هل تسامح انسان جرح احاسيسك و مشاعرك؟؟!!

[بنت باريس]

الــــــــــــسـلام عليكم


اخواني واخواتي اعضاء المنتدى .....


كلنه نعرف ان ديننا يحثنا على الحب والتسامح مع بعضنا البعض..




لـ ـ ـكــ ـ ـــن.....!!
















هل تسامح انسان جرح قلبك ومشاعرك..؟!؟

لدرجة انك ندمت على معرفته؟


وطبعاً اهيه موب المره الاولى اللي يجرح فيها قلبك ومشاعرك ..

وماذا لوجاء اليك نادما يطلب سماحك..
هل ستعطيه فرصة أخرى..!؟!


هل تغفر له وتنسى الماضي المؤلم وتبدأ معه من جديد؟


أم ترده وتقفل بابك عنه؟؟




ارجو من الجميع المشاركه.....


...........................................

اختكم

بنت باريس

[عنــــاد الفيحــان]

No Way الجواب واضح لووووووووول

[شيخة الفياحين]

اذا رب العالمين ايسامح ليش احنا مانعطين الشخص فرصه ونسامح

انا عن نفس اذا كان الشخص ندمان شي اكيد راح اسامحه واعطيه فرصه

ومشكوره اختي على طرحج لهذا الموضوع :)

[حلومة]

اما عني انا راح اسامحه بس ماراح اعطية فرصة ثانيه

يعني

اقول ايه انا سمحتك و خلاص بس انت بطريق و انا بطريق لاني ما راح اتحمل وجوده معي وهو شخص اللي جرح قلب كان طيب معه وكان يحمل له مشاعر صادقه

[الصقيري]

مشكوره اختي على الموضوع .. بالاول التسامح صفه فيجميع البشر .. بس عند المسلم افضل بوايد ... وبالنسبه لاختي حلومه .. هو جاج ندمان اتسامحينه وتطلبين فرقاه .ز اذا سامحتيه ... يعني نسيتي جرحه لج
اما بالنسبه لي .. مرت علي قصه .. ان في بنت حبت شاب .. فا كان الشاب اعيونه زايغه .. واغلب الشباب عيونهم زايغه .. فا كان البنت كذا مره يعني اتلاحظ على الشاب انه يهملها .. فا اعرفت انه له علاقه مع اكثر من بنت
فتركته .. وهو تركها بس اللي جامعهم الحب .. لان الشاب اول حب يمر عليه حبه لهذي البنت والبنت نفس الشي .. لان احلى حب الحب الاول .. فا رد يعتذر وسامعته .. وخطى مره ثانيه وثالثه وهي اتسامحه .. لين ما اوصلت لمرحه عافت النفس منه .. قامت هي اتقوله انسى ماعاد ابيك
في هاااي الحاله هني البنت معاها حق انه تتركه بعد ما عطته اكثر من فرصه .. بس ما شاء الله الصبر عندها ماله حدود ... في البعض يقول ان هذي كرامتها وهو مايحترمها ... الكرامه عمرها ماتقاس في ميزان الحب
اللي يحب يضحي ويسامح ويتحمل ويعاني ويتالم .. والصبر اهم شي في تاسيس الحب .. اسمحولي ملت اشوي عن الموضوع .. اما بالنسبه لي انا اكيد اسامح .. بس اعطيه درس قبل التسامح .. اخليه لايعاودها مره ثانيه .. وشكرا تحاتي

[فهد علي آل لحدان]

بكون الرد بليد لاني فيحاني ولا أحب حد يجرح مشاعري
بكلام أو فعل
ولا أعطيه وجه لو أيييييييييش
ومشكورة علا الموضوع

[بسمة الفيحاني]

انا راح اسامحه بس ماراح اعطية فرصة ثانيه

شكرآ على هالموضوع

تحيتي

بسمة

[عاشقه هواه]

اذا على اللي يجرحون فهنالك الكثير

يعني انا عن نفسي ناس وايد يجرحوني

بس الوقت اللي يعتذرون فيه قلبي بيلين وبقبل الاعتذار وبسامحهم

ولان رب العالمين يسامح عباده

ليش انا ماسامح اللي يغلط كلنا نغلط وكلنا نحب اللي غلطنا في حقه يسامحنا

من جذيه لازم نسامح

يسلموووووو ع الطرح حبوبه ..

[وحيدة ابوها]

اذا الواحد بيجي للجرح و اللي يجرحون

ما اقدر اعاتب حد جرحني و اروح انا اجرح غيره

و لو كاد انا بسامح اللي بيجرحني اول ما يعتذر و يعترف بغلطته

و الصراحه اللي بيخليني انسى الجرح و لو ما قدرت انساه بدوس على قلبي

عشان ما ينفتح هو ان الواحد يعترف بغلطته مو مهم عندي الاعتذار بقدر ما هو

مهم عندي الاعتراف بالخطأ و في النهايه اكيد بسامح لان رب العالمين يسامح عباده

على معاصيهم عيل من اكون انا عشان ما اسامح زلات غيري

و مشكوره حبوبه ع الطرح الجميل

[الفياحين]

بسمالله الرحمن الرحيم .. اولا احب اشكر اختي على موضوعها الجميل والمثير .. بس انا ما ادري وش السالفه .. ما ادري ليه تؤخذ على انها علاقة شاب مع فتاه .. ممكن يكون رجل ورجل ... امرأه وامرأه .. زوج مع زوجته .. زوجه مع زوجها .. النسيان نعمه .. وربي ارحم بعباده من الام لولدها .. لذلك صفوا النيه وسامحوا ... وعطوه مليون فرصه

[ميلاد الفيحاني]

بنت باريس ..

اذا الله سبحانه وتعالى يغفر ويسامح ..

أكيد إني راح أسامح على طول ..

لكن بعض المواقف تخلي الواحد يقسي قلبة غصب ..

بسامح .. بس أكيد بعاتب أول وأحسس الشخص بغلطته ..

يعطيك العافيه أختي على طرح الموضوع ..

تحياتي ..

ميلاد الفيحاني ..

[حفيدة الفيحاني]

بسامح بس من بعدها لعرفه ولا يعرفني ... يكفي نجرحت مره مره ارضى بالمره الثانيه..

وشكرا يالشيخه على الموضوع

[el_fiahin-girl]

والله اعجبني كلامك اختي ميلاد الفيحاني وانا اوافقك الرأي..:m_9afgah:
لأن كل شخص ليش يحقد ويشيل بقلبه على الناس وهو اصلاً عايش بينهم وزيادة على كذا ان احنا كلنا ماندري متى بنموت وننتهي فليش الحقد والكراهية..

تحياتي لك..
موضوعك جمييل..

[al'3ala]

أسامح وليش لا..
وأنا بصراحه هذا الموقف تعرضت له كذا مره .. وكنت أقول بقلبي ماراح أسامح لكني على طول أسامح .. سبحان الله يمكن في المستقبل الشخص اللي جرحني وسامحته يشتغل في مكان أو يقدر يخلص لي معامله أو اي شي فهذا الشخص راح يقول في نفسه: هذا الشخص اللي غلطت عليه وسامحني ليش ما أساعده .. وبجذي حصلت أجر إني سامحته وفي نفس الوقت كسبت هذا الشخص .. مع احترامي لآرائكم ..

.. تسلمين على هذا الموضوع ..

[ALjoori]

انا يمكن اسامحه..
المره الاولى بس



يعطيك العافيــــــــــــــــــــــــــه

تســــــــــلمين على الطـــــرح الجــــــميل


نتحـــــــــــــرى جديدك
ولكِ مني جـــــــــزيل الشــــــــــكر

[مريمي]

جوفي اختي بنت باريس،،، موضوعج فعلاً حلو ويستحق التجاوب......

بعد جوفي .... بالنسبة للتسامح ،،، هو صفة من المفروض ان تكون عند المسلم

يمكن كلامي يكون مكرر.... بس المعادلة بسيطة وفي غاية السهولة ....


اذا كان الله سبحانه وتعالى يغفر الذنوب جميعها دقها وجلها- إلا الشرك طبعاً-،،، وفي حال التوبة النصوح التي لا رجوع فيها إلى الذنب يبدل السيئااااااااااات إلى حسنااااااااااااااات...

فشلون وعلى اي اساس وبأي حق - عصبت - احنا البشر اللي كل حركاتنا وسكناتنا بأمر من الله ما نسامح؟؟؟؟!!!!

ما عنده سالفة الشخص اللي ما يسامح،،،، شنو بيجني ورا تعصبه لرايه والغل اللي تارس قلبه غير عوار القلب وضيق الصدر والهم ؟؟؟؟
" الله يهدي الجميع ان شاء الله "

مـــريـــمـــي :g: :h_gamzah: :) :h_um7yat: :n_bye: :h_love: