للبنات:: هل تقبلين الزواج برجل مدخن ؟؟

[الصقيري]

طبعا كلنا يعلم انه في الوقت الحاضر للأسف نسبة كبيرة من الشباب مدخنين..

والمدخن ..

إنسان ابتلى بشرب سيجارة أو أكثر يومياً

أصبحت تتهادى إليه على سبيل الإدمان والعادة ,,

قد تكون هذه السيجارة عيبه الوحيد ،,

وسؤالي هو هل تقبلين الزواج برجل مدخن ؟؟


الجواب بنعم أو لا ( مع شرح الاسباب ) ،،

وشكرا ،،،

[دارين شيخة الفياحين]

لا وألف لا

أولاً لآن الشيخ القرضاوي قد حرم التدخين ..

وثانياً لأني أكره ريحة السجائر وأشمئز من المدخنين ..

ثالثاً وأخيرا لأني أخاف على صحتي حيث أن أضرار التدخين ليست للمدخنين فقط بل حتى للي يجلسون حواليه ..

[الصقيري]

يعطيج العافيه على المرور .. ورايج صحيح ..
تحياتي لج

[الفـجر البـعيد]

انا راييي من راي اختي دارين ... لا و ألف لا

المدخن مايضر نفسه بس يضير الي حواليه بعد.. يسمونه التدخين بالاكراه
وانا مستحيل اقعد بمكان فيه دخان زجاير

[الصقيري]

يعطيج العافيه على المرور .. واتمنى نسمع اراء عكس هذا الكلام

ليكون الحوار احلى اشوي ....

[دمــــــــــوع]

والله أنا باقول رأيي اذا كان الرجال كفو وكلن يمدحه وماعليه كلام

خلاص اقبله وبعدين اذا ابيه يتركها انا بقوله يعني وبنصحه وباحاول يعني معاه

وهذا رايي

وتسلم اخوي على الموضوع:)

[الصقيري]

احلى .. يالي ماتجبر .. يعني بالعربي اذا هو خايف على صحته .. بيتركها

كلا م جميل ..

يعطيج العافيه على المرور

[الـقـبـيـلـيـه]

انا بعد رايي من راي اختي دمووع اذا هو رجال وكفوووو بس عيبه يدخن

عادي باقبله لاني مستعده من أول يوم اخليه ينسى شي اسمه زقاير :)

[الصقيري]

ياااااااااوااااااثقه .... هههههههههههههههههههه

يعطيج العافيه على المرور

تحياتي لج

[شـمـوـوـوخ سـبيـع]

اقبله وانا عارفه كيف اخليه يترك التدخيـن..:)

:: الصقيري ::

تسلم ع الموضوع الرائع..

ولاعدمناكـ..

[عاشقه هواه]

امممممممم انا عن نفسي اقبله

لان والله ياما ناس مايدخنون ماتشوف منهم الزين

وفي ناس يدخنون يهبلووون وعسوليين

وبعدين بكلمتين اخليه يترك ابو التدخين بعد

ههههههههههههههههههههههههههههه

يسلمووووو ع الموضوع يالصقيري ..
اختك
عشووقه :)

[بنت الفياحين]

انا ما ابي رجال يدخن بس لو كان هذا
عيبه الوحيد احاول اني اخليه يتركها
قبل لا يتم الزواج لاني صج اكره رجال
يدخن