفوق ريحٍ سمــاوي
يفتخ فتوخ الطير في كف قضـّـاب
=== يومٍ من الجوزا سمومه قصاوي
يابو علي ذا الحب غربال وأنشاب
=== وهذا الهوي ياخوي مرٍ شقاوي
شفت المراقي منه وعرات وصعاب
=== كم واحدٍ خلاه بالفرش ثاوي
حمله ثقيل ويبهض القلب بأتعاب
=== ماأحدٍ علي شيله نشيطٍ وقاوي
بلوى ومن يبلى به يشوف الاكراب
=== لو ساعفه شوقه ومن كان هاوي
أحدٍ الي منه رها له وله طاب
=== ماهو لشوره عادلٍ او مساوي
هني من عن ذا الهوي والولع تاب
=== واكفاه ربه من غرامه دعاوي
والختم رد القيل والقيل له باب
=== ردوه مع بابه وخل الهقاوي
شعر . محمد بن عبدالوهاب الفيحاني
ـــــــــــــــــــــــــــــــــــــ