عرفت كم واحد منكم ولي الشرف بس اتحدى تعرفوني [الأرشيف]

مشاهدة النسخة كاملة : عرفت كم واحد منكم ولي الشرف بس اتحدى تعرفوني

خوالي الفياحين

11-09-2006, 06:39 PM

السلام عليكم كيف الحال جميعا
بالبدايه احب اشكر الاخ مشاري على الجهد الرائع اللي ماكنت اتوقعه وترى اعرفك يامشاري زين مازين ودرست وياك في الابتدائي ونقلت من المنطقه اللي انت ساكن فيها وبعد سنين طويله درست وياك بالثانوي والحين بعد انا وانت نشتغل في نفس الشركه بس انت في قسم وانا في قسم بس الاداره وحده ابيك تعرفني هاهاهاهاها

عناد انت تعرفني بس ياويلك انت علمت من انا والله عرفتك من الاسم ياحبك له حباه ليش ماتغير اسمك الحقيقي وتخليه عناد

فيحان بن علي ال لحدان شخبارك وشعلومك انشاء الله بخير شدعوه وينك علمي فيك بالبر السنه اللي راحت جيتو تعشيتو عندنا ابوك وعمامك وانت واخوانك وبعد العشاء رحتو تجربعون وصدتو كم جربوع واذا ماني غلطان كان عندكم سوبر اسود

الاخت بسمه عرفتك انا بعد البركه بالوالده كم نكته وسوالف لين سالتها وقالت مااعرف بسمه الا بنت فلان وثبتك مظبوط هاهاهاهاها

ترى اموت بالتسال عن العالم (ملقوف )

وفيه بعد كم واحد اعرفهم بس ابي اشوف ردود اول واعلمكم من عرفت بعد

عموما اموت فيكم ياخوالي بس اليوم سويتو منتدى بكره نبي لكم جمعه حلوه كذا ترفع الراس وتخلي الواحد يستانس الله يرحم جدي ابو امي كان يسولف لي عن الفياحين واجد وكنت انا اغثه بالاسئله
وبعدين شدو على عناد لأن جدته ام ابوه زوجة المرحوم لحدان بن ناصر تحفظ قصائد ل الشاعر ظاهر جدهم وتعرف سوالف عجيبه وهي ماشاء الله قاموس بما تحمله معنى الكلام من قصائد واحداث وامور حدثت للفياحين
في الختام تقبلو لقافتي بصدر رحب وادعو لي ارجع من السفر بالسلامه انا رايح جزيره جدي الله يرحمه حببني بالبحر
والسلام خير ختام :m_bye:

عنــــاد الفيحــان

11-10-2006, 07:20 AM

ملقوف طول عمرك هههههههههههههـ

وشلون داخل انت من المكان اللي انت فيه , ( ووجعه ) بكل مكان وراي

انت . اما عن القصايد ابشر بس ابيك معي لانك تحب تتسال على قولتك :d

تحياتي لك .

بسمة الفيحاني

11-10-2006, 07:55 AM

هلا وغلا بولد اختي

ما دام خوالك فياحين يعني امك فيحانية

اصدق انك ملقوف 100%

اوكى عناد من اهلي وبسأله عنك

تحيتي

بسمة((اسمي المستعار))

مشاري الفيحاني

11-10-2006, 07:58 AM

امممممممممممممممممم

انا شاك في واحد يمكن انت هو او هو انت هع

اول حرف من اسمك احمد والا ألف اممممممممممم !!!!

بسمة الفيحاني

11-10-2006, 08:00 AM

مشاري تذكر واحد درس معك في الابتدائي والثانوي

وامه فيحانية

خاطري اعرف ولد من هو

بسمة

عنــــاد الفيحــان

11-10-2006, 08:02 AM

مشاري جبته يا ولد بعدي ههههههههههـ

مشاري الفيحاني

11-10-2006, 08:04 AM

ايـــه هو مافي غيره ولد ............. اممممممممممم

بس خليني اتاكد بالاول

مشاري الفيحاني

11-10-2006, 08:05 AM

اول حرف من اسم امه هو ثاني حرف من اسمي

صح والا لا

ههههههههههههههههههههههههه

راح فيها انفضح

عنــــاد الفيحــان

11-10-2006, 08:06 AM

هههههههههههـ اسكت خله يا ولد

بسمة الفيحاني

11-10-2006, 09:09 AM

اسم امه اول حرف شين

واول حرف من اسمه الالف

وشو اول حرف من اسم ابوه

ههههههههههههههه

عنــــاد الفيحــان

11-11-2006, 09:36 AM

اسمه ابوه بحرف ع

ههههههههههـ بسمه انتي مو عارفته .

الفياحين

11-11-2006, 12:23 PM

ابو حبيب ههههههههههههههههههه

خوالي الفياحين

11-11-2006, 02:08 PM

طلعتو كلكم ملاقيف بعدين حاولو تثقلون شوي مابي بسمه تعرفني وانت ياعناد ماني جايب وصاتك اللي وصيتني من الديره اللي انا فيها المهم الجمعه تعال جيبني من المطار بعدين كلكم رديتو الا فيحان بن علي راعي الجربعه وينه
يالله اخليكم بروح الجزيره
باي باي

مشاري الفيحاني

11-11-2006, 04:14 PM

جزيرة الكناري والا جزيرة الهوامير هع هع

بسمة الفيحاني

11-11-2006, 05:18 PM

عناد

قول لي انا من اهلك

بسمة

الوسم

11-11-2006, 11:00 PM

السلام عليكم ورحمه الله حبيت اشارك معاكم في الموضوع بنسبه الي كاتب الموضوع انا عرفتك وعرفت عناد بعد خاصه لما قلتو انا جدة عناد زوجة الرحوم لحدان بن ناصروان خوالي الفياحين امه يبتدي اسمها بحرف الشين واعرفك انت يا مشاري واعرف اهلك كويس بس اتحدكم تعرفوني هههههههههههههههههه

ابن فيحـان

11-11-2006, 11:42 PM

صايدهم صيده هههههه

انه شاك بواحد بس مدري والله

تحياتي

مشاري الفيحاني

11-12-2006, 04:24 AM

بسمة الفيحاني

11-12-2006, 09:49 AM

عناد

يمكن ولد عمتك الكبيرة

بسمة الفيحاني

11-12-2006, 09:52 AM

مشاري

الحين انت عرفته من المعلومات الموجودة اسمه والسكن

وايد ذكي يا مشاري

هههههههههههههه

بسمة

الفياحين

11-12-2006, 12:17 PM

انا عن نفسي عرفته زين ما زين ... الله يطول بعمرهم والدينك .. وسلم على الاخوان كلهم.. وحب راس عمتي

بسمة الفيحاني

11-12-2006, 07:18 PM

عناد

قول لي هو ولد عمتك صح

الوسم

11-12-2006, 10:54 PM

السلام عليكم ومن جد مشاري ذكي عرفني بسرعه وبعدين انا بنت مو ولد واعرفكم عز المعرفه ولي ناس قريبين مني كثيررررررررر:

مشاري الفيحاني

11-13-2006, 07:15 AM

السلام عليكم ومن جد مشاري ذكي عرفني بسرعه وبعدين انا بنت مو ولد واعرفكم عز المعرفه ولي ناس قريبين مني كثيررررررررر:

اهااا عرفتك ... انتي اسمك يبدأ بحرف
يشبه الراء بس فوقه نقطه :m_m7tar:

بسمة الفيحاني

11-13-2006, 11:01 AM

حرف الزين

اكيد زمزم

هههههههههههه

والله الاسم مشهور عند الفياحين

هههههههههههههه

مشاري الفيحاني

11-13-2006, 11:57 AM

بسمه لا مو حرف الزين ,, حرف شين هع هع

زمزم مشهور ايه بس حتى لو قصدي هالاسم
انتي فضحتينا ...... هعععع

لا انا قصد اسم ثاني يمكنم زهره او زينب او زبيده او زليخه :m_ydakhen:

خوالي الفياحين

11-13-2006, 12:58 PM

ول عليكم كلكم ملاقيف قومتو الاسئله وكلن يعرف الثاني والله لقافه عموما انا الى الحين ماشفت رد من فيحان بن علي ال لحدان راعي الجربعه وينك ياخي شدعوه تتغلى علينا
وتحياتي لكم من جزيرة الابتسامه

عنــــاد الفيحــان

11-13-2006, 03:01 PM

بسمــه عــدل هــو ولد عمتــي ولكن مو الكببيره

الوسطيه فيهم .

<<< يحس ان خوالي الفياحين بيبط راسه اول ما يرجع

ههههههههههههههههههههههههههههـ

بسمة الفيحاني

11-13-2006, 05:09 PM

هلا بعائلة امي كلهم موجودين في المنتدى

حياكم الله وهلا وغلا فيكم

اختكم الكبيرة

بسمة

مشاري الفيحاني

11-13-2006, 05:17 PM

وانا اصف آخر واحد والا على جنب ...!!!

عنــــاد الفيحــان

11-13-2006, 05:19 PM

هلا بك بسمه وترى فيه ناس زياده

بس ما يكتبون شي هنابس موجودين

ههههههههههههههههههههـ

مشاري الفيحاني

11-13-2006, 05:40 PM

صديق انت مافي كلام مزبوط

ما يكتبون شي هنابس موجودين <<< جبت سواقنا عشان يترجملي هالجمله

عنــــاد الفيحــان

11-13-2006, 07:10 PM

مشاري مو مشكلتي اذا انت ما تستوعب الكلام حبيب قلبي

وجملتي واضحه انهم مشتركين بس ما يكتبون يعني ما يشاركون.

انت في معلوم الحين صديق

نجل الغلبا

11-13-2006, 07:47 PM

انتوا كذا :m_thumb:

اشوفكم صافين قلت اصف معكم .........>>>:m_9afgah: أبو الشباب مضيع عرضة :m_9afgah:

خوالي الفياحين

11-13-2006, 09:16 PM

اقول والله انك مفضوح ياعناد مالت عليك والله انك ستر عنز كبيت العشا على طول الله لايحطني معاك في تحقيق بتعترف حتى لو ماسوينا شي مالت على البمبر والله انك مو شي ول اثريك كذا على طول الوسطيه شدعوه من اول يومين من مشاركتي تخر السالفه شفيك انت والله ماتستاهل اني اجيب لك وصاتك اللي وصيتني بذلك فيها يالهيس اهيب ياوجهك لاكن هين الوعد لا اشتكيتك عند الخال اخليه يلزخك بلوح مو خيزرانه يالخايس والله انك اشغلتني لاني ادري انك تخور بسرعه ولا انا مسافر شيدخلني النت بس لاني ادري انك بتكب العشا
يالله مع السلامه جميع الا بسمه لانها حطتني قبيح مثل اللي بالصوره وانا مالي شغل بالسالفه بس هين اظاهر اخر مشاركه لي هذي

الوسم

11-13-2006, 10:40 PM

السلام عليكم وهلا وغلا فيك يا مشاري وللمعلوميه كلامك مو صحيح واسمي ما فيه الحرف الي تعنيه وتراك بعيد كل البعد عن معرفتي هههههههههههههههههههههههههههه

مشاري الفيحاني

11-13-2006, 10:42 PM

الا عرفتك انتي بالدمام وشابكه عن طريق ارامكو

هههههههههههيو قولي لا اتحداك ...

الوسم

11-13-2006, 10:43 PM

عناد هلا وغلا فيك مرة ثانيه وانا اكتب واشارك معاكم وخاصه على مشاركتك لني اعرفك عز المعرفه لووووووووووووووووول

الوسم

11-13-2006, 10:46 PM

صح كلامك ساكنه الدمام لنه انا حاطه عنواني وصح اني شابكه من ارامكو بس هذا ما يعني انك عرفتني بس انا اعرفكم كويس لوووووووووووووووووووووول

مشاري الفيحاني

11-13-2006, 10:49 PM

زين سلمي على الاهل ....

ومابي اقول انتي مين ... :D

الفياحين

11-13-2006, 11:06 PM

اقول يا جماعه ترا ظعنا .. بتعترفون ولا شلون :(

عنــــاد الفيحــان

11-14-2006, 04:04 AM

خوالي الفياحين استريح بس اللي فضحك مشاري من اول يوم
هههههههههـ

الوسم مو مهم تعرفيني ولا لا حياك الله ونورتي .

بسمة الفيحاني

11-14-2006, 04:10 AM

الوسم

هلا وغلا فيج اختي

اتمنى انت بعد من اهل امي

اذا كنت من اهلي خوالي الفياحين وعناد انتي من اهلي

وياهلا ومرحبا بكل الفياحين في المنتدى

اختكم

بسمة

الوسم

11-14-2006, 10:11 PM

هلا وغلا فيك بسمه واتمني فعلا اكون من اهلك بس ما اعرف احد انا من قطر لكن اسمع فيهم ولما شفت اسمك كنت اعتقد انك وحدة اعرفها شخصيا بس لما شفت مكان الاقامه ضعت بينكم ولا يمكن حاطه مكان الاقامه تمويه وبنسبه لسوئلك عن خوالي الفياحين وعناد ما يقربون لي

بسمة الفيحاني

11-15-2006, 03:17 AM

الوسم

ما دام انت من الفياحين فانتي من اهلي حتي لو ما فيه قرابة بيننا

القبيلة واحدة واعتبريني من اليوم اختج الكبيرة

واى خدمه انا تحت امرج

انا من قطر وفيحانيه من الاب والام

تحيتي لكل الفياحين

اختكم

بسمة

مشاري الفيحاني

11-15-2006, 08:56 AM

الوسم تقول مافي احد يقرب لها هنا ...

مدري مين يقرب لها يمكن هتلر هم فيحاني بس محد يدري عنه :D

ومثل ما قالت اختي بسمة كلنا من لحم ودم <<< شدعوه خرفان

بس بسمة تقرب لجحدر هي من سلالة ابو زيد الهلالي ..

فيصل الفيحاني

11-15-2006, 12:12 PM

تراني عرفته
وكلامك صحيح يا مشاري
من بداية الموضوع وأنا عرفته وبالأصح من أسمه

الوسم

11-15-2006, 10:30 PM

هلاوغلا فيك بسمه ولي الفخر تكونين اختي الكبيرة وانا فعلا ابوي من الفياحين بس امي لا وانشاء الله نتعرف اكثر وتزورينا بعد ومشاري فيه ناس يقربون لي بس مو الي سالت عنهم بسمه وتحياتي للجميع

شيـــــخ الفياحين

11-23-2006, 09:11 AM

السلام عليكم ورحمة الله وبركاته وبــعد ,,,,,,,,,
حبيت اقولك ياغالي انك معروف عندنا وخاصه في نفس المنطقة الى تسكن فيها بس ماتهد سوالفك عناد هو اليجيب راسك يــــــــــا اولحرف من اسمك هو أ وياولد شششششششش
سلامي على خوالك

خوالي الفياحين

11-24-2006, 08:08 PM

شدعوه عاد سلامك بس على خوالي طيب وانا بعدين انت من انت والله شي عموما الله يستر شكلك من المباحث وسيارتك 200l هاهاهاهاها بعدين عناد اللي يجيب راسي شقصدك انا محد يجيب راسي اجي بكيفي يالحبيب عموما ونعم فيك وحياك الله ونشوفك على خير

مشاري الفيحاني

11-24-2006, 08:38 PM

خلاص كل واحد يصلح سيارته ...

بسمة الفيحاني

11-25-2006, 04:40 AM

هلا ومرحبا بك اخوي شيخ الفياحين

نورت المنتدى

حياك الله

شيـــــخ الفياحين

11-25-2006, 04:19 PM

السلام عليكم ورحمة الله وبركاته
ياهلا والله ومرحبا بالمدير مشاري
وبسمه فواحة المنتدى
و با بولد عمتنا بس ما عندي 200 L طوروهم الحين مكسيمات ودرجات

بسمة الفيحاني

11-25-2006, 06:08 PM

شيخ الفياحين

اذا كان خوالي الفياحين ولد عمتك

انت من اهلي

اكيد لحدان جدك

وهلا وغلا بك ياولد العم

بسمة

صقر فيحان

12-18-2006, 06:00 PM

انا اعرفك واعرفك صح

واسمك احمد

وعندك مكسيما

وكان عندكم وانيت فورد ازرق وبعتوه وخذيتو جمس

وانت ترتيبك بين اخونك الرابع فوقك 3 بنات و ولد وتحت ولدين

اتحدك تعرفني

وعناد انت كان عندك كامري

واخوك الحين عنده انفنيتي

اتحداكم تعرفوني

مشاري الفيحاني

12-18-2006, 06:25 PM

صقر فيحان

12-18-2006, 09:05 PM

وعناد بعد اسمه احمد

مشاري الفيحاني

12-19-2006, 05:18 AM

وانت اسمك احمد :m_m7tar:

صقر فيحان

12-19-2006, 06:57 PM

لا انا مو احمد

واتحدى اي احد يعرفني

فخر&الاجيال

12-20-2006, 09:51 PM

بالنسبه الى رد الاخ خوالي الفياحين
ونعم بخوالك بس على فكرة جدك الله يرحمه كان اسمه ابو الطيب
انا كنت مع الجماعه يوم العزى وصلت ثاني يوم وبالنسبه لكلامك عن الجد الشاعر رحمه الله ظاهر توفى وخلف وراه شاعر واظن اسمه ظاهر ونعم الرجل وهذا الشبل من ذاك الاسد ................

صقر فيحان

12-21-2006, 04:19 PM

تقصد ظاهر من

ظاهر بن لحدان بن ناصر

ولد المتوفي لحدان بن ناصر

اللي بدارين

بنت أمها

01-21-2007, 10:08 PM

http://www.9q9q.org/index.php?image=ETZOOkEfAIJi (http://www.9q9q.org/index.php?image=jjEeEaIJi)

أنـــــا ..

مررررريت من هنا !!

حبيت

اسلم

على

الخـــوالد ,,

بس !!

http://www.9q9q.org/index.php?image=UekjjEsSoPrp (http://www.9q9q.org/index.php?image=AA2eEa362)

خوالي الفياحين

02-25-2007, 09:17 AM

وعليكم السلام ورحمة الله وبركاته
شدعوه بس الخوالد
عموما الشاعر يقول :
الولد طيبه من خواله
فان تردى فاعلم انهم خايبيني

حفيدة الفيحاني

02-25-2007, 05:14 PM

بصراحه خوووش موضوع .. اخبر اللقافه من طبع الحريم طلع العكس هههههههههه

يالله الي يعرف اسماء الاعضاء له مليون ريال هندي :h_daleel:

عنــــاد الفيحــان

03-20-2007, 11:09 AM

₪ الواحد حتى وهو غايب ما يسلم من الحش مصيبه ₪
:)

**فيحان علي آل لحدان**

04-19-2007, 12:37 AM

عرفتك وكرما لشواربك أحط هالرد وأقول:
يامرحبا ياللي خياله على البال----------الصاحب اللي منه روحي عليله
أبو حبيب كيف حالك عسا حالك تمام

..¦[ شموـوخ آلفياحين ]¦..

04-28-2007, 08:09 AM

خ خ خ مريت من هنا عجبني الموضوع والردود خفيفين دم عيال عمي :P

خوالي الفياحين

04-28-2007, 10:04 AM

الله يبيض وجهك ابو علي بس والله مابقى منكم كلكم الا تقولون كل اسمي مشاري قال اول حرف من اسم الوالده وعناد قال اني ولد عمته وانت قلت ابو حبيب وفيه وحده قالت انها مرت من هينا وحبت تسلم عالخوالد بس
والله انكم مثل مشاخيل الطبخ حقت العروس ماجا فيه طاح

..¦[ شموـوخ آلفياحين ]¦..

04-28-2007, 07:53 PM

أمممم بديت أشكـ .. بس اللي أعرف أن خواله فياحين فـ الخبر وأسم أمه بـ حرف الـ ( ش ) وجدته بـ حرف الـ ( س ) ..

:p

**فيحان علي آل لحدان**

05-04-2007, 11:23 AM

الله يعافيك ياولد عمتي

ALjoori

05-29-2007, 08:38 PM

خوالي الفياحين، ممكن أسأل سؤال؟؟

هو فهد بن جاسم وش يقرب لك؟؟؟؟

السبيعي

05-31-2007, 05:21 PM

ياخوي (خوالي الفياحين)شخبارك عساك طيب أسمحلي بطلب:تراني أعرف من أنت بس أبغاك تعرف من أنا ؟وشكرا.

بنت الاصايل

06-06-2007, 11:12 AM

:h_kaak: ههههههههههههههه:h_kaak:

عجبني موضوعكم

عنــــاد الفيحــان

06-07-2007, 03:36 AM

انتم لما الحين بالموضوع هذا
ههههههههههههـ
يعينكم الله

مشاكس الفيحاني

06-14-2007, 08:25 PM

ايه والله اني عرفتك يا حمود خخخخخخخخخ

pdxsa

06-19-2007, 01:07 AM

[QUOTE=فيحانيه وبس;51631]خوالي الفياحين، ممكن أسأل سؤال؟؟

هو فهد بن جاسم وش يقرب لك؟؟؟؟[/QUOT

السلام عليكم ورحمه الله كيفكم فيجانيه وبس انتي تسألين عن فهد بن جاسم وش يصيرله لا تخافين مو اهو اللي في بالج و فهد ما يصيرله لان هذا خالدي واللي انتي تفكرينه مو خالدي صح واذا يصيرله اكيد من جهة خوال فهد
اسفين على الازعاج

حبيبي (خوالي الفياحين ) ممكن ترسلي رساله وتعطيني رقم اخوك الي في امريكى اذا مافيها احراج تسلم

عنــــاد الفيحــان

06-20-2007, 12:35 PM

صادوك يا الفحل
هههههههههههههههههـ

أحلى سبيعيه

06-22-2007, 12:42 AM

مرحـــــــــــــــــــــــــــبا..
1- الوسم عرفتك من اسلوبك يا بعدي واذا انا مو غلطانه انك تقربين لي كثيييييييييير لا وخصوصاً يوم قالوا انك تشبكين من خط ارامكو ههههههه بس اذا انت الصدقيه ما ادري ليش بالصدق ما ترضين تعلمين اسمك بس بسال لين اعرف ,, ولان بعد ابوك فيحاني وامك موفيحانيه بس لو تقولين ان احلى بنت بالكون هي بنت اختك << لوووول تمدح في نفسها..

2-بسمه كيف انت بقطر ويقرب لك عناد لان عناد اهله الي بقطر يقربون له من بعيد وانا اعرفهم شخصياً وانا متاكده انو ولا احد منهم مسجل في المنتدى بهذا الاسم << سوري عالتدخل الفجائي..

3- 60 مره اقول لا تجيبون طاري حريم (جدة بكذ موضوع جبتوا اسمها) ترا والله اعلمها وتفعس الدنيا عليكم لووووووول ..

الفياحين

06-22-2007, 03:40 AM

لووووووووووووو انتم للحين عافسين الدنيا تتصيدون لبعض لووووووول الله يستر عليكم بس

**فيحان علي آل لحدان**

06-26-2007, 10:52 PM

عنااااااااااااااااااااااااااد
هوااااااااااااااااااااااااا
الفحل أسم قديييم
والله أنك ظحكتني يوم قلته

فيحان الفيحاني

08-14-2007, 04:13 AM

خلاص انكشفت يا محمد قفلو الموضوع ههههههههههه

عنــــاد الفيحــان

12-11-2007, 02:25 PM

هههههه يقول محمد
والله جد جننكم