دمــــــــــوع
04-29-2006, 11:47 PM
إعزائي :
أنا شاب ولدت ونشأت وترعرعت وتمرغت على أرض " نجد" لين قبل العام جينا للشرقيه مرورا بمطبات وشيل وحط وحدني واحدك ...
المهم مالنا في الحاضر وبنرجع للبدايات <<<<<<<< منت بهين ياالمنفلوطي
كنا شله كلهم يحبهم قلبك الله من الفله وسعة الصدر وكان اثنين من الزكرت اللي هم ربعي معهم سيارات واحد معه 200
ال وعليها كتابات وصور لاشفتها من بعيد احسبها صبوره تمشي وفيها لمبات من داخل الوانها خاثره احمر واخضر
كنها ديسكو وكل يوم يغسلها ثلات مرات ((( مضاد حيوي)) حتى شهب لونها من كثر الغسل ومعلق على المرايه عنقود
عنب ..
ومغير صور شاديه و سميرة توفيق كنك في استديو
واحد من العيال معه ددسن ولا يهون مسويه زي صديقي الاول اللي ذكرناه انفآ .>>>>> متعوب عليها هالكلمه
كنا نجتمع عند احد من العيال في بيتهم نجلس في السطح ((( قطاوه)) نتكي لين المغرب بعدهانروح للبيت نغير ملابسنا
تعالو شوفو الشخصيه كلن جايب جهدته في اللبس
انا عندي كان ثوبين ابيض واصفر ماركه ابو طياره كنه جريده اول مره اشوف ثوب يخرفش لين مشيت وغتره العقل
كنهم مغسلينها بصلصه وماتدري كم مرزام من كثرهن ومشصبات من كثر النشا الي لو تنقعها في طشت اسيد يالله لانت
وطاقية الزري والعقال العريض وكبك السمكه الاخضر وجزمه الكعب ((( والله كنا كشخه صح )) غير الاقلام اللي مصفوفه
بالجيب اصول الغزل و اللبس ودق الزين واتطيب بطيب ابو عصفور ( ماظنتي احدن منكم يعرفه ولا لحق عليه ) وطبعا كان
له استخدامات اخرى يعني بالنهار تعطر وبالليل امور اخرى ...********. تشفيــــــــــــــــر
وكان من ضمن البرنامج اليومي نروح لحاره اغلب اللي فيها شاميين وعرب اخرين ونروح نتميلح عند الدوافير الشاميات
ولنا خمس سنوات نغازل ماقد عطونا وجه بس بثرين لزقات نلحق الدافوره لين نوصلها شقتها ونرجع وعلى هالحال وغير
الغمز والتصفير على ذالحال خمس سنوات (( لا يئس مع الحياة))
وكان يوم الفله هو يوم الاربعاء نقعد نتولم ونجهز لكشته ( اللي يشوفنا يقول بنخيم شهرين مو كنها ست ساعات ) وكنا
معروفين بسياراتنا الثنتين اللي نروح فيهن للبر فمن نجي الشوكي ( المكان اللي يكشتون له اغلب الناس عندنا اسمه
شعيب الشوكي ) فتلقى العالم وخاصه العوايل ملقطين قشهم وضافينه ومغيرين مكانهم لغير هالروضه ( خابرين
الازعاج والطفاقه في هالروووس اللي جت ) ثم جينا وغبرتنا ثايرتن ورانا تقول أعصار مو سيارات وصفطنا ونزلنا
اغراضنا وقبل كل شي شغلنا المسجل وعطيناه حده ..( عشان نذبح الخروف ونجهز غدانا بمزاااج )
ولاخلص غدانا صلحنا الشاهي وجينا لنا تحت سدره وتبطحنا ( تقول ضبان ) ونجلس هناك لين المغرب نتميلح على العوايل
ونلعب طايره مع عيالهم الصغار الله من التميلح والاستعراض وحركات مالها داعي نتطاق ونتفالق ونتفل على بعض نلفت
النظر للبنات
ولايعطون وجه تسنهن الدوافير الشاميات (( اقسم بلله ما عندنا احساس اول ووجيهنا مغسوله بمرررق ))
ولين ظلمت الدنيا رجعنا للديره ودخلنا البيوت شوشنا طايره ومشوهبين ونجي مضيعين نص الاغراض اللي اخذناها من
بيوتنا وناكل من التهزيئ لين نقول بس وحنا ضايقتن صدورنا على نهاية ووداع يوم الخميس ( ياجماعه والله احس كان
ليوم الخميس طعم غير طبيعي ذاك الوقت ...غير عن هالحين وهالزمن الامحق )
كان الوداع مع هالفتره بنهاية عام؟؟ 14هـ >>>> لاحد يدقق بالتاريخ
وتوديعنا المرحله الثانويه ودخولنا المرحله الجامعيه فطارت الهايلكسات والدداسن وال 200 ال وحلت محلها اللكازس وتم
استبدال الشوش بفرساتشي ولكن هذه التغيرات >>>>> ابوك يافلاطون اسم الله عليك لايدري عنك احد بس
هذه التغيرات كانت ظاهريه فقط حيث مازال يقبع في داخلنا ذالك الزركتي الشامخ بشموخ وعراقه النعال النجديه ( الله
يعزكم ) اللي كان يلبسها وكان سحكها ينسمع مع بعد مئات الامتار وذلك الشماغ العنابي المنسوف على المتن وتلك
المشيه الراكده اللي تسنها طياره اف 15 تبي تديور من على المدرج ...
ولكن الظروف المحيطه ماتشجع صراحه عشان نرجع للي كنا عليه ، راحوا الدشير الصدقيين هالحين مواليد 1405 اصيع
واحد فيهم اسمه هاني واذا صار مره مجرم اسمه رامي .. هالاسامي ذاك الوقت كانت ضحايا للصيع والدشير والزكرتيه
الرائعين في ذاك الوقت .. ذاك الزمان حتى لو اسمك رامي تكذب وتقول اسمي دحيم والا حمييييييييد عشان ماتصير
مضحكه وملطشه بسبب اسمك يالرخمه ,,
حتى الفنانين ذاك الوقت ماعندهم ذاك التكلف مثل هالوقت
تجد البساطه وعدم التكلف ،وبالجلسه مرات تلقاهم حاطين المايك على بكت مالبورو احمر .. نظام مش أمورك لتحيا
الجلسة وتعم سعة الصدر والبنات قبل غير هالحين من اول البنت تمشي بالشارع وكل شوي صامخه في ماصوره ( لانها
ماترفع راسها ) من زود الخجل اما هالحين عسى ماتفقع وجهك لو تكلمها ومعاد تميز الرجال من الحرمه عندنا الا كان
بالعباه
اذكر قبل مده جتني الوالده اللي يطول عمرها وقالت لي :
ياوليدي ماتبي أخطب لك فلانه يازين هروجها وبعدين حرمه سنعه تعجبك!
قلت : هذيك رجالية مسترجلة يايمه ، أخاف إذا تزوجتها أنا اللي أحمل موب هي ، وإذا جانا عيال أنا اللي أرضعهم من صدري .
إييييييييييييه يرحم زمان اول ويحييك ياذيك الأيام ياليت من عنده بعد قصص من طفولته الزكرتيه يمتعنا فيها ترا كل ماتذكرت ذاك الوقت ساحت سعبولتي ودموعي اربع اربع
أنا شاب ولدت ونشأت وترعرعت وتمرغت على أرض " نجد" لين قبل العام جينا للشرقيه مرورا بمطبات وشيل وحط وحدني واحدك ...
المهم مالنا في الحاضر وبنرجع للبدايات <<<<<<<< منت بهين ياالمنفلوطي
كنا شله كلهم يحبهم قلبك الله من الفله وسعة الصدر وكان اثنين من الزكرت اللي هم ربعي معهم سيارات واحد معه 200
ال وعليها كتابات وصور لاشفتها من بعيد احسبها صبوره تمشي وفيها لمبات من داخل الوانها خاثره احمر واخضر
كنها ديسكو وكل يوم يغسلها ثلات مرات ((( مضاد حيوي)) حتى شهب لونها من كثر الغسل ومعلق على المرايه عنقود
عنب ..
ومغير صور شاديه و سميرة توفيق كنك في استديو
واحد من العيال معه ددسن ولا يهون مسويه زي صديقي الاول اللي ذكرناه انفآ .>>>>> متعوب عليها هالكلمه
كنا نجتمع عند احد من العيال في بيتهم نجلس في السطح ((( قطاوه)) نتكي لين المغرب بعدهانروح للبيت نغير ملابسنا
تعالو شوفو الشخصيه كلن جايب جهدته في اللبس
انا عندي كان ثوبين ابيض واصفر ماركه ابو طياره كنه جريده اول مره اشوف ثوب يخرفش لين مشيت وغتره العقل
كنهم مغسلينها بصلصه وماتدري كم مرزام من كثرهن ومشصبات من كثر النشا الي لو تنقعها في طشت اسيد يالله لانت
وطاقية الزري والعقال العريض وكبك السمكه الاخضر وجزمه الكعب ((( والله كنا كشخه صح )) غير الاقلام اللي مصفوفه
بالجيب اصول الغزل و اللبس ودق الزين واتطيب بطيب ابو عصفور ( ماظنتي احدن منكم يعرفه ولا لحق عليه ) وطبعا كان
له استخدامات اخرى يعني بالنهار تعطر وبالليل امور اخرى ...********. تشفيــــــــــــــــر
وكان من ضمن البرنامج اليومي نروح لحاره اغلب اللي فيها شاميين وعرب اخرين ونروح نتميلح عند الدوافير الشاميات
ولنا خمس سنوات نغازل ماقد عطونا وجه بس بثرين لزقات نلحق الدافوره لين نوصلها شقتها ونرجع وعلى هالحال وغير
الغمز والتصفير على ذالحال خمس سنوات (( لا يئس مع الحياة))
وكان يوم الفله هو يوم الاربعاء نقعد نتولم ونجهز لكشته ( اللي يشوفنا يقول بنخيم شهرين مو كنها ست ساعات ) وكنا
معروفين بسياراتنا الثنتين اللي نروح فيهن للبر فمن نجي الشوكي ( المكان اللي يكشتون له اغلب الناس عندنا اسمه
شعيب الشوكي ) فتلقى العالم وخاصه العوايل ملقطين قشهم وضافينه ومغيرين مكانهم لغير هالروضه ( خابرين
الازعاج والطفاقه في هالروووس اللي جت ) ثم جينا وغبرتنا ثايرتن ورانا تقول أعصار مو سيارات وصفطنا ونزلنا
اغراضنا وقبل كل شي شغلنا المسجل وعطيناه حده ..( عشان نذبح الخروف ونجهز غدانا بمزاااج )
ولاخلص غدانا صلحنا الشاهي وجينا لنا تحت سدره وتبطحنا ( تقول ضبان ) ونجلس هناك لين المغرب نتميلح على العوايل
ونلعب طايره مع عيالهم الصغار الله من التميلح والاستعراض وحركات مالها داعي نتطاق ونتفالق ونتفل على بعض نلفت
النظر للبنات
ولايعطون وجه تسنهن الدوافير الشاميات (( اقسم بلله ما عندنا احساس اول ووجيهنا مغسوله بمرررق ))
ولين ظلمت الدنيا رجعنا للديره ودخلنا البيوت شوشنا طايره ومشوهبين ونجي مضيعين نص الاغراض اللي اخذناها من
بيوتنا وناكل من التهزيئ لين نقول بس وحنا ضايقتن صدورنا على نهاية ووداع يوم الخميس ( ياجماعه والله احس كان
ليوم الخميس طعم غير طبيعي ذاك الوقت ...غير عن هالحين وهالزمن الامحق )
كان الوداع مع هالفتره بنهاية عام؟؟ 14هـ >>>> لاحد يدقق بالتاريخ
وتوديعنا المرحله الثانويه ودخولنا المرحله الجامعيه فطارت الهايلكسات والدداسن وال 200 ال وحلت محلها اللكازس وتم
استبدال الشوش بفرساتشي ولكن هذه التغيرات >>>>> ابوك يافلاطون اسم الله عليك لايدري عنك احد بس
هذه التغيرات كانت ظاهريه فقط حيث مازال يقبع في داخلنا ذالك الزركتي الشامخ بشموخ وعراقه النعال النجديه ( الله
يعزكم ) اللي كان يلبسها وكان سحكها ينسمع مع بعد مئات الامتار وذلك الشماغ العنابي المنسوف على المتن وتلك
المشيه الراكده اللي تسنها طياره اف 15 تبي تديور من على المدرج ...
ولكن الظروف المحيطه ماتشجع صراحه عشان نرجع للي كنا عليه ، راحوا الدشير الصدقيين هالحين مواليد 1405 اصيع
واحد فيهم اسمه هاني واذا صار مره مجرم اسمه رامي .. هالاسامي ذاك الوقت كانت ضحايا للصيع والدشير والزكرتيه
الرائعين في ذاك الوقت .. ذاك الزمان حتى لو اسمك رامي تكذب وتقول اسمي دحيم والا حمييييييييد عشان ماتصير
مضحكه وملطشه بسبب اسمك يالرخمه ,,
حتى الفنانين ذاك الوقت ماعندهم ذاك التكلف مثل هالوقت
تجد البساطه وعدم التكلف ،وبالجلسه مرات تلقاهم حاطين المايك على بكت مالبورو احمر .. نظام مش أمورك لتحيا
الجلسة وتعم سعة الصدر والبنات قبل غير هالحين من اول البنت تمشي بالشارع وكل شوي صامخه في ماصوره ( لانها
ماترفع راسها ) من زود الخجل اما هالحين عسى ماتفقع وجهك لو تكلمها ومعاد تميز الرجال من الحرمه عندنا الا كان
بالعباه
اذكر قبل مده جتني الوالده اللي يطول عمرها وقالت لي :
ياوليدي ماتبي أخطب لك فلانه يازين هروجها وبعدين حرمه سنعه تعجبك!
قلت : هذيك رجالية مسترجلة يايمه ، أخاف إذا تزوجتها أنا اللي أحمل موب هي ، وإذا جانا عيال أنا اللي أرضعهم من صدري .
إييييييييييييه يرحم زمان اول ويحييك ياذيك الأيام ياليت من عنده بعد قصص من طفولته الزكرتيه يمتعنا فيها ترا كل ماتذكرت ذاك الوقت ساحت سعبولتي ودموعي اربع اربع