ابو سعود الفياحين

[الفياحين]

هذي قصيدة أخرى غير المرثية كتبتها في والدي عبدالعزيز بن سعود بن لحدان رحمة الله عليه .. اتمنى انها تعجبكم

ضاق صدري وسال الحبر سال = يكتب من هموم القلب ويفلها
يكتب ويكتب وعلى الفكر قد طال = وياخذ من أحزاني وبالدلال يزلها
وأشرب فناجيله فنجال فنجال = هذا به الذكرى وذاك يعلها
وكل يوم يصوره قدامي قبال = مره يبي يدي ومره يجرها
وافز من نومي واثر الدمع همال= من فرقى عزيز النفس يهلها
ليت الموت سائل ويسأل سؤال= والله لامد يمناي قبل يمدها
وأقول انا فداك يا شيخ الرجال= شيخ(ن) والكايده له ويعزها
يالله عسى مثواه جنات وظلال = وانهار خمر وكبد الحوت يذوقها

[صقر فيحان]

صح لسانك

والله يرحمه

[الفياحين]

صح بدنك يابو ظاهر

[ميلاد الفيحاني]

الفياحين

صح لسانك .. يعطيك العافية ..

:)

تحياتي .. ميـــلاد ..

[الفياحين]

هلا بك اختي ميلاد .. صح بدنك .. والف شكر لك على المرور

[**فيحان علي آل لحدان**]

صح لسانك يالفياحين
والله أنك نقشت جروح مابرت

[الفياحين]

تسلم على المرور يا فيحان .. وصح الله بدنك وعسى جروحك تبرى

[نجل الغلبا]

شاعر من نسل حر سنافي

مشكور والله يرحم الطيب

[الفياحين]

تسلم يابو محمد على مرورك اللي اعتز به .. والله يرحمه ويرحم اموات المسلمين جميع

[محمد الفيحاني السبيعي]

الصراحة أنا ما طلعت عندي القصيدة

[ابن فيحـان]

صح لسانك والله يرحم عمي عبدالعزيز ويغمد روحه الجنه

تقبل مني اطيب تحيه وتقدير

[الفياحين]

اخوي محمد السبيعي .. شكرا لك على مرورك .. بس القصيده طالعه عندي وعند الاخوان اتوقع المشكله من عندك .. وشكرا لك على مرورك على أية حال

[الفياحين]

ابو ناصر .. صح الله بدنك والله يتقبل دعائك .. ولك مني كل الشكر على المرور

[عنــــاد الفيحــان]

صــح لسانـك ،،،
ياولــد العم ،،،
قصيـده جزله والله يرحم عمي ،،،
( وربي فقيده للفياحين كلهم )

[الفياحين]

صح الله بدنك .. وتسلم يابو فهد على الرد .. وجعلك ما تفقد غالي يا ولد عمي

[بسمة الفيحاني]

ابيات تحمل الكثير من الرثاء والحزن
كلمات تقطع القلب وتجعله يبكي حزنا على ولد عمي عبدالعزيز بن سعود
الله يرحمه
يعطيك الف عافية على الابيات الجميلة
تقبل مروري وتحياتي

[الفياحين]

اختي بسمه الف شكرا لك على مرورك ... ولا تشوفين مكروه .. والله يرحم اموات المسلمين

[السبيعي]

صح لسانك ياخوي الفياحين والوالد بوسعود الله يرحمه غني عن التعريف والفاجعه هي وفاته .والله يغفر له ويسكنه فسيح جناته.

[الفياحين]

السبيعي .. صح الله بدنك والله يتقبل دعائك ... وما تشوفون مكروه يارب

[السبيعي]

اللهم آمين والجميع باذن الله.

[فهد علي آل لحدان]

صح لسانك

[الفياحين]

صح الله بدنك ..

[سلطانه ....]

سحابتن على قبره لك طولت العمر

عساه الجنه البارده يتنعم فيهااا والدي والديك ..

القصيده جزله يعني تستاهلها رمعه :m_thumb: :m_thumb:

جعل النفل والخزامى ينبت على قبرن فيه مدفون ...



الله يعطيك العافيه ...لله درك ..


تحيــــــــــــــــــاتي..

[الفياحين]

اللهم آمين يا رب... تسلمين يا سلطانه وما تشوفين مكروه يارب وصح الله بدنك

[سلطان الفيحاني]

صح لسانك

تجعل ثرى بره شعاع(ن) وتبريد=
وعبيرها في داخل القبر فوحه
وسجله مع الي وحد الدين توحيد=
وندعيك له بالمغفره والسموحه

[الفياحين]

صح الله بدنك يا سلطان .. وصح لسانك والله يتقبل دعائك