مجلس الفياحين

[الفيحاني]

السلام عليكم ورحمه الله وبركاته

اشحالكم شباب


حبيت اني اسوي هاي الموضوع ابحيث انه يتجمع كل اعضاء

منتدى الفياحين


ودردشون

يعني سوالف

[بسمة الفيحاني]

ان شاء الله مجلس عامر بوجودكم

شلونكم يا اعيال عمي

شخبار دارين

الفياحين اللى في قطر كلهم بالف خير

مع السلامه

[الفيحاني]

ابخير اسرج الحال

وكلنا ابخير واعيال دارين ابخير

[مشاري الفيحاني]

ما تبون اخبار فياحين رحيمه :D

[ابن فيحـان]

السلام عليكم

شحالك عساكم بخير

جنه فيحاني البحرين محد سأل عنهم

[شـمـوـوـوخ سـبيـع]

السلامـ عليكمـ ورحمة اللهـ وبركاتهـ...

شحالكمـ اشيوخـ كلاً باسمهـ...

وصحـ كلامـ اخوي ولد الفياحين ليش ما تسالونـ عناا فياحينـ البحرينـ...

المهمـ انشالله كل الفياحين بخيررر بقطرر والسعوديهـ والبحرينـ...

وعسى الله يجمعنااا

[الفيحاني]

كل جماعه الفياحين في رحيمه ودارين والدمام

ابخير ويسلمون عليكم

انا بكره امسافر السعوديه عند اعيال عمت ابوي في رحيمه

تأمرون شي من قطر

[بسمة الفيحاني]

السؤال عن كل الفيحاني مهم كان مكانهم

البحرين 00قطر00السعودية كلهم اعيال عم الله يطول في اعمارهم

مع السلام

[فيحاني كووول]

زين عاد سألاتو عن فياحين قطر والسعوديه والبحرين بس نسيتو
:(الفيحاني الي قاعد يطحس بمصر ومحد سال عنه مسكين:(
بس بطمنكم انابخير وبصحه وعافيه النيل لاعب لعب
والدراسه على مايرام
المهم سلمولي على جماعتكم كلهم وكلن باسمه
وسلمو على قلبي (رحيمه) واهلها
ولايهونون الباقين....بس رحيمه غير:)

[مشاري الفيحاني]

يا كووووووووووول ( تذكرني باسم واحد عزيز علي ) هههههه

انا جيتك مصر مرتين بس ماكنت فاضيلي مع اني متعني لك

مو مشكله ما نقدر نقول شي ....

ورحيمه كلها مشتاقه لك والزوايه الي ترززت فيها :D

الفيحاني حياك الله عند اعيال عمت ابوك ...

[محمد الفيحاني السبيعي]

مرحبا بالفياحين على الخصوص وبقية الأعضاء على العموم
أنتم تذكرتم إللي في البحرين وإللي في السعودية وإللي في قطر والفيحاني إللي في مصر لاتنسوني تراني في الإمارات

[مشاري الفيحاني]

http://www.mshmsh.com/ta7meel/up/1143665426.gif
http://www.mshmsh.net/ta7meel/up/1106503778.gifhttp://www.mshmsh.net/ta7meel/up/1106503778.gif
http://www.mshmsh.net/ta7meel/up/1107281676.jpg
http://www.mshmsh.net/ta7meel/up/1106503934.gifhttp://www.mshmsh.net/ta7meel/up/1106503934.gif
http://www.q8ytop.com/pic/files/q8yatop-1086443509.gif
http://www.mshmsh.net/ta7meel/up/1106503855.gifhttp://www.mshmsh.net/ta7meel/up/1106503855.gif


أهْلاً هَلاً خَـطّ الْمَحَابيب =اللَّيْ لفَانـي بالتّحِيـات

بَاعـدَاد مَاهبَّتْ هِبَاهيب =والْعَنْ حِمامْ الأيكْ بَصْوات

بَرَّدْ عنْ افْـوَادِي لواهِيب =وتْبشبِشْ الْخاطِرْ ابْرَاحات

مَخْصُوصْ من يتني مِكَاتِيب =فِيْها التحـيَّة والسـلامَات

منْ صَاحبٍ نَسْل الرّعَابيب =حَـرْفه خمسْتَعْشرْ عَلامات

بَرْسِلْ سَلاَمْ امْعطرْ ابْطيب =عَرْفٍ شِـذيًّ فيهْ نَفْحات

بَاقُومْ في كِـلّ الْمواجيب =لَجْل الْغضيْ سِيدْ الْخِوَنْدَات

لَيْ نَاشِـبٍ حبَّـهْ تنَشّيِب =وسِطْ الْحشَاحَيسهْ ابْلَيَّـات

تَـوهْ نَشِوْ ومْزرجْ ابْحَيب =زَاخِرْ مِنْ اثْمـارْ الْحَلاَوَات

مَا خِـذْ وِمحْضَّرْ ابْهَـيب =وآهِيسْ واحْصِدْمِ الزَّرَاعَات

بَسْجِية زَرْعي يَالأِصَاحِيب =بَانْهَارْ تجْري وِسطْ بَيْبَـات

مَا يِخْسَرْ الزَّارِعْ وَلاَ يْخيب =لَيْ تِعبْ بيْنَالْ الـرَّبَاحات

وَدُّوا سَلاَمي يَا مَنَـادِيب =قولوا لِهْ الشَّاعِرْ ابْحسْرات

مَحْزُونْ ويْجاسـي تِعَذّيب =مَا يِهْتِنـيْ بالنُّومْ وِيْبَـات

ويْرَاعي ايْنُـومْ الْمَرَاجِيب =يَلْعِي الْوَطِرْ ليْ دَبَّرْ أوْ فَات

وَقتٍ مِضى بالأِنِسْ والطَّيِب =مَا ظَنّ يَرْجَعْ ذَاكْ هَيْهَـات

صَلُّوا عـِدَدْ شَرْتَا الْهبَاهِيب =اللَّـيْ لِفَانَـا بِالتَّحِيَّـــــــــــــات

http://www.mshmsh.net/ta7meel/up/1106503934.gifhttp://www.mshmsh.net/ta7meel/up/1106503934.gif
http://www.3eon.com/picvb/w13.gif

[ابن فيحـان]

ما ننساكم ابد يا الفياحين

كل الفيحاني الي العالم نتريه اخباره وعلومه

تحياتي للجميع

[s0s0a]

هلا اخباركم

تمام


يالله باي

[s0s0a]

تصبحون على خير باي

[بسمة الفيحاني]

أسعد الله صباحكم بالف خير

اتمنى يوم سعيد لكل الفياحين

[محمد بن سلطان السبيعي]

صبّحكم الله بالخير يا عيال العم ..

عسى الله يحفظكم ويطول اعماركم يا بني عمي ..

اخوكم
محمد بن سلطان

[ابن فيحـان]

يا هلا يا بن سلطان

صبحكم الله بخير

شخباركم يا جماعة

[بسمة الفيحاني]

أسعد الله صباحكم بالف خير

[السبيعي 911]

مساكم الله بالخير يابني عمي

اخووكم/السبيعي 911

[ابن فيحـان]

السلام عليكم

شحالك يا الربع عسالكم بخير

يله انه بترخص يا الربع

فمان الله وحفظه

[مشاري الفيحاني]

الله معك

[بسمة الفيحاني]

شخبارك ولد عمي مشاري

للحين انت مثل الخفاش ما تطلع الا بالليل

[مشاري الفيحاني]

هههههههههههه هلا والله ..

انا الحمدلله تمام كيفك انتي ...

لا انا على حسب العمل اذا قدر ادخل دخلت ..

ولما ارجع البيت ادخل على طووول :)

[بسمة الفيحاني]

الله يعطيك الف عافية و يوفقك يا ولد عمي

ويحفظك من كل شر يارب

[مشاري الفيحاني]

الله يعافيك ويحفظك يارب ... :)

[MISS COOL]

عاد انا مب من الفيحاني عادي انظم وياكم وله لا

[شـمـوـوـوخ سـبيـع]

حيااج اكيد عادي

[مشاري الفيحاني]

لا توماتيك <<< بايخه

[MISS COOL]

يسلمووو بنت

[شـمـوـوـوخ سـبيـع]

يسلمج ربي

[الفيحاني]

السلام عليكم

اشحالكم يا اعيال عمي

ياربكم ابخير

[شـمـوـوـوخ سـبيـع]

وعليكمـ السلامـ

بخير دامكـ بخيرر

[مشاري الفيحاني]

هاااااي :)

[بسمة الفيحاني]

أسعد الله مسائكم بالخير

[شـمـوـوـوخ سـبيـع]

السلامـ عليكمـ ورحمة الله وبركاتهـ ...

شحالكمـ ... ؟؟

[الفيحاني]

ابخير والحمد لله



الاسهم نازله اليوم انا زعلان

[بسمة الفيحاني]

بالعكس الاسهم اليوم مرتفعه شوي

احسن من امس

[الفيحاني]

لا والله مب افرحتني

والله نازله

[ابن فيحـان]

الله بخير

شحالكم يا اعيال العم عسالكم بخير

[الفيحاني]

ابخير اسرك الحال

[الفيحاني]

ابخير اسرك الحال

[بسمة الفيحاني]

شلونكم

كيفكم

مع السلامه

[الفيحاني]

ليش مع السلامه

يـــــ بسمه الفيحاني

افاااا


متبين الدردشين مع اعيال عمج

وبنات عمج

[نجل الغلبا]

كيف حالك ابو لحدان عساك طيب وكيف حال الشايب

[الفيحاني]

ابخير والحمد لله انت اشحال شيبانك

بشرنا عنهم




والله انا مبتلش بطير الي عندي لازم ادربه كل يوم واعلمه

طير وحش

الطير حر

والله امبهدلني

هديته على حمامه زاجل جابه

لكن ما صاد شي من الحباري والكراوين

ببيعه 6000 ريال

[نجل الغلبا]

بخير الله يجمل حالك .. نصيحة لا تبيع الطير خله للبر السنة الجاية .

[الفيحاني]

بس وين اقيضه

ما عندي مكان احط فيه الطير

احين انا احط طيري في الاستور فاضي مافي شي

بس في مكيف

وليتات

فاحطه اهناك

[ابن فيحـان]

انتبهووووو النفلونزا الطيووووور

امزح معكم خله لا تبيعه يا بو لحدان


المهم حبيت اسلم عليكم قبل ما اطلع

وخبركم انه اليوم عندنا عاصفه بالبحرين لاحد يقرب

ووووووووف ووووووووووووووف

[بسمة الفيحاني]

شخباركم شلونكم

وينكم محد في المجلس

[بنت الفياحين]

السلام عليكم

شلونكم وشخباركم ان شاء الله بخير

[ابن فيحـان]

السلام عليكم

شحالك يا الربع عساكم بخير بشرونا عن اعلومكم

[ابن فيحـان]

بس حبيت وصيكم اوصاه قبل لاطلع

الله الله بقسم قبيلة سبيع ماوصيكم فيه

ترانا مقصرين في المشاركة فيه

يله فمااااااااان الله يا عيال العم

[بنت سبيع]

سلام عليكم ورحمة الله

كييييييييف الحال ان شااااااء الله كلكم بخير


انا اليوم ماعندي سالفه بس المكيف الي راكب عندي في الشارع راح فيها وسلم على الشباب والبنات والأطفال ولهذه الوصفه سحر الغرام اغنيه الفنان الي سبق لبق والموضوع والتاريخ الهجري والميلادي راح ينكتب في اخر المشوار طويل وراكب ورااا ولما وصلنا قال الكبتن اول من يسجل الهدف ياخذ في با له انه اول واحد ينزل من حبيبي انا والسالف........ه طويله وقابلوني لو فهمتو شئ.......


سلالالالالام


بااااااااي



نموووووله

[الفيحاني]

اليوم انا بسوي عشاء حق العضو فهد بن جاسم

لانه جديد في المنتدى


اقهوااا
يا اصبي


اقلطواا

[فهد بن جاسم]

ماتقصر يال الفيحاني بس انا مابي عشاء ابي اذا في الديكان اقول لك عطني عشر لا تقول لي ابيها حق بترول نفس اليوم :m_kekh:

[ابن فيحـان]

هههههههههههههههههههههه

الله يقطع سولفكم هذا انتو من يوم تركتم في الدوحه وهذا انتم مناقد بينكم

[الفيحاني]

فهد


انت عندك ملايين

وانا جايك ظيف المفروض انقول خله عنك

وعيب تفضح ولد عمك

[فهد بن جاسم]

ههههههههههههههههههههههههه

[السلسال]

هلا وغلا بالجميع


على ما اعتقد الاخت الي كتبت المشاركه


قالت لكل الاعضاء


واخونا الفياحين مسوين عنصريه قبليه


بس زي ما يقول المثل

خالف تعرف


انا بسوي عنصريه أقليميه سعوديه


ههههههههه

صباح الخير للجميع

من من مدينة الغربان (( رحيمه ))


الي محبوبتي مدينة فرنكفورت وميونخ وبرلين



وان شاء الله اذا وافقت الاداره

بسوي لكم غرفه دردشه بسيطه

www.f1f1.net/chat


هديه مني لكل الاعضاء


وبالذات المحرومين((موظفين ارامكو ))

ولا يهون مشاري

غرفه دردشه بلغة php

وممكن الدخول لها من ارامكو

والدردشه مباشره


بس بغينا خدمه من اي عضو

بالبحرين او قطر او الامارات


متى اقرب سباق لخيل انتاج او مستورد


طبعاً اقصد سباق خيل عليه جائزه تسوى اني اشارك


وش هي شروط اشتراك ملاك الخيل للسعوديين


ولا كلفنا على المهتمين لو يروح لنادي الفروسيه

يسئل ويعطيني الخبر الاكيد


لآن بالسعوديه خلاص طرودوني


الي يفوز بجائزة السياره مره وحده


ما عاد يحق له يشارك على سباق سياره مره ثانيه


وابشركم فزت بالسياره


ونبي نواصل حصاد البطولات باي دوله قريبه


ولا حبذا الكويت والبحرين وقطر والامارات


نجرب الحظ هناك

وسلامتكم

[محمد الفيحاني السبيعي]

أخوي السلسال كأن من شهر أو أكثر كان في مسابقة عندنا في الإمارات أظن كانت في جمال الخيل العربية.

لكن أبشر إن كان في مسابقة باخبرك عنها.

[الفيحاني]

في مسابقه في قطر بتبتدي الاسبوع الجاي

خيول قوه التحمل

[الجــوهــرة]

السلام عليكم يالفياحين

أنا ضيفة في مجلسكم اليوم بشوف كرمكم :)

[الفيحاني]

حياج الله في مجلس الفياحين


اشحالج يــــ الجوهره

انشاءالله ابخير

[الجــوهــرة]

يسلمك ربي وين الذبايح

جوعانه

[السلسال]

هلا وغلا بالجميع


والله يزوجك يا محمد بنت تاجره:h_m7tarah:



والله يزوجك يالفيحاني بنت مطوعه :h_lala:


انا سؤالي عن سباق خيول الانتاج


سباقات السرعه للخيل الانجليزيه


السباقات العاديه بشكل اسبوعي او شهري


بالنسبه للخيل العربيه سواء جمال او تحمل


للي يهتمون بالخيل العربيه

انا اهتمامي بخيل السرعه


اذا فيه سباق باي مضمار او نادي

وش شروطه بالنسبه للاشتراك للسعوديين


والسنه الجايه ان شاء الله بشارك بالخيل العربيه


وسلامتكم


وهلا وغلا فيك يالجوهره


والمجلس مجلسك

كرم راع المجلس من كرم اهله


ولا يحتاج تشوفين ولا يحزنون


يالله للمطبخ ساعدي البنات هناك


بسمه وبنت الفيحاني وسوسو ومس كول ونمله


والله الله بشاهي النعناع المحبوك


للشباب الي مثلي

والقهوه الي كلها عويدي وزعفران للشيبان


محمد الفيحاني ومشاري والي في سنهم



وحياك الله في مجلسك


وجزاه الله خير

من زار وخفف

[الجــوهــرة]

لوأدري كنت خففت عليكم وجيتكم صايمه ما دريت ان فيها دخول المطبخ ** وما في نعناع خلي واحد يروح يجيب وإلا انت يالله قم :h_em3a9bah:

[ابن فيحـان]

الله بخير

شحالك يا الربع,, اخبار اعلوم

المهم راسي مصدع يله بسرع ابي كرك مزبوووووووووط

[السلسال]

هلا وغلا بالجوهره


بنات اخر زمن


عشان ما تقطعين البصل بتجين صايمه


بس راحت عليك


وبعدين


في المطبخ مجلس ابو حمدان للحريم

سوالف وفصفص وجميع انواع الحش والراوئح الزكيه


من بصل وثوم واطياب الهنديات والسيرلنكيات


ولا يهمك


الحين ارسل ولد الفياحين يجيب نعناع


تامرين بشي غير النعناع

[الفيحاني]

اشحالكم يا اعيال عمي

اخبار الشيبان

[مزيون الفياحين]

قرقر واجد والله :m_ydakhen:

[الفيحاني]

اشفيك انقلبت هندي

ههههههههههههههههههه

[بسمة الفيحاني]

شخباركم يا عيال عمي

[مزيون الفياحين]

بخير شخبارج انتي عساج بخير.............

[الفيحاني]

ابخير اسرج الحال

انتي
اشحالج

[بسمة الفيحاني]

انا الحمدلله بالف خير

شخباركم مع الدراسة والامتحانات على الابواب

[الجــوهــرة]

ايييييييييييييه :h_afaker: مصممين يعني اني ادخل المطبخ

طيب خلي مشمش:m_m7tar: يروح البقالة

ويجيب الطلبات اللي بسجلها ، ما أحب أدخل المطبخ وفي شي ناقص

وهي كما يلي :h_daleel:

بصل

طامطم

بطاطس

كزبرة

ثوم

سكر


رز أبو كاس
حليب

وزبادي

وجبن عشان المعجنات

مالحة وكريم

مشروبات غازيه عشان نهضم بعد الاكل :h_kaak:

لا تجيب منتج دنماركي ترا بخليك ترجع مرة ثانية :h_kashkhah:

رز سنووايت عشان السليق

ولعبة للولد لاتنسى :m_vooh:

وبطاقة شحن عشان لو نسيت شي ادق عليك ارسلها لي برساله :g_aloof:

ويمر على الارياف يجيب حلا :h_hadeyah:

ولا ينسى يمر على الجزار ويفرم لحم طازج من عنده

ويمر على المغسلة يجيب عباتي

ويجيب معاه جميع انواع الفواكه عشان الضيوف الباقيين اللي جوا معي

مشمش وش فيك متضايق :m_em3a9eb:

اركد شوي اخلص الطلبات

وش باقي:h_afaker: يا ربي نسيت:h_afaker: مشمش:m_em3a9eb: نساني من العصبيه اللي فيه

ولو بغيت شي بدق عليك او برسلك رساله :g_aloof:

يالله توكل لا تنسى دعاء الخروج :h_kashkhah:

[الجــوهــرة]

السلسال هذي طلباتي وبس

واللي عنده طلبات يسجلها بسرعة مشمش بيجيبها على حسابه من المليون اللي كسبها:m_9afgah:

كل بنت تسجل طلبها يالله الحقوا قبل ما مشمش يغير رايه:h_daleel:


:h_hadeyah: :m_vooh:

حتى اللاطفال البزارين يالله عجلوا

:m_vooh: :h_hadeyah:



مشمش مولع ناااااااااااااااار:m_em3a9eb:


ما عليه بكره نكسب المليون ونعوضك :h_kaak:

[الجــوهــرة]

طامطم هههههههههههههههههههههه

مشمش راح والورقه معاه كتوب فيها طامطم هههههههههههه

أكيد بيرجع ويقول ما في شي في السوق اسمه طامطم هههههههههههه

يا ابني افهمها

طمااااااااااااااااااااااااااااطم

طااااااااااااااااااااااااااامطم

مطااااااااااااااااااااااامط

كله سوا

يا ويلك تجي وما جبت شي أحمر ومكور معاك

[الفيحاني]

اوكيه انا بتبرع


بـــــ 5000 ريال قطري


وانتوا تجيبون الاقراض




وبعد بتبرع حق اقراض الجمعيه 2000 ريال قطري



وبعد بتبرع حق الخضار 1500 ريال قطري

والمغسله 100 ريال قطري

والحلويات 3500 ريال قطري

والعاب الاطفال 500 ريال قطري

بطاقه شحن بــــ 300 ريال قطري



خلاص بأ علن افلاسي


ماعندي شي

[محمد الفيحاني السبيعي]

مساكم الله بالخير

ولد الفياحين جعل راس عدوك ولا راسك وإن بغيت كرك مظبوط تعال أنا باوديك الشارجة لكرك الثميد أو كرك السادة في عجمان ودبي ما قط سمعنا إن فيها كرك مظبوط.


المهم أنت تعال وما لك إلا طيبة الخاطر.

[ابن فيحـان]

تسلم يا العضيد وماتقصر

وان شاء اذا الله قدرنه نروح لهم

[الفيحاني]

السلام عليكم

احالكم يا اعيال عمي


اشحالك محمد الفيحاني
بشرنا عنك

انشاءالله طيب

واشحال الشبان


واشحالك ياولد الفياحين

بشرنا عنك

واشحال الشيبان

[ابن فيحـان]

ابشكر يا بن لحدان الجماعه كلمه بخير ويسلمون عليك وعلى الي عندكم

[الفيحاني]

شباب ودي اروح اليوم العديد

لكن الموتر الي عندي مايدش


حد يخاويني

[محمد الفيحاني السبيعي]

الفيحاني أنا الحمد لله بخير وسهاله والشباب كلهم بخير.

عندي لكم سالفة صارت أمس:


أمس كنا معزومين على الغدا والعشا عند واحد من الشـــــــــــباب
في محضة( منطقة قرب العين وهي تقع في عمان) المهــــــــــــــــم
عقب الغدا قالوا الشباب بنروح البر علشان نســـــــــبح في الــوادي
قلنا لهم يالله توكلنا على الله طبعا كنا حاسبين حسابنا حق طلعـــــــة
الوادي المهم عقب ما رحنا الوادي كان للأسف مافيه ماي وتمشينا
بالير عاد بر عمان كله حصه ووقعدنا تغشمرنا وسولفنا وعــــــــقب
قلنا بنمشي قبل لايظلم الوقت مشينا وعزموا الشـــــــــباب يروحون
يتعشون في جبل حفيت في العين مشينا وريحنا في شيشـــــــة بترول
ومشينا علشان نصلس المغرب وحنا رايحين حطيت يدي في مخـباي
وإلا التلفون غير موجود ودرونا رجعنا شيشة البترول مافي فــايدة
يعني التلفون ضاع بس مو مشكلة فدوة بس المشـــــــــــكلة الأرقام
إللي موجودة فية لكن ما أقول إلا العوض على الله. يــروح التلفون
ولاغيره. مثل ما يقول المثل ضياع المال ولا ضياع الـــــــــــــرجال.


وترى الشباب مصورين بنزل الصور في أقرب وقت وـــــــشوفوها.

والسموحة إذا طولت عليكم

وإللي يبيني يكلمني على رقم البحرين لين ما أطلع بدا فاقد

[ابن فيحـان]

الله يعوضك خير يا ولد عمي

وان شاء الله انه بكره بكلمك على الرقم البحريني

[الفيحاني]

انشاءالله اعوضك الله احسن منه

[السلسال]

اقول :m_daleel:



عزتي للي بيتزوج الجوهره :m_atmasha:


اشهد انها وجه فلس وبتفلسه :m_hmm:


وياحظ عيالها :m_bye:


اكيد بتدلعهم :m_sheshah:


ما صار مطبخ


ولا صار مسيار


اذا كل مره بيصر كذا

هونا من المجلس


بنتواعد بالشيشه ومعسل


ودلال وعلوم رجال


وهالمغربيات والبنانيات

اطلب تجد

اسرع وقت واقل كلفه من طلباتك


وبالشتاء والربيع بنحط لنا خيمه للمكشات


ما عاد نبيك تطبخين ياجوهره هونا


ثاني مره

مري المطعم معك ولا محل الحلويات


وجيبي الي تجون به نفسك

[الفيحاني]

اعصابك يا السلسال

انا بتحمل ما طالب الجوهره


الجوهره غاليه علينا

مانقدر ارد لها طلب

اكفايا انها من قبيلتنا


واقول عن الطلبات

ثره كل الحريم يطلبون يعني مسرفين في المشتريات


ثره شي عادي


انا امس كنت مع الاهل في ستي ستر في قطر

كنا انتسوق

شفت عائله

كل واحد فيهم عنده قاري مال السوبر ماركت والقاري مليان اقراض

اتقول كل واحد اغراضه ابروحه

هم 3 قواري والرابع نص


فالحريف مسرفين شي عادي

اخذ الامور سهالات

[ابن فيحـان]

السلام عليكم ورحمة الله وبركاته

شحالك يا الربع عساكم بخير وبشرونه عن اعلومكم

اقهووو
http://www.al-wed.com/pic-vb/935.gif

[محمد الفيحاني السبيعي]

عليكم السلام ورحمة الله وبركاته

أنا الحمد لله بخير عسى حالك دوم بخير

من صوبنا أبد ماشي علوم ماكان إلا من صوبكم.

الله لا يهينك صب لنا من هالقهوة بس عساها سبيعية.

[ابن فيحـان]

يا مرحبااااااا ويا مسهلااااااااااا

يا الله حيهم

شحالك يا الغالي

وله عندي خبر يعجبك بس ابي وقت مناسب اكلمك فيه انت تعرف زاماتي

[نجل الغلبا]

السلام عليكم شباب ، كيف حالكم عساكم بخير


بس حبيت اتقهوا معكم وااخذ علومكم...

[الفيحاني]

السلام عليكم

اشحالكم يااعيال العم

اشحالك ياولد الفياحين
واشحال الجماعه والشيبان

اشحالك يا محمد الفيحاني السبيعي
بشرنا عنك
واشحال الجماعه والشيبان

اشحالك يا نجل الغلبا
بشرنا عنك
اشحال الجماعه والشيان

والله حبينا انسلم عليكم
وان تقهوا معاكم
يا اعيال عمي

[الجــوهــرة]

هههههههههههههههههه يعطيك العافية ريحتنا نسخ لصق


السلام عليكم

اشحالكم يااعيال العم

اشحالك ياولد الفياحين
واشحال الجماعه والشيبان

اشحالك يا محمد الفيحاني السبيعي
بشرنا عنك
واشحال الجماعه والشيبان

اشحالك يا نجل الغلبا
بشرنا عنك
اشحال الجماعه والشيان

والله حبينا انسلم عليكم
وان تقهوا معاكم
يا اعيال عمي


ولد الفياحين مجهزالقهوة ولك الحمد يارب على النعمة
http://www.al-wed.com/pic-vb/935.gif

[الجــوهــرة]

أقول ** تعرفون خطر في بالي سؤال

مسموح هنا حضور الحريم هههههههههههه

أرجو الرد وبدون احراج شاكه ان المجلس للرجال ههههههههه

والله فشيله واخزياه

[الفيحاني احمد]

السلام عليكم ومساكم الله بالخير جميعا



الله يكثركم يالفياحين قولو امين


وصب قهوه

[الفيحاني]

المجلس مجلس ارجال حق الفياحين والضيف

مب حق حريم يالجوهره

الله يسلمج افتحولكم مجلس في صاله البيت تقعدون اتسولفون

مع بعضكم


وارد واكرر هذي مجلس شباب الفياحين والسبيع



ارجوا انج ماتزعلين مني لان مجلس ارجال

[ابن فيحـان]

الحريم يبيلهم مجلس بروحم في قسمهم

احسن على شان ياخذون راحتهم لووووووووول

[محمد الفيحاني السبيعي]

رايي من راي ولد الفياحين


بس لاتزعلين علينا يالجوهرة

[بسمة الفيحاني]

اوكي يا اعيال عمي انا بفتح مجلس للبنات بس ممنوع دخول الرجال

[نجل الغلبا]

اصلا المفروض ان البنات ، يسولفون مع بعض على الخاص ....سكر عليهم...........لووووووووووووووووووووووووووووووووو ول

[الفيحاني]

بسمه انتي قلتي ممنوع دخول الرجال

وانتي دخلتي مجلس الرجال



ولد الفياحين اشحالك
بشرنا عندك

انا بجي البحرين تاريخ
23-5 - 2006

[محمد الفيحاني السبيعي]

وحنا محد بيزورنا

[فهد بن جاسم]

اشلونك ياعيال العم انشالله طيبين


ويا الفيحاني شكلها البحرين تنادي :m_gamzah: ولو تنطرني لين يوم 8/6 يكون احسن عشان انتخوى مع بعض ولا ايش رايك

[الجــوهــرة]

هههههههههههههه الله يرجكم فياحين هههههههههههههه

خلاص ما بدخل ولاشي بس اياكم تطلبون عشا والا اي شي

[الجــوهــرة]

خلاص طالعة ** يالله بضف قشي واطلع سلام

طاااااااااااااااااخ >>>>سكرت الباب بقوة منقهرة

[بسمة الفيحاني]

الجوهرة

روحن ديوانية بنات الفياحين

ما نبي ندخل مجلسهم

http://www.fia7in.com/vb/showthread.php?t=1185

[ابن فيحـان]

حياكم الله المكان مكانكم يا الربع

[الفيحاني]

والله يافهد بن جاسم اذا بتروح اكيد بنطرك


ياولد عمي

[فهد بن جاسم]

تسلم فديتك احرجني بكلام لاتخليني اوديك اليوم على نطلع من الخيمه نفس الربع ذاك اليوم يوم امسكت غلط :m_haha:

[الفيحاني]

ههههههههههههههههههههه

ههههههههه


حلوه ياولد العم


السفره لاحقين عليها

مثل مايقول الشاعر : كل شي في وقته حلوو

[الفيحاني]

يافهد بن جاسم

نسيت اقولك

انه عرس ولد عمي

خالد بن محمد بن لحدان بن حمد بن عبدالله الفيحاني

تاريخ 30 -5-2006

الكل معزوم

[فهد بن جاسم]

مبروك يستاهل وعقبالك انشالله

عشان اعلق ال822 في ليت :m_kekh:

[نجل الغلبا]

مبروك وعقبالك ان شاء الله ، فهد بن جاسم ........هدي الوضع وخلونا نجيب محاورة وش رايكم في عرس ولد عمنا .

[نجل الغلبا]

محمد الفيحاني السبيعي في اي امارة انت ؟

[محمد الفيحاني السبيعي]

صبحكم الله بالخير يا شباب


ألف مبروك لخالد بن محمد الفيحاني



والفال إنشاء الله للشباب إللي ما عرسوا


الفيحاني إذا في فرصة بجيكم العرس إنشاء الله


نجل الغلبا أنا أدرس بدبي وساكن بعجمان

[ابن فيحـان]

الف الف الف مبروك والفال للعزابيه ولنجل الغلبا

[الجــوهــرة]

فتحوا لنا مجلس نحنا البنات لا عمري اشوف خشة واحد منكم هناك


واللي بيدخل بنوقف عضويته من المنتدى لمدة اسبوعين مع الاعمال الشاقة

[الفيحاني]

يالجوهره انتي اتقولين اي واحد يدخل مجلس الحريم

يتوقف اسبوعين


انتي الحين تدخلين مجلسنا لكن مراح اسوي شي بس ابي

غداء من ايدج الحلوه:n_crazyp: :n_crazyp:






بس ياجماعه الخير

نبيكم تحظرون عرس ولد عمي:n_bye: :n_bye:

[الفيحاني]

اشدعوه محد يجي المجلس

على الاقل سيره واجلسوا عندنا

وتقهوااا

[نجل الغلبا]

مشكور ولد الفياحين على الدعوة وعقبالك ان شاء الله وللشباب

الفيحاني ... متى توزيع بطاقات الدعوة علشان استناكم عند الباب .

[بسمة الفيحاني]

الفيحاني

وين بطاقة النساء

[الفيحاني]

انا اوزع بطايق رجاجيل

ماعندي بطايق حريم


وانشاءالله يجيب لج بطاقه

[الفيحاني]

اقول يا نجل الغلبا

بطايق حق الرجال ليش

بس حق الحريم


اقول ياولد العم انت غني عن العزيمه

لانك واحد من لاهل والجماعه

[الجــوهــرة]

الفيحاني انا دخلت بس اجيب لكم خبر وما ارجع ثاني
بس انت اجبرتني على الدخول مره ثانيه
اقول خلوا اللقافه ما احد يجيب سيرتي عشان ما ادخل هنا

[فارس الأول]

الفيحاني انا دخلت بس اجيب لكم خبر وما ارجع ثاني
بس انت اجبرتني على الدخول مره ثانيه
اقول خلوا اللقافه ما احد يجيب سيرتي عشان ما ادخل هنا


:n_kashe5: :n_kashe5: :n_kashe5: :n_kashe5:

[الجــوهــرة]

:n_kashe5: :n_kashe5: :n_kashe5: :n_kashe5:
:h_um7yat: :h_um7yat: :h_um7yat:

[الفيحاني]

اقول يالجوهره


اشحالج

انا اقول يمكن نسيتي كلامج الي قلتيه

بذكرج اياه

انتي قلتي محد يدخل مجلس الحريم وانا مادخلت

وانتي الحين دخلتي


ولا اقول حياج يالجوهره


لان المطبخ فاضي

من زمان محد سوالنا غدا ولا عشاء

اليوم انا ابي اعزم الشباب على ذبيحه :h_6abakhah: :h_6abakhah:

وارجواا انج اتجهزينها :h_6abakhah:

لان الربع في المجلس :m_sheshah:
ينتظرون :n_crazyp: :n_crazyp: :n_crazyp: :n_crazyp:

[الجــوهــرة]

كلها الف ريال ويجيك احسن مندي

خلي البخل

المطابخ غطت السوق

وانا ادخل ارد عليكم وش اسوي يعني اشوف اسمي في الايميل وما اتحمل الا لازم ادخل عليكم

[الفيحاني]

بس
ارد
واعيد
يالجوهره
مب انتي

منعتي الشباب انهم مايدشون مجلسكم

وقلتي الي يدش يتوقف اسبوع

وانتي الحين دشيتي


انا شريت مني جاهز بس نبيج اتغسلين المنجب

لان ابي رجعه على المطعم

[الجــوهــرة]

طيب اشلون برد عيلك

تبيني ارد عليك في ديوانيتنا
عشان تجي ترد عليا فيه ما ابي احد يدخل ديوانيتنا
احسن اوفر عليك جيتك عندنا واجي اشوف ان كان براسك شر هنا هههههههههههه

[الفيحاني]

هههههه حلوه اتردين في دوانيتكم


خلاص انا اقول
انا مليت من المشاكل


خلاص يالجوهره عندكم مجلسكم سولفي اهناك



والا سوف اشن هجوم هههههههه

:m_qor9an: :m_qor9an: :m_qor9an: :m_qor9an:
:m_qor9an: :m_qor9an: :m_qor9an: :m_qor9an:



:m_bye: :m_bye: :m_bye: :m_bye:



مع السلامه

[الجــوهــرة]

خوفتني ههههههههههه


يمه



































































مع السلامه بتوحشوني :)

[الفيحاني]

مع السلامه يالجوهره



وهذي فزعتي ....


:m_mosala7:

:m_mosala7: :m_mosala7: :m_mosala7: :m_mosala7:

:m_mosala7: :m_mosala7: :m_mosala7: :m_mosala7: :m_mosala7: :m_mosala7:



:m_mosala7: :m_mosala7: :m_mosala7: :m_mosala7:

:m_mosala7: :m_mosala7: :m_mosala7:



واعيال الفريج
:m_qor9an:


:m_qor9an: :m_qor9an: :m_qor9an: :m_qor9an:
:m_qor9an: :m_qor9an: :m_qor9an: :m_qor9an:
:m_qor9an: :m_qor9an: :m_qor9an: :m_qor9an:
:m_qor9an: :m_qor9an: :m_qor9an: :m_qor9an:
:m_qor9an: :m_qor9an: :m_qor9an: :m_qor9an:


:m_mosala7: :m_mosala7: :m_mosala7:
:m_mosala7: :m_mosala7: :m_mosala7:
:m_mosala7: :m_mosala7: :m_mosala7:


:m_qor9an:
:m_qor9an: :m_qor9an:
:m_qor9an: :m_qor9an: :m_qor9an:
:m_qor9an: :m_qor9an: :m_qor9an: :m_qor9an:



اشرايج يالجوهره :n_bo7yat:

[الفيحاني]

اشحالكم ياشباب

بشرنا عنكم

[الفيحاني]

انا زعلان

لانكم

هجرتوااا مجلسنا ياشباب

[محمد الفيحاني السبيعي]

مساكم الله بالخير يا شباب كيف حالكم

أنا بخير وأنتظر جيتك

أعذروني على الأنقطاع يا شباب كنت في الفترة الماضية مشغول بتقارير الكلية
وإذا إنقطعت في الفترة الجاية تراها الإمتحانات لا تلوموني

يالفيحاني الشباب يمكن خذتهم الدنيا وإنشغلوا ترى كل واحد منهم له ضروفه

[الفيحاني]

بالتوفيق اخوي

محمد الفيحاني

[الصقيري]

يعطيك العافيه

تحياتي

[الفيحاني]

وشو يعطيك الف عافيه اخوي الصقيري


حنا هنيه في مجلس يعني اندردش


اشحالك انت

[محمد الفيحاني السبيعي]

محد من الشباب يدخل

اقترح عليك:
افتح صفحة جديدة للمجلس يا بويوسف

[فهد بن جاسم]

السلام عليكم عليكم وشلونكم يالربع انشالله بخير :m_thumb:

[عبدالله الفيحاني]

وعليك السلام .. ياهلا ومرحبا فيك يا بوجاسم ..

وشخبارك ؟ اربك بخير

[ابن فيحـان]

السلام عليكم ورحمة الله وبركاته

شحالك يا عيال العم ان شاء الله بخير

له بقولك هذا المنتدى مهب حق الفياحين؟؟

عيل وينهم مايشاركون كلش

تقبلو مني اطيب تحيه وتقدير

[مزيون الفياحين]

السلام عليكم ورحمة الله وبركاته

اشحالكم و شخباركم يا عيال العم ؟

ان شاء الله طيبين

ولد الفياحين شلونك شحالك ؟؟

ان شاء الله بخير

وينك ما تبين ؟ ما نشوفك على المسنجر من زمان ؟

[محمد الفيحاني السبيعي]

حي الله الشباب

وينكم لا حس ولا خبر

[ابن فيحـان]

احنه موجودين

يا هلا ويا مرحبا بعيال العم

يا هلا مزيون انه ابخير اسال عند اخبارك اعلومك

والله الاسف اوقاتي غير اوقاتكم

خبارك يا جاسم شلون ان شاء الله بخير اخبار الامارات

تقبل مني اطيب تحيه وتقدير

[الفيحاني احمد]

السلام عليكم شحالكم ياهلي عساكم بخير وعسى اموركم زينه

[ابن فيحـان]

يا هلا ويا مرحبا فيك يا ولد العم

ابشرك حنا بخير والحمد لله

وانت شلونك ان شاء الله بخير

تقبل مني اطيب تحيه وتقدير

[الفيحاني]

اشحالك ياشباب

ويا اعيال عم

شمسوين

[عبدالله الفيحاني]

يجمل حالك ..

انت وشخبارك يا بويوسف ؟؟

وينك يا خوي ؟؟ ما تبين ولاشي ..

مركب مخفي ؟؟ :p :p خخخخخخخ

[ابن فيحـان]

توقيف للعروع في بوهامور عليها مخفي لووول

يا هلا والله بعيال العم شخباركم شلونك

[الفيحاني]

ابخير الله يسلامك ياولد عمتي شمسوي في لندن



اخبارك ياولد الفياحين شمسوي

[عبدالله الفيحاني]

انا بخير يا بويوسف ..

وانشاء الله هالاسبوع انا عندكم انشاء الله ;)

[الفيحاني]

توصل بسلامه ياولد عمتي

[محمد الفيحاني السبيعي]

مساكم الله بالخير يا شباب

اشحالكم عساكم طيبين

باركولي تراني نجحت هذا الفصل

وبقالي قد اللي راح من فترة الدراسة

وإذا رجعت البحرين العشا علىّ

ودمتم سالمين

[الفيحاني]

مبرووووووووووووووووووووك
مبروووووووووووووووووووك
مبرووووووووووووووووووك

تستاهل النجاح

[محمد الفيحاني السبيعي]

الله يبارك فيك

[فهد بن جاسم]

مبروك النجاح وعقبال الشهاده انشالله




اشحالكم يالربع انشالله طيبين

[عبدالله الفيحاني]

الف الف مبروووك يا محمد ..

وعقبال ما نبارك لك بالتخرج انشاء الله :m_gamzah: ..

[مزيون الفياحين]

الف مبروك

عقبال التخرج ان شاء الله

:)

[الفيحاني]

يستاهل بوجاسم

[محمد الفيحاني السبيعي]

الله يبارك فيكم

وبالبركة ياعبدالله الفيحاني على النجاح والتفوق

والفال لكل الشباب

وإللي مانجح هارد له

[عبدالله الفيحاني]

الله يبارك فيك ..

وتسلم يالغالي

[الفيحاني]

السلام عليكم يا اعيال عمي اشحالكم

شمسوين

[محمد الفيحاني السبيعي]

يا شباب السعودية

أحد منكم يعرف نادي النهضة

http://www.kooora.com/default.aspx?player=23059

[الفيحاني]

اسمه غريب وائل الفيحاني


في وين هاااي النادي في السعوديه

[ابن فيحـان]

السلام عليكم ورحمة الله وبركاته

وبلمبارك لك لك الناجحين وفال حق الراسبين لوووول

شحالكم يا عيال العم ان شاء الله بخير

محمد وعبدالله
انه قتلت عن هذالاسم من قبل محد رد علي

يعني مافي حد يعرفه انزين هذا النادي وين في بالشرقيه يعني

تقبلو مني اطيب تحيه وتقدير

[الفيحاني]

والله اسمه غريب

[**فيحان علي آل لحدان**]

ما كنكم ما تدرون أن في فياحين في الخبر بس على العموم كلهم بخير والحمد لله.

[نجل الغلبا]

ابو علي .. انتم الزين كله ، وتراكم على العين والراس . ومكانكم في القلب . وعساكم بخير دوم ان شاء الله .

[الفيحاني]

انا ادري انه في فياحين في الخبر


معانهم في القلب والعين وهم اعيال عمنا

[عبدالله الفيحاني]

السلام عليكم ..


واشحالكم يا عيال عمي ؟؟

[ابن فيحـان]

هلا ومرحبا يا ولد العم الله يسلمك

وانت شلونك ان شاء الله بخير

وشخباركم يا عيال العم

[عبدالله الفيحاني]

مشكور يالغالي انك ثبت هذا الموضوع ..


فلاهنت .. ويعطيك الف عافية :)

[ابن فيحـان]

لا شكر على واجب طال عمرك

تقبل مني اطيب تحيه وتقدير

[حلومة]

:mad: :mad: :mad: :mad:

انا مو من الفياحين

و انتم تسألون عن بعض بس

<<< داخلة عرض:g_haha:


المهم كيفاعضاء المنتدى كلهممممممممممممممممم من غير تحديد؟؟؟؟


و الفياحين اللي باسعودية و قطر و البحرين و مصر و كلكم من غير تحديد اماكن:g_mest7ya:



<< مو اقول لكم داخلة عرض


سلام

[مشاري الفيحاني]

مين فياحين ..؟

ايش يعني فياحين ؟؟؟

عن ايش تتكلمون ..!!!!

[حلومة]

جدا جدا جدا اسفه :h_eheehe:


اعرف اني غلطت بشي قوي


كان غلط مطبعي بس من سرعة الكتابه


الفيـــــــــــــــــــــــــــاحين لك احترامي ايها الللقب

و شكرا

[بسمة الفيحاني]

كيفكم يا اعيال العم

شخباركم

بسمة

[عبدالله الفيحاني]

بخير ويسرج الحال ..


انتي وشخبارج ؟؟ انشاء الله بخير

[الفيحاني]

:m_em3a9eb: بسمه الفيحاني

ويا حلومه :m_em3a9eb:


هذا مجلس ارجال



اعملوا لكم مجلس يخص بالبنات


:m_em3a9eb: :m_em3a9eb:



اشحالك ياعبدالله

بشرنا عنك

[ابن فيحـان]

يا مرحبا فيك اختي بسمه هذا مكانك حياك الله

يا الفيحاني هذي بنت عمنا منا وفينه

[عبدالله الفيحاني]

انا اقول من دخلهم هني ؟؟



زين سويت فيهم يالفيحاني !!


انا بخير دامك بخير ..
والوعد بكرة انشاء الله :)

[ابن فيحـان]

مين فياحين ..؟

ايش يعني فياحين ؟؟؟

عن ايش تتكلمون ..!!!!


يا ناشد عنا حنا الفياحين=نكسر سيوف العدو ونكر الحافي
ويشهد على ماقول قصر دراين=تاريخ بين العرب ماهو خافي

[مشاري الفيحاني]

يا ناشد عنا حنا الفياحين=نكسر سيوف العدو ونكر الحافي
ويشهد على ماقول قصر دراين=تاريخ بين العرب ماهو خافي


احلف بقووووه يووووووه توني ادري تصدق هع :m_9admah:

[مشاري الفيحاني]

:m_em3a9eb: بسمه الفيحاني

ويا حلومه :m_em3a9eb:


هذا مجلس ارجال



اعملوا لكم مجلس يخص بالبنات


:m_em3a9eb: :m_em3a9eb:



اشحالك ياعبدالله

بشرنا عنك



لالا خلك كريم واكرم الضيف هم ضيوم في الديوانيه عندنا

صب القهوه يا ولد :m_ydakhen: لا يقولون عنا كلام مو زين

http://www.mshmsh.com/ta7meel/up/1143665426.gif

[الفيحاني]

ياهلا بعيال العم اشحالكم

[عبدالله الفيحاني]

يا هلا فيك يالغالي ..


انت وشخبارك ؟؟ بشرنا عنك ؟؟


وينك اليوم ؟

[ابن فيحـان]

يا ريت تخلينا محترمين شوي جدام الناس

وتقي شر لساني احسن

[مشاري الفيحاني]

يا ريت تخلينا محترمين شوي جدام الناس

وتقي شر لساني احسن


والله مدري مين تقصد بس ما اشوف ان في احد غلط عليك ..

قولي مين عشان اوقفه عند حده كل شي الا اعيال عمي الغالين :)

[الفيحاني]

محد يقدر يقلط على ولد الفياحين


حنا فزعتك ياولد العم


ماعاش من يقلط عليك

[حلومة]

ههههههههههههههههههههههههههههههههههههههههه

و الله مو فاهمه شي من هرجكم و اللي اعرفه انه مجلس للعائلة فقط اطلع نتها انا

سلملم

حلوم

[الفيحاني]

ممنوع دخول البنات



الف مره قلنا ممنوع دخول البنات

[عبدالله الفيحاني]

ههههههههههههههههه


قد اسمعت لو ناديت حيا ولكن لاحياة لمن تنادي


خخخخخخخخخخخخخخخ

[فهد بن جاسم]

ماعاش من يغلط عليك يا ولد الفياحين واللي يغلط عليك ماعليك قول لي من وشغله معاي :m_mosala7: :m_mosala7: :m_mosala7: :m_mosala7: :m_mosala7: :m_mosala7:

[ابن فيحـان]

هذا العشم فيك يا عيال العم وعساكم على القوه

[الفيحاني]

هلا يا فهدبن جاسم


وينك ماتبين

[عبدالله الفيحاني]

يقولون .. مركب مخفي !!


والمرور احجزوا الموتر !!


ههههههههههههه

[الفيحاني]

هههههه


اخباركم يا اعيال العم


بشرنا عنكم

ان شاء الله طيبين

[ابن فيحـان]

حنا بخير دامك بخير يا بويوسف

انت اخبارك ان شاء الله بخير

وشلونك يا عيال العم ان شاء الله مرتاحين

تقبلوا مني اطيب تحيه وتقدير

[عبدالله الفيحاني]

عيال عمك اللي في الدوحة كلهم بخير ..


وينتظرون تشريفك لهم باقرب وقت :)


يالله عااد .. تعبنا وحنا ننطر !!

[ابن فيحـان]

افااااااا عليكم بس بكره انه عندكم من الصبح

محد يامر شي من البحرين

غرض حاجه

[عبدالله الفيحاني]

اي نبي شي ؟؟!!































نبيك توصل لنا بالسلامة انشاء الله !!! خخخخخخخخخخخخ


ويا هلا ومرحبا فيك يا بوناصر .. وانت راعي مكان :)

[بسمة الفيحاني]

كيفكم يا اعيال العم

شخباركم

بسمة

[الفيحاني]

تمام


بس اقول يا بسمه

سوي موضوع اسمه

مجلس بنات الفيحاني

وخلاص

[عبدالله الفيحاني]

هههههههههههههههه


وشرايك يالفيحاني انت تتكرم وتسوي لهم هذا الموضوع !!!

ما منهم فايدة ترى ؟؟!! خخخخخخخخخخخخخخ

[الفـجر البـعيد]

اقوول الفيحاني ..:mad:
هذا الموضوع اسمه مجلس الفياحين ... ماخص شباب لا بنات
اذا اسمه تغير صار مجلس شباب الفياحين مابندخل ...:n_bo7yat:

[ابن فيحـان]

هذا المجلس لشباب وشيبان ههههه

وبنات والعيايز في الصاله لو سمحتوا

لوووووووول

[الفيحاني]

السلام عليكم

اشحالكم
يا اعيال العم

يشرنا عنكم

ان شاء الله طيبين

[ابن فيحـان]

بخير الله يعافيك يا بو يوسف

انت شلونك ان شاء الله بخير

[الفيحاني]

ابخير والحمد لله


اخبار اهل البحرين

ان شاء الله ابخير

[نجل الغلبا]

السلام عليكم ورحمة الله وبركاته . كيف حالكم ياعيال عمي

[ابن فيحـان]

يا هلا والله بنجل الغلبا

حنا بخير والحمد الله بشرني عن حالك

مرحب يا بو يوسف ابشرك اهل البحرين بخير ونعمه والحمد الله

انتو شعلومك عساكم طيبين

[محمد الفيحاني السبيعي]

السلام عليكم

اشحالكم يا الربع

عساكم طيبين

[الفيحاني]

ابخير والحمد لله اشحالك انت



شمسوي

[محمد الفيحاني السبيعي]

نسأل عنك




إنشاء الله بجي قطر في رمضان

[الفيحاني]

اسألت عنك العافيه


تجي بسلامه ان شاء الله

[النوخذة]

مرااااحب بأهل الفياحين كلهم

معاكم خالد الفيحاني من الخبر حبيت اقول لكم صباااح الخيراااات

[الفيحاني]

مرحبااابك يا خالد الفيحاني

اشحالك اخبار اهل الخبر


بشرنا عنك

معاك عبدالله الفيحاني من قطر

[ابن فيحـان]

يا هلا ويا مرحبا فيك يا ولد العم

اخبارك وبشرني عن صحة عمي عبداللوهاب ان شاء الله بخير

[عبدالله الفيحاني]

يا مرحبا فيك اخوي بوالوليد ..


واشحالك ؟ اربك بخير ..



معاك اخوك عبدالله الفيحاني من الدوحة :) ..

[محمد الفيحاني السبيعي]

يا هلا ويا مرحبا اخوي خالد

معاك محمد بن إبراهيم الفيحاني

[الفيحاني]

هلا وسهلا

ارحبوااااا


اشحالكم يالربع

بشرنا عنك

اخبار الجماعه والشيبان

[محمد الفيحاني السبيعي]

حيا الله الشباب أشحالكم


عساكم طيبين

[الفيحاني]

ابخير واسرك الحال


اشحالك يا محمد

[النوخذة]

إخواااااااااني وهلي وجماعتي عندي إقتراااااااااااااااااااااح
واتمنى من الجميع المشاااااااااااااركة .

جااااااااااايكم في الطريق

أخوكم النوخذة

[الفيحاني]

شنو الاقتراح

يالنوخذه


احنا ننطرك



اخباركم يالربع

[ابن فيحـان]

شنو الاقتراح يا ولد العم

انت تفصل وحنا نلبس طال عمرك

تقبل مني اطيب تحيه وتقدير

[محمد الفيحاني السبيعي]

مثل ما قال جاسم
انت تفصل وحنا نلبس طال عمرك

[النوخذة]

هلا اخوي ولد الفياحين
جااااااااي في الطريق الأقتراااااح

أخوووك النوخذة

[النوخذة]

أخوي محمد الفيحاني السبيعي

مشكووور بس الأقتراااح قريب جدااااااا
وشكرا على السؤاال

اخوك النوخذة

[الفيحاني]

احنا ننطر اقتراحك

يــــ النوخذه ـــا

[ابن فيحـان]

مبارك عليكم الشهر يا عيال العم

كل عام وانتم بخير

[محمد الفيحاني السبيعي]

علينا وعليك وعساكم من عواده

وأنت بخير وصحة وسلامة

[الفيحاني]

مبارك عليكم الشهر

اخباركم ياشباب

شمسوين

[الوسم]

السلام عليكم وهلا وغلا بالجميع وتنور دارين فيكم وانا منها وحي الله الفياحين كلهم

[ابن فيحـان]

الله يحيك اخوي الوسم

ويا مرحبا فيك بيتك ومكانك

[الفيحاني]

يالله حيه بالوسم

اشحالك بشرنا عنك عساك طيب

ان شاء الله ابخير


مرحباااا بك اخوي

[ابن فيحـان]

يا هلا ومرحب بالغالين

اخباركم اعلومك يا الربع

[الفيحاني]

ابخير والحمد لله

واعلوم الخير ياولد العم

اخبارك انت بشرنا عنك


اخبارك يا الربع

[بسمة الفيحاني]

أحب اهنئ أعيال عمي بعيد الفطر السعيد .. واتمنى ان يعوده الله علينا وعليكم بكل خير وعافيه .. ومن العايدين الفائزين ..


واتمنى ان تقبلوا هذه البطاقة بهذه المناسبة ..

http://pcs.fares.net/images3/eida007.gif

بسمة

[الفيحاني]

عيدكم مبارك وعساكم من عواده



وان شاء الله من الفايزين والغانمين




مبارك عليكم العيد

[ابن فيحـان]

عيدكم مبارك وعساكم من عواده

تقبلوا مني اطيب تحيه تقدير

[الفيحاني]

وانت بخير وصحه وسلامه


اشحالكم يا اعيال عمي

[فهد بن جاسم]

سلااااااااااااام


وشحالك يالربع انشالله كلكم بخير من زمان عنكم


شكلكم من زمان محد دش المجلس من العيد ليكون سكرتوه ؟؟؟؟



!!!!!!!!!!!!!!!!!!!!!!!!!!سلامّ!!!!!!!!!!!!!!!!!!! !!!!!!!!!!!!:m_thumb:

[عبدالله الفيحاني]

ههههههههههههههههه



لاسكروه ولاشي .. بس الربع انشغلوا واحنا معاهم ..


وانشاء الله يفتح المجلس ابوابه للجميع <<<< افتح ياسمسم مب مجلس خخخخخخخخخخ

في امان الله

[الفياحين]

حياك الله يا فهد بن جاسم .. والله ابشرك حنا طيبين وما ننشد الا عنكم والله .. وانشالله انكم تكنون كلكم طيبين