قصيدة القبائل للشاعر المعروف مفلح بن عمير الواهبي الشهراني

[الحميدي بن سعد السبيعي]

قصيدة القبائل للشاعر المعروف مفلح بن عمير الواهبي الشهراني
بعد طلب طرحها من الاخ العزيز أبو نواف الثوري ومن بعض الاخوان في هذا المنتدى بالشكل الصحيح . بعد الاتصال بصاحبها مباشره وأخذ الأذن منه
في نشرها في هذا المنتدى الشامخ,,,,,,,,,



يالله ياخـالـق اراضـيـن وابـحـار=الـواحـد المعـبـود رازق عبـيـده
الخالـق الغفـار عـلام الاســرار=وفرق شعوب الارض في كـل بيـده
من بعدها بديت مـن عـذب الاشعـار=ابيـات شعـر والمعـانـي وكـيـده
اشري وابيع وعـارف كيـف بختـار=واختار من جـزل البيـوت الفريـده
واذكر تراث وعـز وامجـاد وافخـار=قبـائـل تـومـن بـديـن وعقـيـده
وصلت حضارتنا على سطح الاقمـار=ابنـا الجزيـر والجزيـره مجـيـده
في ظل حكـام لهـم فعـل واشـوار=ال السعـود اللـي تفـك الضهـيـده
نسل الزعيـم الحاكـم العـادل البـار=مجـدد امجـاد الجـزيـره بجـيـده
حتى اصبحت حره وحنا لـه انصـار=في ظل اخـو نـوره هنـوف سعيـده
وصارت لابو تركي بطولـه وتذكـار=والفخـر والامجـاد تبقـى شهـيـده
وخلف لنا املوك لهـم فعـل واخبـار=والشعـب واحـد والقيـاده رشـيـده
والامن بانينـه علـى سـاس وجـدار=وقرو علـى العابـث عقوبـه شديـده
وحنا حمـاة الـدار مـن كـل غـدار=ومـا همنـا بطشـه وخبثـه وكيـده
قـبـائـل ما لحقـنـا هـم أو عـــار=وعشنا بهـذي الـدار عيشـه رغيـده
والحمـد لله نحمـده سـر واجـهـار=شعـب تكاتـف مـن سنيـن مـديـده
ودون الوطن جيش على كـل معبـار=لارفـرف البيـرق ونـادى عقـيـده
بشرق البـلاد وغربهـا دوم حضـار=وارض الشمال اللـي نفـوده مديـده
وارض الجنوب اللي تخيضر بالاشجار=جزيـرة فيـهـا القبـايـل عـديـده
ارض بها قحطـان وافيـن الاشبـار=وياعـز منـهـم بالشـدايـد بسـيـده
واذكر عتيبـه يـوم للطيـب مغـوار=لا ثـارت الهيجـا وقـرب ضـديـده
وشمر هل الطولات والجـود مقـدار=اهل الكرم واهـل الفعـول الحميـده
وقوم اعنزه مروين الاخصام الامـرار=اولاد وايـل مـن عصـور عهـيـده
ومطير قـوم تكـرم الضيـف لا زار=وياويل خصـم فـي حراهـم وعيـده
واذكر قبيلـة حـرب يانعـم الاخيـار=وتاريخهـم يحكـي سطـور مجيـده
وسبيع نعم القـوم ووجيـه الاسفـار=زبن الدخيل ليـا زبـن مـن طريـده
واذكـر قبيلـة يـام والطيـب ينـدار=اهـل العلـوم الوافـيـه والرشـيـده
ثم الدواسـر هـل مواجيـب ووقـار=اهـل الفخـر ياعـز منهـم سنـيـده
ثم السهول اللي لهـا الطيـب مـدرار=وعن منهج العـادات ماهـي محيـده
ثـم اذكـر العجمـان حمايـة الجـار=والمرجلـه والجـاه فيـهـم عتـيـده
واذكر بنـي مـره طويليـن الاعمـار=مـا ينقـد المـري ولا لـه نقـيـده
ثـم الهواجـر لابـة تقـدح الـنـار=اهل الركـاب اللـي خطاهـا بعيـده
واذكـر بنـي خالـد قبيلـة وامــار=والباهلـي للطـيـب كـفـه مـديـده
وبني تميم اللي لها الطيـب مصـدار=بنـي تميـم وكــل عـلـم تفـيـده
ثم الزعوب اللي بها الخصـم يحتـار=شجعـان ماترضـى سـوا ماتـريـده
والعازمي وافي وفي الطيـب بيطـار=روحه على كـل المصاعـب صميـده
ثم الظفيري فـي المصاعيـب جبـار=والطيـب والامـداح باصلـه وطيـده
ثم اذكر الاشـراف بجـلال واكبـار=وقريـش مكـه مـن عصـور تليـده
ثـم الهذيلـي لـه مواقـف ومنـدار=راعي الفخـر فعلـه وطيبـه يشيـده
ثم البقوم اللـي لهـم جيـش وامهـار=واذكـر بنـي عـدوان قـوم رشيـده
واذكر ثقيف اللي لهـم مجـد وآثـار=ومهمـا حسبنـا مـن كـلام نعـيـده
وبلحارث اهل العز بشهـود واقـرار=الحارثـي ياطيـب فعـلـه وجـيـده
والمالكي معروف لا صار مـا صـار=في موقف اهل الطيـب يبـذل جهيـده
واثني تحياتـي عـدد وبـل الامطـار=علـى سليـم وكـل خصـم تكـيـده
واذكر جهينـه هـل مواقيـف وادوار=تلقى الجهينـي راسـم الطيـب بيـده
واذكر بلي والمجد له فعـل واظهـار=وتاريخهـم يحكـي فعـول فـريـده
وبني عطيه فـي المواجيـب حضـار=قـوم بوقـت الجـد قــوم عنـيـده
ثم الحويطـي والكرامـه لـه اشعـار=ثـم الشـراري كــل راي يجـيـده
ثم الرشيدي فـي الصعيبـات صبـار=علـى علـوم الطيـب فعلـه يزيـده
وباقي جنوب الـدار والقـاف مـادار=باقـي علـى قلبـي كـلام واشـيـده
زهران نعم القوم في وقت الاضـرار=والخصـم عينـه مـن لقاهـا سهيـده
والغامدي معروف له عزم واصـرار=تاجلر وبنـك المـال غطـا رصيـده
وشمران نعم القوم في كـل الاطـوار=وبلقـرن ســم للقـلـوب النكـيـده
والاكلبـي والمحلفـي مابعـد بــار=وعليـان وبلحـارث وخثعـم سديـده
وبني شهر وبني عمـر سيـف بتـار=قـوم علـى الاخصـام نـار وقيـده
والاسمري والاحمري صيتهـم سـار=بيـن القبايـل والمـواقـف شهـيـده
واذكر عسير الهول ذربيـن الاذكـار=وابهـا احتموهـا فالسنيـن الشـديـده
وادهم مع الصيعر على حـد الاقطـار=يحمون حد الـدار مـن اللـي يريـده
وامشي مع الساحل مع جملـه افكـار=رسمتهـا والطـيـر زان اتغـريـده
وانزل على جيـزان تاريـخ واديـار=ورجـال فيفـا والقبـايـل عـديـده
وارجوا العذر واهل المواجيب عـذار=للـي نسيتـه مانذكـر فـي القصيـده
الواهبـي عـدد ابيـوتـه بــالادوار=مـن شاعـر ماشـل قلبـه حقـيـده
شهران ربعي هم هل المـدح والكـار=واهل الكند واهـل السيـوف الجديـده
يـوم البلـد ما يامـن الزنـد لا ثــار=زيزومنـا ابـن مشيـط نعـم الوليـده
فالجهل شجعان وفـي السلـم تجـار=مـن حجـف بيشـه للتهـم لارفيـده
حبيـت ابيـن موقفـي بيـن شعـار=وارجوا سموحتكـم علـى ذا النشيـده
ماحـب انافـق واتعنصـر تعنصـار=ولا نيب اطيع اهـل العقـول البليـده
فما كل من طب البحـر قيـل بحـار=وما كل من شل الفشق جـاب صيـده
والشعر بستـان بـه ورود وازهـار=والـلـي تعـداهـا بيـوتـه فقـيـده
واقولها في الشعـر تكـرار وامـرار=ظـرف بـلا عنـوان يلغـى بريـده
وبعض القصايد له مواقف ومحضـار=وشعـر بـلا معنـى لـزوم نبـيـده
وصلوا على المرسول شفاع الابـرار=محمـد الـهـادي وقــدوة عبـيـده

الشاعر المعروف مفلح بن عمير الواهبي الشهراني

[ولــ عتيبه ـــد]

اللهم صلي وسلم علي نبينا وحبيبنا محمد

وصح لسان الشاعر مفلح ومشكوووووور اخوي

[أبونواف{الثوري}]

http://al3ashg55.jeeran.com/ggg.gif


أحسنــت , أحسنــت , أحسنــت ,


أخي الغالي الحميدي بن سعد السبيعي


صح لسااااان الشاااااعر مفلح بن عمير الواهبي الشهراني ولساااااانك قصيدة جزلة

من شاعــر جــزل سلمت يمناااااك ولا عدمنااااااك على هذا النقل الرائع


والحقيقة يا أبو سعــد إننا ما تعودنا منك دائماً إلا كل ما هو جزل وجميل سواء كان من

إبداعـك أو من نقـلك وهذا ليس بغريب على من هو شاعـــر وأبــن شاعـــر مثلك


أخي أبو سعـــد لقد كنت وما زلت من عشاق شعرك الراقي وكلماتك العذبة والتي أثريت

بها جميع مواقع القبيلة وأسعدت بها من في هذه المواقع أو زائر لها وأنت من الشعراء
اللذين لا يستطيع كل من يفهم في بحور الشعر أو متذوق له أن يمــر على قصائدك مرور
الكرااااام ولكن تجبره أن يقف أمامها إعجاباً وإحتراماً لكي يوفيها حقها ويسطر لقائلها

ومبدعها أعظم وأجمل كلمات التقدير والإحترام على صفحات إبداعاتك الجميلة والرائعة


اسمـح لي يا أبو سعـــد من خلال هــذا المنتدى الطيــب رغم عــدم معرفتــي الشخصية

والمباشرة بك أن أسجـل إعجابـي وتقديري الشديد في شخصك الكريم وفي كل ما تقدمه

من القصائد الجزله والجميله ما شاء الله


دمت لنا سالمــاً ودام لنــا إبداعك العــذب والراقــي والجميــل




http://www.msahm.com/vb/images/smilies/post/atibtmniat.gif

http://www.spundreams.com/stainedglass/rhbar.gif






http://www.****l.linux.se/ali/upload/uploading/ta7eaty.gif

وتقديري لك ولجميع الإخواااااان

[أنثى متمرده]

الحميدي
جميل ما نقرأه لك ..
كلمات معبره أرتشفنا منها الجمال ..
كتبت فأبدعت ..
وننتظر منك ما هو أروع ..
تحياااااااتي
أنثى متمرده

[مشاكس الفيحاني]

صح لســـــــــــــــانك ولســــــــــــان الشاعر


الله يعطيك العافيــــــــــــهـ ,,