قناة للزواج شي عجيب والله

[عنــــاد الفيحــان]

السلام عليكم ورحمة الله وبركاته

شدتني قبل كم يوم قناة للزواج وبصراحه شفت اشياء عجيبه
معقوله وصل فينا الحال الى كذا ؟ يعني هذي الانفتاحيه اللي
يتكلمون عليها ؟ واللي استغربته اكثر وجود مشايخ على مستوى
معهم والقناة فيها تصويت ومسجات مهو افضل للشيخ هذا لو انه
مسوي محاضره في مسجد ؟ تناقشت مع اشخاص بالموضوع
هذا وكان ردهم ان القناة هذي تفيد وتعلم وشلون يتعامل الزوج
مع الزوجه والعكس صحيح سبحان الله يعني اجدادنا وجداتنا
كانو متخلفين ؟

ابي رايكم بالموضوع واتمنى انه عجبكم تحياتي لكم .

[حلومة]

يا سبحان الله

الحين يعني هالقناة هي اللي بتعلم !!!!!

كل شي واضح و معروف ما يحتاج و الانسان مثل ما يتعامل مع الناس بتعامل مع زوجته او العكس
:g_haa:
****************************************

تعليق بسيط


انتبه لا تشارك معهم بعدين نسوي بحث عن عناااااااااااااااااد و لا نلقاك الا بالقناة:g_chub:

[عنــــاد الفيحــان]

لا تخافين مو مشارك معهم تدرين ليش اخاف
اشارك والفياحين والفيحانيات ما يصوتون لي
لووووووووووووول

[الصقيري]

السلام عليكم ... الموضوع جدا رائع .. بس حبيت اوضح شي قبل لا اتلوومون المشايخ ... مو كل الناس يروحون المساجد والمحاضرات يسمعون نصائح و اوعضه .. هذا اجتهاد من الشيخ يساير العصر الشيخ يبغي ياخذ الناس بسياسه يبغي ياخذهم بالدين اللي الله امرنا به باليسر مو بالعسر في ناس ما يطلعون من البيت كلا جالسين بالدش والقنوات يفرفرون .. الرسول عليه الصلاة والسلام كان يطق على بيوت الكفار وينشر الاسلام .. وهذا اجتهاد من الشيوخ يعلمون اخوانهم المسلمون اللي يجهلون علوم الدين .. يعني من اللي يعرف من المسلمين ان الجماع للزوجه بالطريقه الاسلاميه .. في وايد شباب متزوجين ياتون بزوجاتهم من الخلف واعزكم الله .. وهذا بالدين كانك طلقت زوجتك بالثلاث .. وبعض الشباب يجهل هذا الشي .. وبمعنى قوله تعالى .. وأتو زوجاتكم من حيثو امرتكم .. صدق الله العظيم ... فا يا اخوان مو معنا ان المشايخ اطلعو في برامج وقنوات .. يعني ان المطوع مخترب .. لا والله بالعكس يبغي يدخل هذا العالم ويجتهد وينقل علوم الدين للناس اللي تجهله .. واقرب مثال الشيخ عمر موسى .. في برامج وفيها اختلاط بين الرجال والنساء .. هو ما عاتبهم ولا منعهم .. بس ينصحهم ويلقي محاضرات.. والانسان مخير ان تقبل النصيحا كان بها وان ما تقبل .. لقول الرسول اللهم اني بلغت اللهم اشهد .. والسموحا على الاطاله هذا رايي في الموضوع .. ويعطيكم 1000 عافيه على جهودكم في انماء هذا القسم ..والمفروض ان انا اللي اديره واحط في المواضيع بس انا اللحين مسافر بس ادخل واسير عليكم وانشاء الله تنتهي اجازتي .. واستمر معاكم بأذن الله .. تحياتي

[عنــــاد الفيحــان]

وعليكم السلام ورحمة الله وبركاته

يا خوي هذا مو مبرر للمشايخ يقدر يسوي له برنامج على قناة
ما فيها لا تصويت ولا الخرابيط هذي وفي امثله كثيره عندك
مثلا برنامج ساعه صريحه للشيخ : نبيل العوضي شد العالم
له بالمواضيع اللي القويه وجاب مغني تايب وكذا وهذا يعتبر
ذكاء منه لجذب العالم . وهذا رايي انا انه مو عذر مع كامل
تحفظي على الداعيه عمرو موسى .

[مخاوي الفيحاني]

تسلم علي الموضوع اخوي عناد

صاروا كثيرين القنوات هذي الحين بس علي قل فائده ,

[الفياحين]

اول شي الف شكر لك ولد عمي ابو فهد على موضوعك .. انا بكون محايد بالرد .. اذا ان اللي قام على هذا العمل احد المشايخ من اجل خير فله اجر انشالله على ما قام فيه .. لكن الكلام هل اللي قاعد يصير فيه شي مخالف للدين هذا اول شي .. ثاني شي هل العمل هذا قائم على اساس منفعة المجتمع ولا علشان تجميع فلوس هالمساكين اللي يصوتون .. والله الواحد ما صار يعرف وش يسوي بهالزمن .. لكن مالنا الا الدعاء .. وان كان راعي الفكره يبي فيها شي لضررنا فالله يفكنا منه ومن شره وان كان قاصد خير فالله يجزاه خير ... ابو فهد الف شكر لك على موضوعك .. ما ودك تشارك فديتك :) ؟

[ميلاد الفيحاني]

عنــــاد الفيحــان ..

في البداية أشكرك لطرحك مثل هذا الموضوع الرائع ..

وماهو غريب من كاتب متميز مثلك ..

انا أؤيد كلام الأخ الصقيري ..

أنه يساير العصر اللي نعيش فيه وطريقه حلوه لجذب الناس ولو بشي بسيط ليعلمهم مايجهلونه في أمور الدين ..

لأنه إلى الآن ومع التطور اللي حاصل مع الأسف في أشياء كثيرة الناس تجهلها ..


واسمح لي على الاطاله ..


تحياتي .. أختك ..

ميلاد الفيحاني ..