مهر البنت عالـــــــــــــــــــــي

[الفيحاني]

سلام عليكم

شحالكم ؟؟

بغيت اشوف رايكم في موضوعي الي باطرحه الحين ووانشالله يعجبكم


ليش الشباب هالايام مايتزوجون , او لما اتجيب فكرة الزواج يقولك انا باتزوجلي من برع احسلي ,,

انا عن رائيي (الواقع, الكلام مب من عندي)

انا سالت مره واحد , كنت جالس معاه في الشيشه , قتله ليش ماتتزوج ؟

قالي والله تبي الصراحه مابي ,
سالته عن السبب ,
قالي : اول شي المره بتطلب مهر عالي يعني بحدود 100الف وفوق , ثاني شي بتطلب اشياء كثيره يمكن الرجال مايقدر ينفذ كلها , ثاني شي ماتعرف تطبخ , وكل اليوم تبي طلعه يعني نادر ماتقعد في البيت , واخر شي البنت اتصير عانس وتتمنى انها تتزوج من قبل .

فانا سكت , ماقلت شي لان انا شفت بعديني هالشي .

والحين جا دور كم في رايكم

وانشالله يعجبكم موضوعي وولاحد يزعل مني

[عنــــاد الفيحــان]

مشكور يا ولد العم على الموضوع القمه هذا

اما رايي انا اشوف ان المهر سبب من الاسباب وبقول لك بعض
الاسباب اللي تجي قبل سالفه المهر

1_ شلون تبي الرجال يتزوج وهو راتبه ضعيف .
2_ طبعا السكن بيكون بشقه منفصله وطبعا هذا احد حقوق الزوجه
واريح لك ولها .
3_ المهر طبعا ولا تصدق اللي يقول تعال خذها بعبايتها خخخخخخخ .
4_ متطلبات الحياه ( الزمن هذا متطلباتك انت وهي غير الاولين يعني
انت تبي تكشخ وهي بنت الناس مثلك طبعا ) .


وانا اشوف ان الزواج للرجال بسن 30 سنه مناسب جدا جدا طبعا
اذا توفرت مقومات الزواج .

ملاحظه : طبعا اللي ينوي الزواج الله ييسرها له ويفتح
له ابواب من الرزق .

تحياتي للجميع

[الفياحين]

والله موضوع ممتاز واحب اني ابدي رائي معاكم بالموضوع ... قول الرسول عليه الصلاةوالسلام :(يا معشر الشباب .. من استطاع منكم البائة فليتزوج .. فانه احصن للفرج واغض للبصر) .. المهر احد حقوق الزوجه ولا يصح الزواج بدون مهر .. لكن الكلام كم المهر .. يا شباب انا من رائي الشخصي اشوف لو ان الرجال اخلاقه ممتازه وسمعته زينه وراح يبي يتزوج وعرض عليهم مهر 20 الف والله ما اتوقع انهم يردونه ... يا اخي انت اسعى وربي يسعى معاك لا تصعب الامور على نفسك ... بعدين لا تروح تخطب بنت من طبقة اجتماعيه اعلى منك .. تعرف ليه؟ لانك بتتعب معها ما تقدر على مصاريفها على لبسها على طلعاتها على عشياتها على سفارتها الخ الخ الخ ... ناظر في خطك لا تناظر فوقك ابد ... وعلى مسألة الراتب .. اذا كل واحد علشان يتزوج يبي ينتظر راتبه يوصل 15000 ولا 20000 والله محد بيتزوج .. انا ما اقولكم ان الراتب ما يلعب دور ... بالعكس الراتب شي مهم جدا لكن مهب ممكن انه يمنعك من الزواج الا اذاكان راتبك 2000 او دون . وانا اختلف والله معكيابو فهد في مسألة العمر .. 30 واجد والله وانا اقول كل ما يبكر الولد يكون احسن ... وادعي ربي انه يوفقكم كلكم ويرزقكم ببنت الحلال وانتم يا بنات الله يرزقك بولد الحلال اللي يستر عليكم والسلام عليكم

[الفيحاني]

مشكورين اخوني على الرد


كلامكم على عيني وراسي بانسبه على اني بدفع مهر

250 الف عادي بدفع لكن اني ماتكلف في عرس الحريم انا
بس على عرس الرجاجيل يعني احسبوها معاي

الرجال بياخذ قرض من البنك 450 الف

قول المهر 100 الف

وهديه العروس 10000


مكان العرس قول 2500

العشا والذبايح 10000

الفندق ؟؟؟

السفر شهر العسل يبيلك مزانيه

البيت


واسمحولي على الاطاله

[ALjoori]

تر كل الكلام اللي قلتوه صح

بس بعد في بنات مايطلبون كل هالمبالغ والأشياء >> تلاقي ان امهاتهم هم اللي يطالبون الرجال بالمهر العالي والتكاليف اللي مالها اي داعي

انا بالنسبه لي ابي واحد اخلاقه عاليه مايهمني كم عنده من فلوس أو الأشياء الماديه اللي يهتمون لها بعض البنات..

اهم شي شخصية الرجل.. هذا رايي

[al'3ala]

أوافقج الراي يا فيحانيه وبس
مثل ماقلتي "اهم شي شخصية الرجل":)

[هاجس الفيحاني]

ناقش الموضوع بصراحه وتلقى حل الحقيقه مره في المجتمع الشروط والمطاليب تقف سد في وجه الشاب فالاتلومونه الرسول الكريم قال ابركهن ايسرهن مهرا كماقال0 هل موجد في هذا الوقت من يطبق هذا الحديث قليل جدا الموضوع يحتاج وقفه صادقه سواء من الدوله او المشايخ اوالاسر والتنبيه في التلفزيون وعقد المحاضرات من كبارالمشايخ