سلسلة الألغاز الشعبيــــة

[ولد سبيع]

السلام عليكم ورحمة الله وبركاته
اخواني واخواتي حبيت بس أشوف شلون اهتمامنا بالقديم اللي كانو عليه اجدادنا رحمة الله عليهم

من خلال الغاز باطرحها عليكم وانتظر منكم الإجابات عليها
لاتخافون إذا صعب بسهل كل شي عليكم ##### مب نفس مدرسين الرياضيات ماعندهم رحمة


يلا بسم الله


(((((((((((((((((((((((((((((( 1 ))))))))))))))))))))))))))))))))))

على الكرسي كل في مكانه ... يسمع أغاني الإسطوانه
والشاي الأحمر في استكانه ... والنارييله بالجمر عمرانه
وغلوم في سرعه السعدانه ... يركض بين محمد ورفجانه
وعلى الرف حاط جفرانه ... بالسمبل المحمش مليانه
وبراس الداعوس قاعده حسينه ... بجدر باجلا مطبوخ بأمانه
تبيعه للناس القفشه بآنه ... يا محلاه في وقت راح زمانه

ـــــــــــــــــــــــــــــــــــ
السؤال هو : شسم هذا المكان اللي وصفته القصيده بهالأبيات ؟؟
مكان شعبي ... تلاقونه اللحين يمكن بس قل شوي عن السابق
أجدادنا يمكن ماكانو يقدرون يتخلون عنه !!!
جاااااوبو على السؤال
وكم الجائزه
صحن السمبوسه

[دمــــــــــوع]

تسلم اخوي على الالغاز :)

تحياتي لك....

[ولد سبيع]

تسلم اخوي على الالغاز :)

تحياتي لك....
دموع وين الاجابه خلاص مافي صحن سمبوسه
الجائزه الكبرى راحت عليج

[دمــــــــــوع]

والله ودي اجاوب بس مخي مجيم الحين خبرك اجازه يعني مخي مايشتغل الا الايام العاديه اما الاجازه لحد يسألني مخي مأجز :):)

هههههههههههههههههههههههههه وصحن السمبوسه خله لين يوم الحد بجيب الاجابات انشاءالله:):):)

[راعي بنيه]

يسلموووووووووووووووووو

[Omid]

وصف المكان كأنه القهوة.. بس القهاوي موجودة للحين..

و ما يبيعون فيها باجلا :h_m7tarah:

ساعدنا شوي يا خوي

[عاشقه الفيحاني]

المكان (القهوه)

وتسلم اخوي على اللغز :)

[أنثى متمرده]

يسلموو ع الالغاز
يعطيك ربي العااافيه

تحياااااااااااااتي
أ،ثى متمرده

[ولد سبيع]

صح هي القهوه Omid وتستاهل صحن سمبوسه ولكم السؤال الثاني

((((((((((((((((((((((((((2))))))))))))))))))))))) )))))


لعصـــــاته نرجــــــــع ... يوم يخط بها ونرفع
بحروف لصوتها نسمع ..... ساعات بالضمه ترفع
وساعات بالكسره تبدع ... كلام معناه مشجع
بأسلوب الحكيم موزع ... بشرع عنه مانرجع
بدروب الحياة مايضيع ... بجنات فيها يرتفع
ــــــــــــــــــــ
والسؤال هو :
من هو هذا الشخص أو المهنه الي انقالت عنه هالقصيده ؟؟

جاوبوا ولا تشكروني ابي الاجابه والجائزه 2 كيمه 1 بيبسي شتبي بعد

[دمــــــــــوع]

الجائزه حلللوه وتشهي بس السؤال ......الله لايهينك وضح اكثثثثر:) اذاممكن

[ولد سبيع]

شخص كان عضه للناس واذا مرض احد يروحون عنده بالاول طبعا ويمسك عصا للتحفيظ الطلاب وبس جاوبو

[الفـجر البـعيد]

المطووع .. .. صح ؟؟؟

[ولد سبيع]

صح بس يسمونه قبل المله لج شندويج واحد بس ونص قرشه بيبسي
السؤال الثاني
اللغز يقول

اللحين انتو مصدقين اللغز بيتكلم !!


خلاص بقول

والله قسم بالله نسيته والله ثواني أتذكر


إي إي حصلته

# الثنين ((2 )) صارو ثلاث
والليل صار نهار
والجماعه ... تفرقو

ـــــــــــــــــــــــــــــــــــــ
يلا شنو الشي اللي تتوفر فيه هالمواصفات ؟؟
بساعدكم اذا الانسان كبر وشو الاشياء الي بالسؤال
والي يجاوب له صحن يقط من طباخ الخدامه
مع بيبسي حار يالله جاوبو

[دمــــــــــوع]

ماعرفت الا الليل صار نهار يعني شعره وشواربه قلبوو بيض قبل على ايام الشباب كان شعره اسوود صح ابي اليقط خخخخخخ

والجماعه تفرقوو الاسنان

:h_lala:

[ولد سبيع]

باقي شي واحد واليقط من نصيبج
2 صارو 3
شنو جبتي 2 باقي 1

[Omid]

كان يمشي على رجلينه و صار يستخدم عكاز

[الصقيري]

يسلموووووووووو
يعطيك الف عافيه