قلتي وقلت وكلمة الحـق تنقـال

[دمــــــــــوع]

قالت ترى منت بحلو قلت رجـال
والزين ماهو من شروط الرجوله



الزين يلقى عند لابسـات الشـال
والرجل زين إن كان زانت فعوله



قالت علامك تلبس شماغ وعقال
انت بدوي قلت بدوي ومن حموله


مالبس بناطيل لها ألوان واشكال
وامتر الشارع بعرضـه وطولـه



قالت أجل راعـي معاميـل ودلال
شرب القهاوي تحسبونه بطولـه



قلت اسمعي وافهمي كل الاقـوال
تمعني فـي كـل حـرفٍ اقولـه



كيفي يابنت العطر دله وفنجـال
وحليب خلفه في المراح معقولـه



حب الكرم والجود وعلوم الرجال
مغروسةٍ فينا من زمان الطفولـه



قالت ترى بنت البدو خطها مـال
قلت افهمي وحذري تكوني جهوله



بنـت البـدو مضـرب للامثـال
غير الجمال وطاعة الله خجولـه



ماحطة صبـاغ ولاحطـة ظـلال
ولاتسير في السوق سيرة مهبوله



ماتنخدع في كل ماكـر ومحتـال
الي لهم في السوق صوله وجوله



ريميـة ماصابهـا كـل خـتـال
حتى من انساب الهبايب جفولـه



قالت تغزل بي وشف حبة الخـال
ناظر عيوني والرموش الكسولـه



ناظر جديلٍ فوق الامتـان ميـال
ومبسـم يعجبـك نظيـم لونـه



قلت العفو مايصير زين وهبـال
والي تبينـه يصعـب حصولـه



قلتي وقلت وكلمة الحـق تنقـال
والزين ماهو من شروط الرجوله


اختكم........دموع:g_haha:

[العاقل]

قلتي وقلت وكلمة الحـق تنقـال
والزين ماهو من شروط الرجوله


شكرااااااااااااااالك على هذه الرايعه

تحياتي وتقديري

[دمــــــــــوع]

العفووو اخوي

ماقصرت والله مرورك الاروع :)

[السويدي]

روعه يادموع ولاكن اختي هل القصيده من كتاباتك
والامنقوله ارجو التوضيح يامبدعه
تحياتي0
اخوك/السويدي

[دمــــــــــوع]

والله مرورك الاروع اخوي :)

لاوالله مب من كتاباتي انا امتب بس ماقد حطيت بالمنتدى شي من كتاباتي ...:)

تسلم وماقصرت على المرور

[عاشقه الفيحاني]

صح لسانج ولسان قايلهاااا

اي دموع تكتب شعر بس تحتفظ فيه لنفسها وكتاباتهااااااا روووووووووووعه

تحياتي لج :)

[أبونواف{الثوري}]

روعه يادموع ولاكن اختي هل القصيده من كتاباتك
والامنقوله ارجو التوضيح يامبدعه
تحياتي0
اخوك/السويدي


http://al3ashg55.jeeran.com/ggg.gif

صدقت يا أبو عبدالله

الأخت دمــوع أنتي مبدعــة بكل معنى الكلمة ولو اني لم أقرأ لكي قصائد خاصة ولكني أقصد بوصفي لك مبدعة هو إبداعك في النقل بحسن إختيارك لما هو جميل وهذا دليل على ما تتمتعين به من ذوق رفيع وخلفية شعرية رائعة

أختي الكريمة لقد قرأت أغلب مشاركاتك مثل {كـم عـذروب} و {أجل ليش أنت رجال} و {لا تـــعتذر} وغيرها وجميعها قمة في الروعة والجمال

هناك ملاحظة بسيطة وهي عدم كتابة أسم الشاعر أو على الأقل كتابة أن الموضوع {منقول} أرجو أن تهتمي بتوضيح هذا الأمر مستقبلاً حتى لا تتعرضي للإحراج من قبل أحد الأعضاء وتسمعي منه من الكلام والإتهامات ما أنتي في غنى عنه

بالنسبة لهذه القصيدة أعتقد والله أعلم أنها للشاعر ضيدان بن قضعان ولست متأكد من ذلك لأني قد قرأتها قبل كذا ولكن نسيت أسم الشاعر

http://www.spundreams.com/stainedglass/rhbar.gif




http://www.****l.linux.se/ali/upload/uploading/ta7eaty.gif
وتقديري لك ولجميع الإخواااااان

[دمــــــــــوع]

تسلم وماقصرت من ذوقك والله:)

صح كلامك انا المفروض اكتب على الاقل منقول بس انشاءالله المره الجايه راح ابين لكم كتاباتي واللي انا ناقلتهم :)

مشكوور اخوي وماقصرت وانا اسمتع واستفيد من نصايحك لي :)

تحياتي العطره لك...

[أنثى متمرده]

دمــــــــــوع
للكلمات أشكال وأحرف تصاغ بكل حرفية وليس كل من يكتب يقال بأنه كتب ... أما ما نراه فقد خط برسمٍ جميل وإبداعٍ ملحوظ ...

دموع ... أبدعتِ كعاتدكِ .. رسمت أروع الكلمات وزينت بها إحساسكِ الرقيق .. تألقت أحرفكِ بصورة فريدة وصلت للقراء ... أشكركِ على تلك الكلمات وتقبلي مني كل تحية وتقدير ..
أنثى متمرده

[السولعيه]

الزين يلقى عند لابسـات الشـال
والرجل زين إن كان زانت فعوله



قالت علامك تلبس شماغ وعقال
انت بدوي قلت بدوي ومن حموله


مالبس بناطيل لها ألوان واشكال
وامتر الشارع بعرضـه وطولـه

أحلى أحلى يـــا دموع يالخطيره من يون جايبته هاااذي واللله شي

[فارس الأول]

رائع اختي دموع

من أجمل ماقراءت من قصيد جزله ومعبره
ومعانيها قووويه
صح لسان قائلها وتسلم اختنا دموع على الاختيار الجميل

تحياتي لكي

[دمــــــــــوع]

صـــح بـــدنــــــــك اخوي فارس

مشكوووور اخوي ومرورك الاروع:):):)

[الفـجر البـعيد]

مشكوووووووووووره اختي دمووع على القصيده الرووعه وصج لسانج ..
:)