شنـو يكــون ردك ؟ للشباب والبنات

[عنــــاد الفيحــان]

تخيل لو انك تميل لبنت من قرايبك وجاك واحد من جماعتك
وصارحك انه مايل لها بنفس الوقت شنو الرد اللي بتقوله ؟

وطبعا البنات نفس الموقف ؟

[دمــــــــــوع]

يعني اذا انا اميل لواحد يقرب لي وجاتني بنت بعد تميل له ؟؟

بااااااااااااااااااااااااااااااسكت ولاني براده عليها ..:(

[عنــــاد الفيحــان]

مشكوره اختي على مرورك الرائع بس تعابير الوجه
اللي حطيتيها توحي بانك مو ساكته

[شيخة الفياحين]

نفس ماقالت دموع افضل السكوت

حتى لوصارلي الموقف يعني شباقول باسكت لكن بتم افكر في الموقف وفيه

ومشكور اخوي على الطرح :)

[الفـجر البـعيد]

رايي من راي البنات ... اتم ساكته وهو اذا يبيني بيني واذا يبيها او يحبها بيروح لها ..

وكل واحد ونصيبه ..

[عنــــاد الفيحــان]

يعطيكم العافيه على المرور الرائع
بس انا لما الحين ما شفت راي الشباب
شكلهم نايمين او ما جاز لهم الموضوع

[عبدالله الفيحاني]

السلام عليكم ..

اهلا اخوي اللحدان .. انا من ناحيتي اذا واجهني مثل هذا الموقف .. على طول راح اخطب البنت قبل لا تروح مني !! خخخخخخخخخخخ


بس لين الحين ما صار هذا الشي .. وانشاء الله ما يصير !!


سلام ..

[عنــــاد الفيحــان]

يعني بتطبق نظرية من سبق لبق
هههههههههههههههههههههه

تحياتي لك

[مخاوي الليل]

:m_em3a9eb: :m_em3a9eb: :m_em3a9eb: :m_em3a9eb: :m_em3a9eb: :m_em3a9eb: :m_em3a9eb: أناااااااا بتممممم ساااااااكت ألين يخطبها ويتزوووجها وبعدهااااا ببكي ...........

[عنــــاد الفيحــان]

يعطيك العافيه اخوي بعد كل ذا العصبيه
انا قلت بتفظخ راسه بزراديه خخخخخخخخخخخخخ
آخر شي بتبكي يا عيب الشوم خيووو :n_kashe5:

[حلومة]

اشجعها :h_em:

و قول هو خوش رجال

و كل شي نصيب و لا اكون انانيه ابد

<< ماترضي برجال كل البنات يحبوه:h_love:

[عنــــاد الفيحــان]

من ردك واضح ان اللي بيصير بيكون العكس
يعني باختصار انواع الصياح ولحاله لله
ويمكن كل البنات يحبوه وانتبهي لكلمت يحبوه
الظاهر مصريه انتي قولي يحبونه لاخلاقه
وصفاته الحلوه خخخخخخخخخخخخخخ

[الصقيري]

السلام عليكم .. مشكور اخوي على الموضوع .. واشكر كل الاخوان اللي استمرو في هذا القسم .. وابدوو ارائهم ... اما بالنسبه للطرح هذاالموضوع .. بالاول موقف الرجل غر المرأه .. لان الرجل ممكن يغير اشياء وايد .. اما المرأه عادتها الخجل وهذا نوع من الحيا اوانها تستحي
وعلى قولت اخوي عبدالله انه يقدر يلحق ويتقدملها .ز بس البنت .. شبيدها
الا وتنتظر نصيبها .. واذا حبيتو اتعرفون رد فعلي .. طبعا مستحيل اخطو خطوه .. قبل لا اعرف راي البنت .. والا تفكير قديم .ز اللي هو انا احب بنت .. مجرد اني شفتها .. وابغا اتزوجها .. ياخي الله يرضى عليك .. يمكن البنت ماتبيك .. فا لازم الواحد لا يفكر بنفسه .. حب لنفسك مثل ما اتحب لغيرك .. واذا صارحني شخص وقال ان يميل لبنت انا اميل لها .. طبعا برد عليه بعد وثوق مني ان البنت اتميل لي .. وافهم منه ان ما سمع رايها في الشخص نفسه .. ان انا اميل لها وهي اتميل لي .. فا يا فلان شوف حياتك مع وحده اتميل وانت اتميل لها ... وشكرا على جهودكم الطيب .. تحياتي للجميع

[عنــــاد الفيحــان]

مشكور اخوي العزيز على مرورك
راي حلو وتفكير منطقي انك تشوف
راي البنت

[al'3ala]

رايي من راي البنات ... اتم ساكته وهو اذا يبيني بيني واذا يبيها او يحبها بيروح لها ..

وكل واحد ونصيبه ..


رايي من راي الفجر البعيد لأن مثل ما أنا حبيت البنت بعد تحب وماراح اترجاه أو ألمح له لأن مستحيل اني أنزل نفسي لواحد مادري إذا هو يبيني أو يبيها أو يبي وحده غيرنا>> أقصد أنا والبنت
وإذا كان في نصيب وخذها الله يوفقها معاه..